|
الفارس ناجي بن هايف الغييثي ((راعي البرصا))
هو الفارس ناجي بن هايف بن عيد الغييثي الدوسري من آل عيد الغييثات ابوه هو العقيد هايف بن عيد وقد ورث الكثير من صفات ابيه ومنها الشجاعه والفروسية ، كما كان مبروك وحظه طيب في الكسب . امه: نمشة بنت عبيد بن خصيب الغييثات ، وقد اوردنا نبذة عن عبيد بن خصيب في نفس القسم. وله لقب اشتهر به وهو الأزهر ، وهو لزهار عينيه. اما بخصوص عزوته فهي راعي البرصا أنا اخو روضه . والبرصا ناقة وضحى طيبه كاسبها أبوه العقيد هايف بن عيد عندما غزوا الغييثات على الشيخ عبدالله القريفه شيخ البدنه من مطير وكسب ابل وضح من ضمنها البرصا التي اصبحت اغلى ابله وصار يعتزي بها . اما ناجي فله مغازي اخرى وكسب فيها الهلالات والشعامل من السهول. وفي مرة المرات غار آل مره على ابله ولم يكن حاضراً عندها فاخذوها ، فلمّا علم ناجي ذهب للشيخ سعيد ابن حرير الغياثين من آل مره وهو يرجع في الاصل الى المظالمه من الغييثات ، فقام وامر آل مره بترجيع ابل ناجي جميعا ، وقام ناجي بتصويت للابل فكان اول من جائته ناقته البرصا وبناتها ، وقام آل مره بتأدية الابل جميعها لم ينقص منها شئ. وفي احد السنين صارت هيه بين الخنافر من قحطان وبين الغييثات وهي رد لهية اخرى صارت بينهم وقتُل فيها عدد من الغييثات ، وقد قَتَل الغييثات جميع القوم الا واحد اسمه نبزان القحطاني استجار بناجي راعي البرصا فقام وزبنه في الحال ، وجاء احد الغييثات وطلب بندق القحطاني حيث يقول انه اصابها وبالتالي فهي ملكه فرفض ناجي ذلك وامن القحطاني على حياته واعطاه بندق وراحلته واعتقه .وجاء عقيد الغزوة زقم آل نصّار وطلب من ناجي تسليمه الخنفري فرفض ناجي ، وكادت انت تصير فتنه لكن ناجي اصر على موقفه واعتق القحطاني واعطاه بندق وراحلته. فذهب الخنفري الى الاحساء ودخل سوقه وكان السوق مكتضاً انذاك ، واخذ يصيح باعلى صوته (( ياهل الحساء يا عرب ، ترفع البيضااا لناجي بن هايف بن عيد الغييثي بيض الله وجه ناجي بيض الله وجه ناجي)) واخذ يبيض لناجي في الاحساء كلها ، جزاءً له على صنيعه ولكي يعلم العرب بفعله الطيب. رحم الله الفارس ناجي بن هايف واسكنه فسيح جنته وبارك الله في ذريته هذه نبذة يسيرة عن هذا الفارس والذي عنده تصحيح او اضافة فليتفضل وحنا له شاكرين. تقبلوا تحياتي،، كتبه : العماني |
الله يرحمه ويسكنه فسيح جناته
الله لايهينك يالعماااااااااااااني على هالقصه اللي مهيب غريبه عليكم ،،، مهيب غريبه في الشجاعه والحميه والكرم والطيب وبيض الله وجيهكم دنيا واخره لاهنت يالذيب |
ونعم براعي البرصا وبالغييثات كلهم الله يرحمه ويسكنه فسيح جناته ولاهنت يالعماني على المشاركه الطيبه ,,,,,
|
والف نعم في ناجي بن هايف وفي الغييثات كلهم وهم مايحتاج لهم تعريف معروفين
وبيض الله وجهك يالعماني علي النبذه الرائعه |
السلام عليكم ورحمة الله وبركاته
االله يبارك فيك اخوي (العماني ) والله يرحمه ويسكنه فسيح جناته . والى الامام والــــــــســــــــــلام خـــــــــتــــــــــــام |
ونعم براعي البرصا
والغيياثات كلهم ولايحتاج امدح فأفعالهم معروفه |
ونعم بناجي راعي البرصا وبالغييثات
لا هنت يالعماني وبيض الله وجهك |
ونعم براعي البرصا وبالغييثات كلهم الله يرحمه ويسكنه فسيح جناته ولاهنت يالقرم على المشاركه الطيبه دمت متألقا ،،،،، |
ونعم براعي البرصا ناجي وانا اشهد انه قول وفعل
والله يرحمه واموات المسلمين لاهنت يالعماني يالقرم |
كفو ا كفوا ونعم بال عيد ولاهنت يالعماني وبيض الله وجهك
|
ومليون نعم براعي البرصا وبربعنا الغيثات
وجعلها تسلم يمناك يابو مبارك على فعلها اللي ينومس وعادتك الطيب لاعدمناك ياترثة القروم |
النجم الهاوي
نايف تركي الودعاني حياكم الله وتسلمون على الردود الطيبه تقبلوا تحياتي،، |
|
محمد آل بوزمام
الزير سالم الخييلي البراق حياكم الله وتسلمون على الردود الطيبه تقبلوا تحياتي،، |
حياكم الله جميع ولاهنتوا على المرور
تقبلوا تحياتي،، |
الساعة الآن 07:10 PM
 |
Powered by vBulletin® Copyright ©2000 - 2024, Jelsoft Enterprises Ltd.
---