|
قصيدة مسندة في الأمير فيحان بن قويد(صوتيه)
قصيدة في الأمير / فيحان بن خلف بن فيحان بن قويد رحمه الله .... هذه قصيدة أسندها الشاعر على الأمير و القصيدة تعبر عن نفسها و هي كالتالي : القصيدة بصوت الشاعر
أنا زعلت و للزعل عدة أسباب = و تراكمً زعل النفوس و غضبـهــا أزعل على رجل وطت شجرة الداب = حتى تـلـوى شوكـها في عصـبـها و أزعل على حظ رماني بالأنشاب = و أزعل على نفسٍ قليل شـببـهــا و أزعل على ربعٍ غدو عقبنا أحزاب = للهون و الحقران ربي وهـبـهـا وين الوفا يا أهل الوفا وين الأشناب = وين الرجال اللي يتحقق طلـبـهـا ما يمبني بيت بلا أكـراب وأطناب = و لا تـشـتـعـل نار بـلـيـا حـطـبـهـا سر يا قلم و اكتب عن البال ما طاب = ينطق بها لساني و فكري جذبها يجـذبني الـمعـنى على فاتح الباب = شيخ عـلـى الشـفـات يطـلـق نـشـبها شيخ السلف ما هوب من شيوخ الألقاب = شيخ الشيوخ اللي عريبٍ نسبها شيخ الدواسر متربة جرد الأرقاب = ترعى الخطر و الشيخ قايد عربها فيحان أخو جازى على العـز وثّاب = و اللي لـه الـريشة بيته نـصبـهــا قله ترا نومي على الكوع ما طاب = والنـفـس يا مـشـكـاي و لا طـربهـا المشكلة مهره و للخيل ركاب = و أنت الشـجـاع اللـي رعـابـك جـنـبـهــا أنا اصـطـفـيـتـك بد ربعي والأجناب = وأفزع لمن عينه منامه حربــهــا جـاك الـخبـر من عـنـد شاعـر وكتّاب = و تحية الـشاعـر مع اللي كتبهـا أنا أبغى الخبر من عند فكاك الأنشّاب = و اللي إذا صعبت ينوخ صعبها الشاعر/ سعود بن الأزرق المخاريم |
السلام عليكم
بيض الله وجهك يابوسعود علي الابيات والبيت الي ذكرته: فيحان أخو جازى على العـز وثّاب & و اللي لـه الـريشة بيته نـصبـهــا اظنه يقصد اخو جوزا لانها عزوه ال قويد |
بسم الله الرحمن الرحيم
السلام عليكم ورحمة الله وبركاته شكرا اخي ابو سعود على هذا الموضوع الأكثر من رائع في الأمير فيحان بن خلف بن قويد هذا الأمير الغني عن التعريف والكل يعرفه وصح لسان الشاعر/سعود بن الأزرق المخاريم لاهنت ياابوسعود ولاتخلينا من ذا المواضيع الطيبه |
صح لسان الشاعر و عزالله ما قصرت على ذكر القصيدة الجزلة
و لا هنت يالذيب و لا تبخل علينا بهذا القصيد الجزل ......... |
بسم الله الرحمن الرحيم الاخ الفاضل ابو سعود الدوسري بيض الله وجهك على هذى الاختيار الموفق وصح الله السانك وعتلا شانك يالقرم عز الله العزيز انك عرفة تختار من القصيد اجزله ومن الرجال اطيبهم ونتظر جديدك يابوسعود جعلك المعزه. اخوك / فهد الغريري,, |
العفو ،،،ياخوي زيد الغييثي
وأسعدني مرورك على الموضوع والشاعر فعلا يقصد عزوة ال قويد وهي تكتب بهذه الطريقه (أخو جازى)كما ينطق على ألسنة أصحابها ... وشكرا على التعقيب... |
يا مرحبا أخوي العزيز عاسف المهرة
وتشرفت بقرائتك للموضوع والأمير فيحان بن خلف بن قويد ((رحمه الله تعالى))غني عن التعريف كما ذكرت وله مواقف مشرفة نعتز بها جميعا،،، وشكرا لك على المرور.... |
أرحب يا خيال العبية
كم هو شرف لي مرورك على الموضوع وتعليقك عليه ،وصح لسان الشاعر سعود بن الازرق المخاريم..... شكرا لمرورك على الموضوع ........ |
ووجهك ابيض ياخوي الغالي فهد الغريري ،
ويا هلا والله بك وأسعدني مرورك وتعليقك ،وأبشر إن شاء الله بما يسعدك وأتمنى من الله التوفيق في إثراء ساحة هذا المنتدى بكل ما يخص قبيلتنا،وما نعرفه عنها وعن فرسانها وأبطالهاوشعرائها ،وما يتعلق بهم.... وشكرا لك وجعل من أرثك في الجنة يأخوي العزيز فهد الغريري |
لا هنت يابو سعود ....
الغالي/ أبو سعود الدوسري قصيدة جزلة لشاعر جزل ، ويستاهلون القودة من أدنى المدح في الوجه وفي القفاء ورحم الله فرسانهم اللذين سطروا لنا مجداً لن ينساه التاريخ ، وبارك الله في البقية الباقية منهم وعساهم خير خلف لخير سلف وعلى رأسهم الأمير الشيخ/ مرّان بن متعب بن قويد.
شيخ الدواسر متربـة جـرد الأرقـاب ترعى الخطر و الشيـخ قايـد عربهـا فيحان أخو جازى علـى العـز وثّـاب و اللـي لـه الريشـة بيتـه نصبهـا قله ترا نومي على الكـوع مـا طـاب والنفـس يـا مشكـاي و لا طربـهـا صح لسان سعود الأزرق المخاريم ، وعلومه غانمه وأرجو منك يابو سعود تزويدنا بما تجد من القصائد الجزلة وعادتك ماتجيب إلا الجزل. ولك ودي واحترامي .[/size][/font] |
ولا تهون يا بوعبدالمحسن المسعري،،،
الله يحييك يابن عمي ويا مرحبا ومسهلا بك ،وأمرائنا يستاهلون المدح وهم أهل لكل خير وهذا أقل مانقدمه في حقهم ،والأمير فيحان بن خلف بن قويد رحمه الله ،والأمير مران بن متعب بن قويد أطال الله عمرة يستاهلون كل علم غانم ،شكرا لمرورك وتعقيبك ...... وتقبل تحيات أخوك أبو سعود الدوسري |
شيخ السلف ما هوب من شيوخ الألقاب
شيخ الشيـوخ اللـي عريـبٍ نسبهـا شيخ الدواسر متربـة جـرد الأرقـاب ترعى الخطر و الشيـخ قايـد عربهـا فيحان أخو جازى علـى العـز وثّـاب و اللـي لـه الريشـة بيتـه نصبهـا عزالله كفيت ووفيت ياولد العم والقوده روس القوم وشيوخ الدواسر اهل المدح جعلهم بالمعزه ...عزالله مامثلهم يكرمون الضيف والعاني ابوسعود كفيت ووفيت وبيض الله وجهك على هالقصيده يالقرم ابن مشخص المسعري |
ياهلا أخوي بن مشخص المسعري،،
وتشرفت بمرورك على الموضوع ، والله لايهينك وبيض الله وجهك يابن عمي ، وتقبل تحيات أخوك أبو سعود الدوسري،،،،، |
صح الله لسان الشاعر ويستاهلون القوده المدح وهم أهله
ماقصرت اخوي بوسعود الدوسري |
الله يرحمه ويحسن مثواه
مثله قليل في القبائل وليس في الدواسر |
الساعة الآن 01:35 AM
 |
Powered by vBulletin® Copyright ©2000 - 2024, Jelsoft Enterprises Ltd.
---