استعين بذكر رب العالمين = ربنا المعبود ملجى من نصاه
الخواطر مثل شيطان لعين = كل خاطر يطرحه خاطر وراه
من سبايب أسمعوا يا السامعين= من سبايب كسب عيش من لقاه
الوظايف قاصراتٍ في البنين = ورزقنا المقسوم ما عنَّه غناه
يوم شفت إعلان قالوا:مأكدين=صدق هذا العلم قلنا من رواه
قالوا : الإسناد عالي يا الفطين=الوزير اللي يقوله في حكاه
عشرة آلافٍ وظيفة (مرجفين)=كلها كذبٍ على وضح الصفاه
عشرة آلافٍ وظيفه (واهمين)=ماهقينا العلم صادق من نباه
والنتيجة عقب آلام السنين = صار توظيف النساء معنا سواه
وصار وضع العلم زاد الدين دين=والرجل لاقل ماله لعنباه
ماملكنا غير ( راتب مستدين )= وما خدمنا للوطن حذفة عصاه
ليت من يدري ورا العلم الثمين = مايشغل في المدارس يا قُضاه؟
مستعد أني أوكَّل لي ذهين = ويبحث اسرار الفشل علَّ وعساه
الشباب اليوم صاروا حايرين = من تخرج يلزمه يمسك سراه
علمينا يا وزارة للبنــيــن = احتياج مختلف من هو خطاه ؟؟
والصلاة اعداد قوم سايرين=وعد رمل عالجٍ يذرا ذراه