::: مـنتدى قبيلـة الـدواسـر الـرسمي ::: - الـــزايـــديـــه.....للشاعر حسن ابن وتيد

السلام عليكم ورحمة الله وبركاته ......
هذي قصيدة الشاعر حسن بن عبدالله ال وتيد العمار الدوسري الله يرحمه
.....................قصيدة الزايديه.......


	أنا البارحه مالاذ في عيني الكرى .. حـزيـن ولا يـوجـد لـداي طبيب عفى الله عن عينً جفى النوم جفنها.. تتالى سهرهـا والدمـوع صبيب كـم لـيـلـة اصبحـت مـاذقت نـومـهـا.. اسهر إيلين اتلى النجوم تغيب تزفر عباري في الحشاء كن وصفها... تـزفار مــوج والهـبــوب صـلـيـب تزفار موج خابطه مقدم الهوى .. دولاب غـربـي هــواه مـريـب شرفت تالي اليوم في راس مرقب.. عينت في راسه عــقـاب وذيب يشكون من بيض الليالي وسودها .. وانا ابكي ولالي ذا الزمان مجيب يقـولـون ذا الـدنيــا عـلـينا تـغيـرت.. غـدى الـبـاز فـي دار الـدجاج ربيب شبعت حصانيها وجاعت يسودها... غـدى الـبـوم فارس والـعقاب اديب يونون مثلي مير مانيب مثلهم .... انا ونــتي مـنـهـا الــجـمــاد يــذيـب أنـــا ونتي من سمعها ضج والتجا ... تـداحـن لها بـيـن الضــلوع حــطيب أنــا ونتي يابس بها يـانـق الـورق .. أنـا ونتي منها الــرضـيـع يشيب أنا ونتي يرمي شرار حرارها ..,, منها فراعين التراب هريب ياالله يارب الملا فالق النوى ,,,, ياخير من يدعى ومن يجيب ياحافض يوسف على والدله .... يامخرجه من قاعة القليب يارافع سبع السموات بامره ....... يامنجي نوح من الغبيب ياباسط الارض مرسي جبالها ...... .. في الليل يسمع للنمال دبيب ياكافل الارزاق في البروالبحر ........ ياكاتب الاجال والنصيب يامن له الدنيا وغيبه والاخره .......... وبعزته ينحل كل صعيب انا في رجا الغفران عن كل ماسلف ....... من واحد فوق العباد رقيب الله ولايدعى مع الله ثاني ....... الي لعبده لا دعاه قريب له الحمد مادام السماء تحته الوطى .... عليه الثنى ومن لارجاه يخيب عيني تقديني وقلبي يدلني ... ولانيب من ممشى الرجيل عطيب لامن جفتنا الدار رحنا لغيرها ........ لابد للقلب العليل يطيب لابد من هاف عراضً توايره ...... يصبح من الممسى مهوب قريب ممشاه في يومه ثمان لغيره ..... يطفح مع البيداء بزود خبيب ميامين نجم سهيل ربعي وديرتي ....... دار الكرم دار الصخى والطيب ديرة مصانيم الدروع ال زايد ......... جراتهم سوء على الحريب ترعى بهم دار العدى شمخ الذراى........ يسجونها غصب بليا طيب تنش الوضيحي دايم في خشومها ... ولجزت من الماء يشربون حليب يدزون شيخان العرب في نحورها ....... والسالم الي يمنعون صويب يـدزونـهـم بـمـصـقـلات لــكـنـهـا ..... بروق تكاشف والقنيف غصيب قصيرهم يامن وتوسم له العصى .... لحا الله من هو في القصير يعيب في زبنهم محد يسوي سواتهم ........ من مطلع البيضاء إلى المغيب لامن وزاهم مجرم من قبايله ....... يسلم إيلين ان الغراب يشيب سقى دارهم متفاهق ينهب الجثم ....... حقوق إيلين يفيض كل شعيب عقب الوسامي تقتفيها صيوفها .......... ومازل من طيب يجيها طيب هذا وصلى الله على سيد البشر ...... ....... عدد ماوطت فوق التراب النيب وعددما اقبلت يم العدود بروسها ......... وعدد ما امرحت في قافر عشيب وعداد مايروحون الجنب في جنابها .......... وفدو بالانفس للفطير الشيب

وسلامتكم... وسامحونا على القصور
الشاعر/حسن بن عبدالله ال وتيد ال عمار الدوسري الله يرحمه