::: مـنتدى قبيلـة الـدواسـر الـرسمي ::: - قصيدة جديده لشاعر/سعد بن سويحل الخضران في مدح ربعه قبيلة الخضران


	عينت في بعدي من الناس راحه ماقول فيها شي ولاتقول فيّه الناس مابعراضها مستباحه محرمه في شرح سنه نبيه بسجها في بر نجد وفساحه بسجها مادامت النفس حيه هاذي وناسه خاطري وانشراحه سوق النظر وسط الديار الخليه لاردم من القبله وروّح رواحه وساق وتساقا بأمر دبره وليه فاضت ملازمها بصافي قراحه وعنيز منها صايدٍ وجبليه يضفي على كل الديار بجناحه من الرمله القصيا الى التوضحيه فيها الجهام اللي يسرح طياحه دار لنا من عاد بقعا صبيه يوم العصور الماضيات وكفاحه كم اعثرو من سابق ومن غزيه ربعي هل المعروف واهل النصاحه خضران تعرف بالوفا والحميه لا من نصاهم من يعاين مطاحه عده بروس النايفات العليه يوم ان كلن نجدته من سلاحه امضا من المصقول والنافعيه الطيب للطيب وياخذ رجاحه وعلى العدو لابان نار لضيه الشاعر الجزل/سعد بن سالم بن سويحل الخضران