::: مـنتدى قبيلـة الـدواسـر الـرسمي ::: - جافتني الدنيا وانا توني حيْ- محبكم الدوسري

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - جافتني الدنيا وانا توني حيْ- محبكم الدوسري (http://alduwaser.org/vb/showthread.php?t=65563)

جافتني الدنيا وانا توني حيْ- محبكم الدوسري

http://2.bp.blogspot.com/_OVAoAy3vdp...ds_and_sea.jpg

جافتني الدنيــــا وانا تونــي حــيْ

ماعاونتنـــي في بقايــا حياتــــي

ساقت عليْ الهـــمْ طرّادة الفــيْ

وجنتْ عليّــه قبــل حزّة وصاتي

مقطوعـــة الصيّر تلــذّذْ بنا كيْ

ولا يسمّحـــــها يكون الممــاتي

فراقــة العربــانْ نثّارة السّــيْ

شرايـــّةٍ للشرْ خبث السّماتـــي

في قربهــــا شرٍ ولاحولها شيْ

وانا الذي محدٍ يسوي سواتــي

الروح تاخذ بالخواطرْ عن الغيْ

وهي لهـــا في كلْ عايرْ مباتـي

شينٍ حلاياهـــا بها الشرْ مخفي

ياعجلْ مظهاره خبــيثْ النواتي

ياالله يااللــي من ترجـــاه يجليْ

هم الخلايــقْ يامجيب الدعاتي

تجلي هموم اللي طواه الشقا طيْ

كسيــرْحالٍ ما درى منْ يحاتـي

محبكم الدوسري

رد: جافتني الدنيا وانا توني حيْ- محبكم الدوسري

ارحب يالدوسري

صح لسانك وسلم فكرك يالجزل

أبيات قمة وإبداع واللي يتعمق في بعض كلمات يجد كلمات دوسرية أصلية من بيئة الوادي مثل:-

عاونتني - ياعجل مظهاره - ولا يسمّحها

صح لسانك مرة اخرى وتقبل ودي وتقديري ،،،،

رد: جافتني الدنيا وانا توني حيْ- محبكم الدوسري

صح الله لسانك وبيض الله وجهك على هذه الابيات الرائعه

رد: جافتني الدنيا وانا توني حيْ- محبكم الدوسري

ارحب واسهل ملايين
راشد المسعري
لاخلا ولاعدم
ولاتهون يالغالي

رد: جافتني الدنيا وانا توني حيْ- محبكم الدوسري

ماعليك زود ياولد العود
ولاتهون اخي الغالي
شافي بن راشد النتيفات