يا وجد وجدي وجد تغلب على الزير =و عـزّي لحالـي مـن تزايـد عقـدهـا
يا عيـن هلّـي مـا بقـى مـن مذاخيـر = و انما وجدتـي الدمـع صبّـي كبدهـا
يلـجّ فـي صــدري ســواة الدوافـيـر = علـم قسـم روحــي غـثـاه و بجـدهـا
توقفّـت منـه الجزيـره عــن السـيـر = و تضايقت منـه الوحـوش و هددهـا
يا كبـر كسـرٍ مـا يجـي لـه تجابيـر = راح (الفهـد) وش عـاد نرجـي بعدهـا
=
انا اشهد ان الموت ما عاد بـه خيـر = مـن بعـد مـا فــارق ثـراهـا فهـدهـا
وش فيه ما حوّل على بوش و بليـر = استغفـر الله مـا استـدار و حصدهـا
أدنـى همومـه ردّ الاقصـى بتحريـر = غايـة حلومـه كـيـف يحـيـي بلـدهـا
لكـن عزانـا فـي الملـوك المشاهـيـر = اخـوان نـوره غايـة الـلـي قصـدهـا
نــدّر حــرارٍ كـالاسـود المـغـاويـر = لا ثـارت الهيـجـا و وقّــف مـددهـا
يـروون حــدّ مرهّـفـات السواطـيـر = عـيــنٍ تعـاديـهـم يجـيـهـا رمــدهــا
تسلم يا ابو متعب و ما تطلب يصير = شعـب السعـودي بايعـك يـا سعـدهـا
يا سورها يـا درعهـا فـي المعاسيـر = يـا نورهـا يــا سمعـهـا يــا سنـدهـا
معك نواصـل مـا بـدا مـن مشاويـر = خطـوات ابـو فيصـل نجـدّد عهـدهـا
ذاك الزعيـم اللـي لـه سياسـةٍ غـيـر = اللـي اليـا ضاعـت الأريــا وجـدهـا
اللي حماها يـوم هاجـت الاعاصيـر = ثـبّـت قـواعـدهـا و جـــوّد عـمـدهـا
فعايلـه مـا تنـوجـد فــي الاساطـيـر = مكاسـبـه يحـتـار عـقــلٍ رصـدهــا
يمناه مـا تحسـب حسـاب المخاسيـر = كـم دولـةٍ مــن مـدّتـه فــي رغـدهـا
خلّـى جبـل مـكـه زروع و نوافـيـر = وسّـع مشـاريـع الـحـرم و اعتمـدهـا
قـدّس كتـاب الله و خـلّـى الدساتـيـر = يمـشـي عـلـى سـنّـة نبـيّـه وحَـدهـا
خلّـى السعـودي عايـشٍ كـنّـه أمـيـر = هـوّن عليـه مــن الهـمـوم و نكـدهـا
لا من وقف توقف شيوخ و جماهير = حطّـم جيـوش المجـرم اللـي حشدهـا
يا شوف عيني يـوم سـاق الطوابيـر = و أهدى علـى جـاره قصـورٍ فقدهـا
يالله عسـى روحـه تـزّفّ التباشيـر = فـي رحمـة الرّحمـن يِـكـرِم وِفَـدهـا
في ظلّ عرشه من حرارة زِمهْريـر = فـي جنـة الفـردوس يسـكـن فهـدهـا
صـلاة ربـي عـدّ مـا سـبّـح الطـيـر = و عـداد مـا دكّ السحـايـب رعـدهـا
عـلــى نـبــيّ معـجـزاتـه تـذاكـيــر = شفـيـع الأمـــة لا تـــردّى جـهَـدهـا

المشاركة الأصلية كتبت بواسطة دغش البطي أبو زيد الغييثي بيض الله وجهك ياسنايدي على نقل هذه الرائعه سلمت يمينك والله لايهينك وصح الله لسان الشاعر عبدالله الدوسري ملايييييييين ورحم الله فقيد الأمه عاطر التحايا محبك ومغليك : دغش البطي

المشاركة الأصلية كتبت بواسطة الواضح أبو زيد الغييثي مبدع في نقلك مبدع في أختيارك وصح لسان عبدالله الدوسري

يا وجد وجدي وجد تغلب على الزير=و عزّي لحالي من تزايـد عقدهـا