::: مـنتدى قبيلـة الـدواسـر الـرسمي :::

- - الطير (http://alduwaser.org/vb/showthread.php?t=1785)


	( ياطير ) قصيدة الشاعر ضبيان الحرارشة الرجبان الدوسري في أجمل ما وصف به الطير : يا طير يا اللي موكــره بالنفودي = شرقي ضبع في راس خشم العدامه مناكبه كنها كرازي فـــــــرودي = يشبه لسقاي علــــــى جال قامه مايضرب إلا في النحر والعضودي = وماناش بالمخلب فلاله سلامــــه العين عين مجرب مايحـــــودي = لا جاء نهار الهوش شده غمامــه يصيد عشر والدبش ما يقـــودي = والعشر لخرى عند تالي إنصرامـه شرح المفردات : (1) موكره : موقعه . ضبع : جبل في الهضب . (2) كرازي : مقابض المسدس . سقاي : الرجل الذي يجذ الدلو من البئر . جال قامه : جال القليب . (4) الهد : وقت الهداد لصيد الحباري . غمامه : يعني حماسة وقوة اقتحامه للحباري . (5) والبيت يقصد به أنه يصيد عشر حباري قبل ما يقود الذود في البداية , والعشر الأخيرة عند آخر ما يبرقع . واحة الشعر الشعبي ج/7 عبد الله بن حمير بن سابر الدوسري

صح الله لسانك ولسان الرجباني

بيض الله وجهك اخوي يحيى على الموضوع الطيب

تحياتي لك ،،،

صح لسانك ولسان الرجباني , مشكور بيض الله وجهك على هالنقل المتميز .
تحياتي لك .

أخوك صقر بن مطلق

تسلمون ولاهنتوا ياشباب على المرور .

لا هنت وبيض الله وجهك يالودعاني على القصيد اللي وان قلت ابياته فيها من الجزاله الشي الكثير...

النادره

حييتي يالنادره ( بالخير والعلوم الطيبه أن شاء الله )

لاهنتي

لاهنت يايحيى وماقصرت على الموضوع الرائع
وصح لسان الشاعر الرجباني

اخوك
عبدالله الشكري

ياهلا بخوي عبدالله ، ماقصرت يالقرم .

لا هنت وبيض الله وجهك يالودعاني على القصيد .................................

حياك الله أخوي سعد ، ولاهنت يالقرم.