حركت في ليلا (ن) تلامع نجومه=من ديرة جعل المعزه لاهلها
الديره اللي بالكتاب محكومه=اللي تقدمها يسابق عملها
متوجه والخط تشر ارسومه=يم الكويت اللي كستها احللها
الديرة اللي فالخليج محشومه=اللي غلاها زاد من طيب اهلها
لدعوة اللي كل عسر يرومه= اللي هقاوي لابته ماخذالها
سالم وريث المجد من طيب قومه=نطح الصعايب خصلة من خصلها
لطام شرهات الوجيه الكضومه=وحلال عسرات الامور وامالها
من طيب راسه ماتراخى عزومه=ومن حنكته روس المعالي وصلها
حر تنومسني طلايع علومه=سيرة بطل تقديرها من بطلها
حر شهر وبعد من الارض حومه=لاكبرت القالات شاش ونقلها
كم عاني وقف ولبى لزومه= وكم حاجة لا عجز غيره حملها
عون الدريك اللي مجافيه نومه=ومنصاء الرجال اللي تزايد عللها
كن المراجل في يدية امحكومه=بشاشته خلقه وروحه بذالها
من لابة تعرف نهار الخصومه=يحشم مجاورها ويدرى زعلها
يفداه غوج كشخته في هدومه=يروغ وحقوق الرفاقه جهلها

أررررررررررررحب ثم ارررررررررررررررحب يا ابوسالم
وصح لسسسسسسسانك واعتلى شانك يالذيب
وقصيده جزله من واحدن راعي جزل ويستاهل الشيخ سالم بن شعيب الدبالين
وماقصر وبيض وجهينا بالحفل الناجح وماهيب غريبه عليه .

سالم وريث المجد من طيب قومه=نطح الصعايب خصلة من خصلها