يابو سعد صـارت علـــى أخوك غــارات

شهرين أقاسي من شديد الغرابيل

سوى المرض يحمل على اخوك حملات

ومافي يدي حيله ولافي يدي حيل

ما ينفع الخايف والأيام عجلات

الخوف ما ينفع ولا القول والقيل

حنا هل العوجا ولابه مراوات

شرب المصايب مثل شرب الفناجيل

لاشك أنا مشغول في كل الاوقات

على الذي حنا بظله رجاجيل

ماني على نفسي كثير الحسافات

لا سلم راسه روسنا رفاع بالحيل

حامي حمانا بالليالي المخيفات

لو صار بالعالم كثير الزلازيل

فخر العروبه بالعدل والمساواة

هذاك هو فيصل ولا فيه تشكيل

يشهد له اللي شاهدوا منه ليات

ويشهد له التاريخ جيل بعد جيل


إحدى قصائد/خادم الحرمين الشريفين (يحفظه الله لنا )