::: مـنتدى قبيلـة الـدواسـر الـرسمي ::: - ![واخفِ الضرر ليـاك تبديـه للواش يشناك عنـد النـاس قاعـدوقايـم

أسعد الله أوقآتكم بكل الخير ~

قصيده أعجبتني فأحببت أن تشآركوني قرآئتهآ

وهي من الموروث الشعبي نآدر الحرفْ والمعنى

:

:

اصبر على ماجاك من وقتك الـلاش
======================= وستوْ على الشّدات راعـي عزايـم
واخفِ الضرر ليـاك تبديـه للـواش
======================= يشناك عنـد النـاس قاعـد وقايـم
واللـي يتيـه بقوتـه بالنـدم داش
======================= والا الوقاعـه مـا وراهـا نـدايـم
والمرجله لو هي على الهون تنحاش
======================= حاشوا لها حتـى العفـون الخمايـم
وايـاك لا تدعـي قصـيٍ وفتّـاش
======================= على عيوب النـاس وبـك التهايـم
ومن الردى لو تكسب الدر وقمـاش
======================= تـرّ مماشاتـه وكـن عنـه شايـم
وارع الصديق اللي اليا صابك ادهاش
======================= خوفٍ لقيته مـن مصابـك وشايـم
والا الردى لو سالمك ساعة هـاش
======================= عليـك مـا يبـرح يـدور الولايـم
وارفق على المال الذي منه تعتـاش
======================= خلّـه عـن العـازات يغنيـك دايـم
واعرف ترى رجلٍ بلا مـال مانـاش
======================= غايات مطلوبـه ولـو كـان رايـم
يلعب به الهوجاس وان قاش ماقاش
======================= داوي ببحـرٍ مـا لاحـدّه عـلايـم
وصحبات بعض الناس لو جات ببلاش
======================= مـا تنبغـي لاخيـر فيهـا نـدايـم
بالك يغرونك تراهـم علـى مـاش
======================= ما يفهمـون العلـم مثـل البهايـم
واقول من يصبر على الضيم لاعاش
======================= كب الـذي تقضـي حياتـه هضايـم
اختر مقام العـز لـو كنـت فـراش
======================= ولا غنـاة اللـي بهـا الـذل دايـم
لا وعلى من يطرّش اليوم مطـراش
======================= كـلاّ ولا قصـدي بجمـع الغنـايـم
ما قصدي الا بالتفرج عـن الجـاش
======================= مما لجا بـه مـن همـومٍ عظايـم
روامعٍ بالقلب منهـا العقـل طـاش
======================= بالليـل يقعدنـي ولـو كنـت نايـم
هذا زمانٍ جـاز بـه كـل غشـاش
======================= أو واحـدٍ فتّـان راعــي نمـايـم
كم واحـدٍ تلقـاه بالوجـه بشـاش
======================= ماهو ليا جا الصدق راعـي لزايـم
يقول مثلـي للكـرم ماحـدٍ حـاش
======================= وهو بخيل مـا فطـر منـه صايـم
من جا بلا دعواه يقعد بـلا فـراش
======================= هـذا طفيلـي يستحـق الشتـايـم
صلاة ربي ماجرى السيـل رشـاش
======================= علـى نـبـيٍ ظللـتـه الغنـايـم

:

:

شآعرهآ / محمد الفوزآن

سوآلم ؛