::: مـنتدى قبيلـة الـدواسـر الـرسمي ::: - من أعلام الشعر النبطي..الشاعر الكبير سليمان بن شريم رحمه الله


	http://www.al-rass.net/vb/images/short/bsmlah.gif (¯`·._(* من اعلام الشعر النبطي )_.·°¯) الشاعر الفحل سليمان بن شريم رحمه الله http://sestm.jeeran.com/www.mowjeldo...-3barat-58.gif الشاعر الكبير سليمان بن شريم، شاعر اشتهر بالمطولات وهو أيضاً أول من مارس شعر المحاورة في نجد مع صقر النصافي ومرشد البذالي وعبدالله اللويحان وأحمد الناصر.. ويعتبر هذا الجيل هو المؤسس الحقيقي لشعر المحاورة في نجد. ابن شريم المؤسس الحقيقي لشعر المحاورة في نجد اشتهر بقصائد الغزل وأجاد في الحكم عاش سليمان بن شريم إلى ما بعد منتصف القرن الهجري الماضي وهو من أهالي السر في نجد ويعتبر من أبرز شعراء القرن الماضي وله قصيدة طويلة ينصح فيها ابنه عبدالعزيز ويبين له تجاربه في الحياة بطريقة اتسمت بالحذر والتشاؤم. الشاعر سليمان بن شريم أراد أن يلقن ابنه العديد من الوصايا التي يرى أنها ضرورية جداً للبقاء قوياً. هذه قصيدة للشاعر الكبير سليمان بن شريم رحمه الله ينصح فيها إبنه* يا مل عينٍ في محاجـــــــيرها شوك =والقلب به عن لذة الــــــــنوم تكـــاك لا دك في قلبي من الهم داكـــــــوك =جاوبت طربات الحمايم على الـــراك عزي لحالك يا عزيز وأنا ابـــــــــــــوك =.كان الزمان اللي توطــــاني توطـــاك إفهم وصاتي يا عزيز وأنا ابـــــــــــوك =.دامك صغير وغاية العــــــلم يقــــراك تراه ما ينــفعك خالك ولا أخــــــــــوك =لا صار ما تقضي لزومك بيمــــــــــناك وربعك ليا بان الخلل فيك عافــــــــوك =أقرب قريب ٍ لك من الناس يشــــناك إن كثر مالك صدقواّ لك وطاعــــــــوك =وإن قل ما بيديك شانت حلايـــــــاك لو تطلب الما عندهم كان ما أسقوك =إبعد مزارك عن وطنهم ومـــــــــرباك وإن طاب حظك صدقوّا لك وحــــــبوك =وإن بار كلن ما يبي غير فرقـــــــــاك وإلا إعترض لك من صروف الـنيا صوك =كلن تبرا منك ماهــــــوب ويـــــــــاك هراجة المجلس إلى جـــــــيت وروك =منازل ٍ تطرب نظيرك بدنــــــــــــــياك وإللا قضى منك اللوازم وخلــــــــــوك =تفرقوا وأنت إحتمل كل ما جــــــــاك كنك سراج البيت للنور شـــــــــــبوّك =.وإلى إنقضى اللازم حدا الربع طفاك وألا كما ليمونة الحمض مصــــــــوك =وإلا قضى منها الطعم فرغــــــــوا ذاك واللي يجي من رفقته ريب وشكوك =إحذر عنه لياك تصدف بمـــــــــسراك وإلا جفوك أهل الوطن وإســـتخفوك =قلّع غريسك منه وإهدم ركايـــــــــــاك تراك لو تنجع على الربع صــــــعلوك =أحسن من اللي نلتجي به وياطـــــاك عطهم وضيفهم إلا منهم جـــــــــوك =وإغلق ضميرك لا تعلم بقصــــــــــــياك إن طبت ما حبوّك وإن عبت زالــــوك =تمضي حياتك ناقل ٍ داك بريــــــــــــاك وإلى نفوك إمن الوظيفه وعافــــــوك =خفتّ موازينك وكلن تهــــــــــــــــقواك وإصحى لخلان الرخا لو تغـــــــــالوك =إعرف ترى أطيبهم إلى إحتجت يجفاك كنك خوي مقيط دهووك وأغــــــووك =وحقك عطاك رشاك وأقفى وخـــــلاك وإحذر عن العلة ترى الحق مـــدروك =مثل العمل يدركك ما منه فكـــــــــــاك وإن كان عدوانك على الضيق حدوك =فإخصم طلابتهم بعجفاك وقـــــــــداك وإن كانهم لمشرّف الحق ماشــــوك =ناظر مطاليع الفرج قبل مـــــــــــــبداك وإن طاوعوا شيطان الأنفس وهانوك =فإصبر على البلوى ودفنك رزايــــــــاك زرهم تراك إلـــــــيا تونــــيت زاروك =إن ما بديت لصاحب السو يبـــــــداك ما دامهم ما طاوعــــوا لك وعرفوك =إضرب على الكايد إلى عمست رياك لو هذبوك إمن المصاوب وضــــدوك =ما يذبحونك قبل تدني مــــــــــناياك وإحلم على الجاهل ترى الحلم مبروك =وقم للضعيف اللي من الظيم ينخاك وإدمح خطاجيران بــيتك إلى أوذوك =ترى القصير وحرمة الجار بحــــــماك عطهم لوازم حقهم لو تناســــــوك =في كل ما يصلح لدينك ودنــــــــياك وقم للضيوف اللي لفوا لك وضافوك =أغلى كرامتهم حجاجك وبشــــــراك وإعرف ترا مالك للأضياف مشــروك =لولاه يطلب حاجته منك ما جــــــاك وقم للرجال إن رايعوا لك وحبــــوك =وإحشم خويك وأكرمـه عند ملـــفاك وإلى إعتبرت بسيرة الناس كفــوك =ما كثر من شي أتعبك ثم عـــــــناّك ولولا تبات بهمّ دنياك مظـــــــــنوك =ما طاب لك ما دام لك وإفتــــهم ذاك لو يطلبون إخفايك الناس ما أخفوك =الرجل مثل النجم في كل الأفــــلاك وصلاة ربي عدّ الأوراق والشـــــوك =أو ناض براق ٍ وما هل ســــــــــــفاك على الذي ما فيه ريب ٍ ولا شكوك =امحمد ٍ ما دك بالقــــلب دكـــــــاك وأيضاً من قصائدهـ الـبـارحـة سـاهــر والـدمــع يــجــري = والقلـب حــزن عـلـى فـرقـى حبيـبـه كــريــم يــابــارق يــنـــوض حـــــدري = واللـي سـرى بالـغـداري يقـتـدي بــه والـــى ضـــرب وادي خـــلاه يـجــري= عسـى طـروش البـوادي تـرتـوي بــه متخـفـي لابــس لــه بـشــت بـــدري = حسبي على البشت واللي غرني به يامـدرج السـاق حـالـي مـنـك مـبـري = بـــري النـجـاجـيـر عــيــدان صـلـيـبـه ابـــو قــــرون تــغــذى بالـشـمـطـري =* مثـل السفايـف عـلـى كــور النجيـبـه ابـــو عـيــون الـــى دلــــت تــخــزري = ترمـي بالاسبـاب ويـل الـلـي تصيـبـه ابـــو خـديــد يـشــادي نـجــم فــجــر= والا الـقـمـر لاانتحىيـبـغـي مـغـيـبـه ابـــو نـهـيـد كـمــا الـفـنـجـال زبــــري = ويـمـزع الـثـوب مــن حـــال غصـيـبـه يـالـيـتـنـي عــالـــم بـالـغـيــب وادري = عن غض الانهاد مـن هـو مـن نصيبـه يالـيـتـنـي حــايــف ويــقــال خــبــري= انهـب صخيـف الحشـا ثـم اغـدي بــه من طاب لـي طبـت لـه والكـل يـدري= واللـي يتغلـي عليـنـا وش نـبـي بــه ان مـت حطـوا بــدرب البـيـض قـبـري= تكفـون حـطـوا عـلـى قـبـري نصيـبـه يـا مــن يــرد الحبـيـب ويـاخـذاجــري= قـفــا بـــلا ســبــة ربــــي حـسـيـبـه مـاقـدر الله عـلـى المخـلـوق يـجـري=والعـبـد لـزمــا تـــرى يـاخــذ نصـيـبـه وا قــو مــا صـابـنـي وا قـــوصـبــري = لـعــل مـــا صـابـنـي مــنــه يـصـيـبـه يــا الله طلبـنـاك مـغـنـي كـــل فـقــر =كـــل عـلــى قـدحـالـه تعـتـنـي بــــه وهو أيضاُ قائل هذه القصيدهـ التي هي بقمه الروعه صراحه / حيـا الله الـلـى يغـيـب ويـسـرع الــرده = الـلـى يجيـنـي الـــى مـنــه تبـاطـانـي قلـبـي يــوده و حـالــي كـنـهـا الـقــده=ودي بشـوفـه ودونــه حــوم عقـبـانـي يـا صاحبـي جـارك الله وش هـا الصـده= مـهــوب حـــق تولـعـنـي و تـنـسـانـي ان كان عندك حكي بـي خامـل السـده= فانـت المصـدق وانـا حقـي ومـا جانـي اهـرج عـلـى مــا تــورى والبـخـت بــده = لا تسـتـحـي يـابـعـد حــــي وحـيـاتــي تــرى حــلاة الـهـوى لا طـالـت الـمــده= مـهـوب يــوم صـديـق ويــوم قـومـانـي وان كان ما انت بمصافيني على الشده=وقــت الـرخـا واجــد ربـعــي وخـلانــي وسليمان بن شريم هو القائل: عن اللي صفح نصفح ولو كان هو غالي=والاقبال يبشر صاحبه بالنبا الغالي ولا نيب حباب لمن لا يحبني=تصير المودة فيه بلوى وغربالي كما تاعب يتعب على غير فائدة=مثل ما سبقت حفار حجر وهو خالي ولا خير بالدنيا إلى صار ما بها=رفيق يميل مع الدهر حيث ما مالي فلولا الدلايل ما اهتدى ساير الدجا=ولولا المعرفة ما ادرك الجود رجالي يعدّ ابن شريم من فحول الشعر النبطي . برز ابن شريم في بدايات حياته الشعرية شاعر حرب وذلك نظرا لما كان موجود في محيطه . انتقل ابن شريم الى الكويت ونال هنالك شهرة كبيرة وخاصة في شعر القلطة حيث شكّل ابن شريم وصقر النصافي ثنائيات رائعة ومن تلك المحاورات . قال النصافي : والله اني ما اخلي اللعب ذل وفشيله=دام راسي عليه اليا لمسته عقالـي فرد ابن شريم : ياسحابٍ ترزم وارتكب نو سيله=يالله انك تخفف سيلته يوم سالي قال النصافي : من بغا يضرب المضماه يملا صميله=لا يحوشه نهارٍ يلمس السعن خالـي ابن شريم : كم صبي ٍ تهقوانـا خفسنـا زبيلـه=يصبح الصبح ما عونه من العز خالي ومن روائع ابن شريم : حيا الله اللي يغيب ويسرع الـردة=اللي يجيني الـى منـه تباطانـي قلبي يحبـه وقلبـي كنـه القـدة=ودي بشوفه ودونه حوم عقبانـي ياصاحبي جارك الله ويش هالصدة=ماهوب حق تولعنـي وتجفانـي وكذلك : ريحه كما زهر النفل فـي شعيبـه=في خايع عله من الوسـم تشعيـب ممطور امس وممسي ما وطي به=واليوم شمس وفاح طيب على طيب وله ايضا : اما انت لو تمشي على الرجل صعلوك=اطيب من اللي تلتجـي لـه ويجفـاك خدمتك شيـخ كنـك العبـد مبـروك=يامـرك فيمـا يشتهـي ثـم ينـهـاك وترى الملوك اليا صفو لك وحبـوك=اصغر خدمهـم ينتقـم لـك وينفـاك واليا جفوك اهل الوضيفـة وعافـوك=خفـت موازينـك وكلـن تهـقـواك توفي ابن شريم سنة 1363 هـ وعمره 58 عام رحمه الله ورحم اموات المسلمين ،http://img.123greetings.com/events/e...04-14-1062.gif http://www.m5zn.com/uploads/bb569a74eb.gif تحيــــاتي عاشق سراب