أقرب حبيبي وأزرع الروح أزهار = وأقرب وعطني الشوق يا أغلى الأحباب
بسقيك من عمري كثر مد الأنهار = وأعطيك قلبٍ فيك لوكان ما ذاب
وشلون أبوصف بالحلا فيك محتار = أسمك ورمشك والشعر فيك جذاب
وأن مر زولك لافت(ن) كل الأنظار = حسنك سرق في عالمي كل الالباب
[مغرور يا عيني لك الحق تغتار] = مزيون يا كل الدلع فيك منصاب
والشامه اللي فيك ياحسن الأبرار = مفتون قلبي ذاب من سحر الأهداب
من بسمته ينعش لها قلب الافكار = ومن ضحكته وسع لي الصدر أرحاب
في عينها شفت الوطن مشّعل أنوار = وطن بها عز الحبايب والأقراب
حتى القمر أبعد عن الزين منهار = أنهار بالحسن اللذي فيه مصاب
عجزت حروفي والقصايد والاشعار= صحيح قالو دايم الزين غلاب
حتى الغزل وصفه له اليوم أسرار = أخاف وصفي اليوم لا يكون ما صاب
الخشم سلة سيف بالحيل دمار = من شفتها ضيعت انا كل الأصحاب
وش عاد يا عمري لك الوصف مشوار = أخاف نصف الوقت في وصفك أنخاب
وأسمح لي يا عمري ترى فيك محتار = من زود وصفي خايف تقول كذاب
أبختصر قولي حبيبي بالأشعار = دروب المعاني بعدك اليوم أغراب
أقرب حبيبي وأزرع الروح أزهار = وأقرب وعطني الشوق يا أغلى الأحباب