|
عتاب بين أب وابنه
عتاب بين أب وابنه الابن
يا ابوي أنا جيت لك والنفس ندمانــــــه = وفي القلب نار تشب وتشعل أشعـــالي ولدك تاه الطريق وكثرت أحزانــــــــــه = وشرب المراره وغيره يشرب الحــالي الاب
رح خل ينفعك من طاوعت شيطانــــــه = صاحبك راعي الوفاء اللي ماله أمثالي صديقك اللي يعدك ثالث أخوانــــــــــــه = وشلون خلاك وقت الضيق للصـــــالي الابن
يا ابوي عطفك رميت الروح باحضانـه = ونثرت دمعه تجي لنشاب الأهـــــوالي لا عاد تذكر لي الماضي وخلانـــــــــــه = راحوا وشفني وحيد جالس لحــــــالي الاب
غرتك دنياك والأيام خوانـــــــــــــــــــه = رضيت بالصحبه الحسنه بالأنــــــذالي وأغضبت أبوك وفضحته بين جيرانـــه = ونزلت راسه وهو فيما مضى عــــالي الابن
أنت السبب في الخطأ وأنا أدفع أثمانـه = أهملتني وانشغلت بجمع الأمــــــــوالي خليتني للهوى وابليس وأعوانـــــــــــه = يلعبي الجهل من جال الى جــــــــــالي الاب
أنا أجمع المال وأتعب حيلي من شانـــه = قرش على قرش وريال على ريـــــالي واشري لك اللي تبي من وسط دكانـــــه = وتختار سيارتك لوسعرها غــــــــــالي الابن
يا ابوي أنا جيت والعينين غرقانــــــــه = تائب عن الذنب وارجي رحمة الــوالي السجن قطع فؤادي صمت جدرانـــــــــه = وظلمة زواياه عنها موتي أشــــــوالي الاب
تعال ياروح أبوك ونبض وجدانـــــــــــه = لا عاد تشكي وتبكي يابعد حــــــــــالي الذنب ذنبي وصار وشفت برهانــــــــــه = وقررت أخلي الطمع وأهتم بعيـــــالي الابن
أستغفر الواحد المعبود سبحانـــــــــــــه = ومن رفقة السوء أحذر كل الأجـيـالي وانا اوصي الأب من فضله واحسانـــــه = لا تشغله عن عياله كثر الأعمــــــالي سبحان الله وبحمده عدد خلقه ورضا نفسه وزنة عرشه ومداد كلماته |
بيض الله وجهك ولا هنت يالمشرف الغالي ابن وتيد على ايراد هذا المحاوره التي تبين كثيرا من احوال الناس اليوم اللذين اشتغلوا بجمع الحطام الفاني ونسوا تربيه ابناءهم التربيه الحسنه والمصيبه ان هذا حال الكثير من الامه الا من رحم الله لاهنت وبيض الله وجهك ولك ودي وتقديري |
الشاعر الكبير // المسعري
ارحب تراحيب المطر من قال ماهان يالقرم مشكور طال عمرك على المرور العطر والله يصلح سائر المسلمين ويردهم اليه ردا جميلا لك خالص الود وفائق الاحترام اخوك/ابن وتيد |
تعال ياروح أبوك ونبض وجدانه لا عاد تشكي وتبكي يابعد حالـي الذنب ذنبي وصار وشفت برهانه وقررت أخلي الطمع وأهتم بعيالي لاهنت يا اخوي الغالي ابن اوتيد على النقل الطيب الله يكون في العون من بعض اولياء الامور اللي لاهين عن ابنائهم ولك خالص تحياتي اخوك: الدوسري فارس |
الدوسري فارس ارحب تراحيب المطر لاهنت على المرور العطر التربيه الصالحه ماتضيع عند الابناء لك خالص الود وفائق الاحترام اخوك/ ابن وتيد |
الغالي: ابن وتيد
صح لسانك ولاهنت على نقل هذه المحاورة الشيقة بين الإبن وأبيه ، والتي تعالج مشكلة منتشرة بشكل كبير في مجتمنا السعودي والخليجي بشكل عام ، فالله لا يشغلنا عن طاعته ، وأن لا تلهينا الدنيا الفانية عن أمور ديننا وعن تربية أبنائنا التربية الصحيحة الصالحة. مرة أخرى اشكرك على إيراد هذا الموضوع الجميل والشيق ولك مني خالص الود و التقدير ،،، |
اقتباس:
ابو عبدالمحسن المسعري ارحب تراحيب المطر الله يغليك عند واليك مشرف مبدع ومتابع عن كثب وشاعر محاوره يشار له بالبنان شرفت موضوعي يابو عبدالمحسن لاهنت يالقرم على المرور العطر لك خالص الود وفائق الاحترام اخوك ومغليك//ابن وتيد |
بيض الله وجهك ولا هنت يالمشرف الغالي ابن وتيد على ايراد هذا المحاوره التي تبين كثيرا من احوال الناس اليوم اللذين اشتغلوا بجمع الحطام الفاني ونسوا تربيه ابناءهم التربيه الحسنه والمصيبه ان هذا حال الكثير من الامه الا من رحم الله لاهنت وبيض الله وجهك ولك ودي وتقديري |
اقتباس:
ابو محمد ارحب تراحيبب المطر لاهنت يالقرم على المرور الذي يعني لابن وتيد الشئ الكثير لك خالص الود وفائق الاحترام اخوك ومغليك// ابن وتيد |
الساعة الآن 02:25 AM
 |
Powered by vBulletin® Copyright ©2000 - 2024, Jelsoft Enterprises Ltd.
---