السلام عليكم ورحمة الله وبركاته:

أسعد الله اوقاتكم بالخير والمسرات

وصلتنا هذه الأبيات من الشاعر محسن بن عبدالله بن دليبيح الضباعين

مبروك مبروك ومجمّل ومشكور
يالشاعر اللي ماتلحقك الملامه

برهنت ماقلت ماهو هرج و غرور
يعيش من فعله يبرهن كلامه

خلصت شوطين واللي باقين دور
وتارد على عيلماً تروي جمامه

جات بتعب فكرك وباحساس وشعور
وشعر يخلّد إلى يوم القيامه

شعر يدواي صدور ويجرّح صدور
وكم قلب مجروح ما يبرى سقامه

رفعت راس القبيلة وأسفر النور
نور بزغ ليلاً يبدد ظلامه

وحنا معك كلنا طابور طابور
بالمال والحال ياراع الزعامه

رهن الإشارة معك في حلو ومرور
قدام قدام مافيه انهزامه

واللي يبي يعتذر ماهوب معذور
عليه بالإكس حطينا علامه

أما نوقف سوا ونكمل الدور
ويعيش رجالنا مرفوع هامه

ولا يموت الطموح ويكسف النور
في ساعتن ماتفيد الابتسامه

هلا ابو فلاح

لاهنت على مرورك العطر

تقبل ودي وتقديري ،،،،