يارب ياجزل العطا فالق الحب = نطلب فضل جودك ونسجد عباده
غيث النفوس وطبها لاعيا الطب = وتسدل على المهموم ثوب السعاده
تكسي الثمر عن عارض التعريه لب = من بذرته حتى بداية حصاده
عني وجملني وانا ارجيك يارب = ماخاب مخلوق عليك اعتماده
لادار طيب العود والشاذلي صب = الشعر كيفه والمعاني اقناده
في مدح شيخ للمواجيب والنب = ينطح مواقفها وثبت اشداده
مثالي بالطيب والرقم الانسب = يفخربه المركز ونيل الشهاده
من حبه الله طاب حظه وينحب =يجعل قبوله بين جملة عباده
جملتنا يامنزهن عن خطا السب = من شبتك كسب النواميس عاده
كحلت عين اعداك من ذرة الشب =وكسبت يابن فريج حب القياده
ربعك هل الطاله هل الهجن والقب = للحرب كسابه وبالسلم ساده
من لاد حسن سادة السلم والحرب = اهل المواقف والفخر والرياده
تاريخهم يفخر به الشرق والغرب = سادو على نجد البطولات قاده
صغيرهم يرقى المفاخر الى الشب = وكبيرهم شرب الكرم في مهاده
مدح ك ترى يارهي الباع مطلب =والشعر يلقى بالاكارم مراده
نمشي على الدنيا وصلف الهوى هب = وجور الزمن يعيي الاشاوس جهاده
ورادة الماشين تنهل على غب =والمجد يبقى والتماني وساده

المشاركة الأصلية كتبت بواسطة شافي بن راشد النتيفات (المشاركة 682737) ارحب يابوفهد وتصدق اني انبسط لاشفت اسمك ادري ان وراه علم طيب وتحريبه صح لسانك ملاييييييييييييييييييييييييييييين ويستاهل ابن فريج المدح وماقلت فيه

المشاركة الأصلية كتبت بواسطة مبارك بن شافي النتيفات (المشاركة 682867) ابوفهد صح لسااااانك ملايين وانت من الشعراء اللي استمتع بقراءة قصائدهم تقبل مروري المتواضع على هذه الراااااااااائعة تحاياي

المشاركة الأصلية كتبت بواسطة فهد المقابله (المشاركة 682876) صح لسانك يابوفهد على هذه الشامخه ويستاهل ابن فريج تقبل مروري

المشاركة الأصلية كتبت بواسطة محمد مطلق آل بريك (المشاركة 682877) صح لسانك يأبو فهد جزله من جزل تحياتي وتقديري