₪©ღღ₪ الحبيب الحلم ₪©ღღ₪
 

مدخل:
http://www.vonnagy.com/photos/matamata-rainbow.jpg
فجاةٍ نركض على (قوس قزح) والقرب قمة...لين نوصل بالاماني كوكب الحلم الكبير
قلت: يامحبوب حلمي عابرٍ والعمر كلمة...اجمع حروفي بداية كل لفظ الا الاخير

http://www.asmilies.com/smiliespic/FAWASEL/052.gif

[poet font="Simplified Arabic,4,black,normal,normal" bkcolor="transparent" bkimage="backgrounds/24.gif" border="none,4,gray" type=1 line=200% align=center use=ex length=0 char="" num="0,black" filter=""]
كل ليلة/ القى جنبي طفل يرسمني بحلمه=ويرسم احلامي غيومٍ سود وحصان وغدير
طفل اصم وكان حلمه..يسمع (احبك) من امه=يومها ماتت ومات الحلم في قلب الغرير
يرسم ويبكي وتمسح دمعة الحرمان رسمه=ماعدا وجهي ويجري فوقه الدمع الغزير
حينها كن الهوى شيخ رمى فالحضن عمة=وقال: تكفى, داخلٍ في وجه عهدك يالامير
شلت ذيك اللوحة المذبوحة بسكين همه=لوحةٍ لون الفضا فيها مثل لون النظير
وانتخيت ومحزمي كان الوفا..والعهد همه=وامتطيت حصاني اللي من كثر شوقي يطير
متجه يم الغدير اللي حبيبي كان يمه=اسرع من الريح وسط (اعصار كاترينا) الشهير
مرت الذكرى تضاريس الطريق وصحت بسمه=والصدى من فوق ذاك الغصن صوتي فز طير
كل شيٍ في دروبي يذكره ويبوح غمه=وين ماوديت وجهي شفت وجهه لي مسير
الظلام اللي سكن بين الشجر بالعين قسمه=وخدته تصدر اشعة نورها ماله هجير
وشعره الشلال لكن كفي مايقدر يلمه=لون ماه اشبه بلون الليل في عين الضرير
لو بصق وسط المحيط الاطلسي ينساب طعمه=اعذب من الما الفرات واحلى من (صافي) عسير
الفراشة: لهفتي له..وزهرة البستان فمه=وقفت فوق الرحيق الريق وامتصت عصير
لو شفايفنا تلامس..تختفي بالكون عتمة=وينغرس بصدر رمحٍ من عطب رمشه خطير
ولامسح صدري بكفه يختفي جرحي ودمه=يطلق قيودي بعدما كنت في حبه اسير
كيف مايجرح برمشٍ يخرق الفولاذ سهمه=خد انعم من نعومة / ملمسه مثل الحرير
اه..ياريح العطر لو يختلط مع ريح جسمه=لا..بدون العطر نفحه...ازكى من نفح العبير
سكرتي: لاجا يداعب شعري بكفه واضمه=وقبل اصابعنا تداخل تصبح الغيمة سرير
كيف الاصمخ ماسمعه..وصوته المبحوح نغمة=وكيف الاعمى مانظره..وضحكه النور المنير
الحبيب الحلم عشته واقع وعايش بحلمه=تصدم الارض بعطارد لو يفارقها العشير
يستحق الحب من قلبٍ يموت ولا يذمه=من يقول (الحب اعمى) شوف حبي له بصير
اللقا: مثل الحجير اللي توفت بنت عمه=والامل: شمعة تلاشى في مهب جرح الضمير
اسال: اوراق الخريف اللي تساقط لجل نسمه=فوق كفه ثم تحول ورد: ياعله بخير
لو للدرب الوصل امان ولو للجرح الهجر ذمة=كان ماعشت العذاب المر بالوقت المرير
اقبلت سود الغيوم اللي سما دربي تطمه=كنها وشاحٍ يغطي وجه شمسي لا ينير
وصاحت بسمعي صواعق...قلبها مافيه رحمة=وموقفي بضبط كان: يصير ولا مايصير
انجلى شكي بجذعٍ طاح ولا طاح نجمة=وطحت من فوق الحصان اللي من الضربة كسير
******************************
فجاةٍ نركض على (قوس قزح) والقرب قمة=لين نوصل بالاماني كوكب الحلم الكبير
ينتظرنا حصان ابيض عاشق للاصعب مهمة=لو سلكنا به دروب الموت مايخشى / يسير
*****************************
فوق وجهى صبت امطار الحزن من هول صدمة=صدمةٍ تطرد ضباب الشك عن وجه المصير
فتحت عيني بدمع اللي ترك بالقلب بصمة=فاتنٍ فترة غيابه...صرت للموتى سفير
شفت له وجهٍ مموة..لمحته اشبه برسمه=يشكي الفرقا ودمعة داخل عيوني يحير
قال: احبك كثر ما ترسم بلقياك بسمة=كثر ماظني تطوله بالحكي كلمة ( كثير )
قلت: يامحبوب حلمي عابرٍ والعمر كلمة=اجمع حروفي بداية كل لفظ الا الاخير
[/poet]

http://www.asmilies.com/smiliespic/FAWASEL/064.gif

:By

خالد الدوسري...او...غريب الروح

http://www.asmilies.com/smiliespic/FAWASEL/003.gif

الأخ : خالد الدوسري

ما شاء الله عليك

شاعر بمعنى الكلمه لا عدمتك

صح ألسانك وأعتلا شانك يا الغالي

تقبل كل الود والتقدير

أخوك : مسفر المصارير

صح لسانك اخوي خالد

ولاهنت على القصيدة الرائعة..

في انتظار جديدك..

السلام عليكم ورحمة الله وبركاته

كيف مايجرح برمشٍ يخرق الفولاذ سهمـه
خدٍ انعم من نعومة / ملمسه مثل الحريـر
اه..ياريح العطر لو يختلط مع ريح جسمـه
لا..بدون العطر نفحه...ازكى من نفح العبير

خالد الودعااااني

مجرد وجودك يبعث السرور في أنفسنا .. فما بالك بوجدك ووجود بوحك

صح لسااانك مدد

ولا تقطع

لاهنت


اخووووك / ماجد

الشاعر القدير خالد الودعاني

صح الله لسانك على الأبيات الرقيقة والمعبره

ودمت مبدعا ولا تقاطعنا بقصائد الرائعه

تقبل تحياتي،،

العزوة : مسفر

تواجدك ملئ افاق متصفحي بضياء

فا شكرا لهكذا حضور

خالد

الغالي: الودعاني

حضورك شرفني وصح بدنك

دمت بهذه الرووعة

خالد

الشاعر القدير : خالد الودعاني

صح الله لسانك على هذه الفاتنه والباذخه بالجمال

ودمت بهذا التوهج الأبداعي الغير مستغرب منك يالقرم

ولكن لاتقاطعنا ولاتحرمنا من هذا النبع الصافي الذي نتمنى رؤيته كل يوم

تقبل الود والتقدير

من محب الجميع : دغش البطي