::: مـنتدى قبيلـة الـدواسـر الـرسمي ::: - الشاعر الكبير دخيل الله بن محمد بن دخيل الله الشكري

- :: قسم أمـراء وفـرسان وأعـلام الـدواسـر:: (http://alduwaser.org/vb/forumdisplay.php?f=12)

الشاعر الكبير دخيل الله بن محمد بن دخيل الله الشكري

بسم الله الرحمن الرحيم

اخواني وابناء عمومتي الغالين

ضمن أهداف موقع الدواسر الرسمي النبيلة وسعيّه الدؤوب للتعريف بأعلام وأمراء وشعراء قبيلة الدواسر الأماجد ، سواء للجيل الحاضر او الأجيال القادمه، ومن هذا المنطلق يسعدني ويشرّفني اليوم أن أقدم لكم سيرة شاعر فحل من شعراء قبيلة الدواسر المعروفين .

شاعر نستطيع القول بأنه شاعر ((عاش بعصر ليس بعصره))

شاعر اشتهر رحمه الله بغزاره انتاجه الشعري ، وبجزاله ورصانه قصائده .

شاعر عرُف بحميّته القويّه لقبيلته ونعارته وحبه للدواسر ، طرق جُل أبواب الشعر المعروفه ولعل اكثرها قصائده في الفخر ، في مدح قبيلته ((الدواســـر)) ، ووصفه لأحداث قبيلته ، مشاركا ً لهم في السراء والضراء.

شاعر خلّد الكثير من مواقف قبيلته الطيّبه في الماضي والحاضر بقصائده العذبه فحفظها من الضياع وقدم كنزاً لايقدر بثمن للأجيال من بعده ، وكأنه يوضح لنا هذا الصوره في بيته القائل :

قال الذي بافعال ربعه يماري=وبأفعالهم نعتز (جيلا) بعد ( جيل)

شاعر خلّد نفسه وفي تاريخ القبيلة المشرّف بأحرف من نور تبقى طول الأيام شاهدا ً على طيب هذا الرجل .

اخواني

اعرف انا مهما تكلمنا في هذا الرجل فلن نستطيع الايفاء ولو بجزء من حقه وتاريخه ، ولكنّنّا حاولنا بقدر الامكان تسليط الضوء ولو على جزء يسير من سيرة هذا العلم ، نسأل الله ان يرحمه ويتقبله في الصالحين ويتجاوز عنه.

لا أطيل عليكم اخواني شاعرنا هو الشاعر الفحل:

دخيل الله بن محمد الشكره

http://www.alduwasser.org/meeting/sltan111.JPG
المرحوم الشاعر الكبير دخيل الله بن محمد بن دخيل الله الشكري

نسبه ونشأته :

هو دخيل الله بن محمد بن محمد بن دخيل الله ال موسى من ال ابوعلي من قبيلة الشكره العزيزه .

ولد شاعرنا في (وادي برك) المعروف قبل حوالي 73 عاما ً.

وله من الأخوه (ثلاثة ) ، جميعهم يصغرونه بالسن فيعتبر بذلك أكبر أخوته ، وهم بالترتيب:

سعد بن محمد
وصالح بن محمد
ومرضي بن محمد

توفى والد الشاعر ، وهو في سن العاشره من عمره ، ونظرا ً لكونه اكبر أخوته فقد تحمّل المسؤولية في رعاية أسرته منذ صغره .

وبعد ان بلغ شاعرنا أشدّه وأكمل العشرين عاما ً ، انتقل الى مدينة الرياض طلبا ً للرزق وعاش فيها فترة ً غير محدده من الزمن ثم انتقل الى الاحساء وقضى بها اربع سنوات .

وبعدها انتقل الشاعر دخيل الله (رحمه الله) الى الكويت ، وكان انتقاله الى الكويت محكا ً مهما ً في حياته ، حيث التحق بالحرس الوطني بدولة الكويت ، واستقر بمدينة الجهراء وعاش هناك مايقارب الخمسة عشر عاما ً ، وكان قال العديد من القصائد الجميلة خلال تواجده في دولة الكويت ، حيث ان حنينه الى وطنه ومرباه (وادي برك) كان كثيرا ً مايحرك شاعريته ، فيقول شاعرنا في احدى قصائده :

يسرح من (الجهرا) وفي( برك ) ممساه=والعصر في ذيك الديار امعزومي
ملفاه ربع(ن) تكرم الضيف لاجاه=ويذري ذراها من لهيب السمومي
للضيف تذبح شمخ النيق والشاه=ولا يذبحون الا كبار اللحومي
(اولاد علي) ويل منهم له اعداه=ضد الضديد مطوعين العزومي

كما تطرق شاعرنا في قصائده التي قيلت أبان تلك الفترة الى اصدقائه وجيرانه هناك ، فنراه يسند أكثر من قصيده على ( عبيد) وهو أحد أصدقائه المقربين وجاره ، فيقول مثلا ً في احدى قصائده مخاطبا ً عبيد عندما سأل الأخير أي الديار تختار ؟ ، فأجابه الشاعر :

لـي ديــــرة ٍ مـانــي لغيره بــمـخــتار= تــمتــاز بــالمــوقــع وحـسن الطـبيــعه
دار ســـكنـهـــا كـــل عَــــدم وخــســار= اهـل الـشهــامــه والنـفـوس الـرفـيـعــه
ودع بـهــا (زايــد )هــل الـمـجـد والــكـار=( خـطــلان ألأيدي) مـحتمـين الــوديـعــــه
عــاداتــهــم مـن دونـهـا بـيـع الاعـمــار= امــا الشــهــامــه والــشـرف مـاتـبيعــه
يرسـخ بهــم غــرســا عيـــادا وجـــبــار= ورث(ن) مـن الجــدان مـــاهـــو بــديـعـــه
مـاحيــط مـن صـوب الطـماميـع باسوار= سوره رجالــه بــالســهــوم الســريــعــه
كـم طــامعـا قـد طمـع حـلـواة الاثـمــــار= وعقب الطمـع ضاقـت عليــه الوسـيعــه
غـره غـــروره والامــانــي والافــكـــار= وقــطـوه خــلـفــا للــذيــاب الــمجـيـعــه
من ضرب من تسقي العدا كاس الامرار= وافـعـالـهــم يـــوم الــمــلاقــى شنيــعــه
هـــذا خــيـاري كـــان ((يــاعـبـيد)) بـخــتار= حيثه هـوى قــلــبي وغــايـــة ربـيــعـــه
تـمـت وصــلــى الله عــلى سـيد الابـرار= راع الـــرســـالـــه للــعــباد وشــفـيــعـه

كما كان من القريبين اليه في تلك الفترة صديقه ناصر بن محمد بن رشيد القريني ، وايضا ً سعد بن سالم بن عجيبه الشكره والذي خاطبه في احدى قصائده قائلا :

يامن يوصل لي سلامي ونجزاه = ولا وصل (ابو سالم) عداه الملامي
(سعداً) سِعد دل اللذي يوم سماه = واختار من سماه خيره الاسامي
وِسعد اللذي في ساعة الضيق ينصاه= عند الشدايد يوم مس الحزامي
له موقفا لايمكن القلب ينساه = ولايمتكن ننساه دايم دوامي
اربع صفات فيه توجد وشرواه= ماتوجد الا بالرجال العظامي
فيه الكرم والطيب والحلم تلقاه= وموهبه ربي دليل الكلامي
وصلاة ربي باول القول واتلاه=وعلى النبي مني صلاة وسلامي

وبعد ان قضى 15 عاما بالكويت عاد شاعرنا الى موطنه الأصلي ( السعوديه) قبل حوالي 30 عاماً ، في فترة الطفرة الزراعيه التي شهدتها المملكة في تلك الحقبه فاستغلها في الاستفاده من الأراضي التي يمتلكها مع اخوانه في وادي برك حيث قاموا بزراعتها واستثمارها ، فكان يقضي وقته بين متابعة مشاريعه الزراعيه وبين هوايته المحببه على قلبه وهي (القنص) حيث كان يقضيها في وادي برك المشهور بكثرة الصيد في تلك السنين فكان يذهب للصيد مع المقربين اليه من جماعته واصدقائه ويستمتع بذلك كثيرا ً، مما حقق له جوا ً مميزا ً للابداع في مجال الشعر .

شعره :

اشتهر شاعرنا بغزارة شعره ،وكان لتجاربه العديده اثره في صقل قصيده وجعله اكثر واقعيا وجعل قصائد النصح والحكمه اكثر تمكنا ً في النفس

ورجلاً بلا لابة ٍيهزم وينهاني=لو كان في القوم ساطية(ن) مظاريبه
ورجلاً بربعه على العدوان له شاني=وتخضع له ارقاب روس الناس وتهيبه

كما كان لقصائد الفخر التي يحس قارئها بصدق المشاعر بداخلها اثرها في تفاعل المتلقي والسامع معها حيث بتكون قريبتا ً منه .

وهذا رابط ديوان الشاعر (دخيل الله بن محمد بن دخيل الله الشكره)
http://www.alduwasser.org/vb/showthread.php?t=18139

http://www.alduwasser.org/meeting/sltan222.JPG
صورة اخرى لشاعرنا رحمه الله

علاقاته :

اشتهر شاعرنا بعلاقته الطيبه مع جميع من عرفوه ، والتقوا به سواء من ابناء قبيلته (الدواسر) او من أبناء القبائل الاخرى وامراءهم واعيانهم .

وفاته :

انتقل شاعرنا رحمه الله من (وادي برك) عام 1408 تقريبا الى مدينة (الخرج) حيث كان قد ارتبط وقتها بعمل بشركه( الجيساي)احدى الشركات التابعه لشركة ارامكو واستقر في الخرج منذ ذلك التاريخ ، وفي احدى جولات عمله وكان موقع عملهم في شمال الربع الخالي بعيدا ً عن أهله وديرته ، انشد هذه الأبيات متشوقا ً لديرته :

متى نشوف (الـخــرج) مـنّا شـمــالــي =فــي ديرة ٍ مــالي بــدار(ن) بــدلــهـا
ديــارنــا اللي مـن قــديــم وتـــالـــي =نـفـخـربها والدار تـفـخــر بـاهــلــهـــا
دار (آل زايد ) ملــحــقــيـن الــتــوالــــي = الــي تخـاف اضدادهــا مــن زعـلهــا
حــامـينــهــا بـمـصـقـلات السـلالـي =ويامن بهـا الي خايف(ن) لا نـــزلــهــا
يــرسخ بهم غرس (ن) زها بـالــجمـالي =غرس (ن)يـحـد جبـالـهــا مـن سهـلــهــا
يلـعب به الغربــي جـنـوب وشـمـالي = ومن اين ما جـا ت الريـاح تـعــدلـهـا
ما حيط فـي الاسوار مـن كل جالـــي= سـوره سـهــوم بـالـيـديــن نـحـمـلهـا
بأيمان قوم(ن) مـا تـهـاب الـقـتــالــــي = قــوما تــحـدد بالمعــارك جـــمـلــهـــا
وصلاة ربي عــــد وبـل الـخـيــالــــي = من مــزنـة سيله يسابـق هــلـهـــــا

، وعاش شاعرنا بالخرج الى توفي رحمه الله فيها في اليوم الثامن من الشهر الثاني عام 1420هــ

اخواني نأمل ان نكون قد وضحنا ولو شيء يسير عن سيرة هذا الشاعر الكبير ،نسأل الله ان يرحمه ويتقبله في الصالحين ويسكنه فسيح جناته

شكر خاص وتقدير لابن شاعرنا ابن العم الغالي سلطان بن دخيل الله بن محمد الشكره ، على تزويدنا بالمعلومات والصور والقصائد فله جزيل الشكر وجزاه الله ألف خير .

رد: الشاعر الكبير دخيل الله بن محمد بن دخيل الله الشكري


	بسم الله الرحمن الرحيم اخــواني واحبـتي في الله اسئـل الله ان يتـقبــل منـكــم صالــح الاعـمـال. هذه قصيده رثاء مني في والدي اخترت ان انــزلهــا بـهـذا الــوقـت وبهذا الشهر الفضيل وبعشر المغفره غفر الله له ولنـا ولكــم والــديــكـم وجمـيع المسلمين والمسلمات الاحياء منهم والاموات وارجو ممن يتكرم بقرائتها ان يدعو له فهو في حاجة الدعاء اكثر من أي شيء اخر. بسمك الاهي بابتدي في كلامي=وبرجيك يامن كل خلقه ترجاه ارجيك ياربي بحسن الختامي=زاهد بدنيا مابها خير نلقاه سوى صلاة لك وايضا صيامي=وماجابشرعك يا الاهي تبعناه وبطلبك ترحم رفيع المقامي=وارجيك تغفر ما حصل من خطاياه اللي ذكر بالخيرشرق(ن) وشامي= ودايم لفعل الخير عجلات(ن)خطاه شيخ مقامه هامة المجد سامي= تاج على راسي وبفخر بذكراه عزيز نفس ومن رجال كرامي=ياسعد من في ساعة الضيق ينصاه حليم وموهب دليل الكلامي = وكريم مايبخل بمال ولاجاه ذكره على ثم اعتلى ثم زامي=بالطيب من بين المناعيرشرواه صفات ماتوجد سوى بالعظامي=اللي لهم تاريخ شامخ ابمبداه مرت على الفرقا ثمان تمامي=ولاغاب لحظه عن عيوني بفرقاه عيني بكته ولاعليها ملامي =ورحيله ابكى قاصي الدار وادناه وبكاه بيت شرفوه الحشامي= منصى ال ربعه واللمناعير تنصاه وبكاه طفلا فرحته به دوامي=يفرح بزوله وابتسامته لاجاه وايضا ضعيف يجود له كل عامي=فارق جزيل المد من بعد فرقاه وايضا كبير يواصله بالسلامي=دايم بوصل ارحامه ايوصي ابناه وايضا ربوع ينطحون الزحامي= قالوا عزيز وكلنا قد فقدناه توافدوا يوم العزا كالتهامي = واكثر حضوره يومها ماعرفناه رفقته بالدنيا رجال عظامي=وكل ذكره وقال يالله تجزاه تجزاه بالفردوس الاعلى مقامي= ويالله عسى في جنت الخلدمثواه ماحصي ثناهم فيه جفت اقلامي= وماقيل منهم فيه لايق ويزهاه مني السلام ووافي الاحترامي= للي حظريوم العزا لاعدمناه واللي غياب(ن) ماعليهم ملامي=معذور يامن كايد الضرف عداه يالأدمي دنياك مثل الحلامي=من طال عمره لازم بيوم فرقاه في طاعة الله قوم شد الحزامي= واسجد ال ربك باول الليل واتلاه بتواجه المولى بوقت الصرامي= وتبدالحياة السرمديه ابملقاه خسران من ضن ان حياته دوامي =ولاطاع ربه ساعة النوروضياه تبدا ضلام وتنتهي في ضلامي= وتبدا حياة البرزخ اللي عرفناه في ساس تكوينك بدا اول ضلامي=ثم بعد موتك ضلمت القبرعزاه مابينها فرصه بذكر وقيامي=للخالق اللي كون الكون وانشاه وفي طاعة الله نور يجلى الضلامي=ومن صدعن ذكره ابتزداد ضلماه وصلاة ربي عد وبل الغيامي =واعداد مانور القمر شع بضياه واعداد مانورا قفاه الضلامي = واعدادما يسجد من الخلق لرضاه اعدادها مني صلاة وسلامي=على النبي في بادي القول وتلاه محبكم في الله:سلطان ابن دخيل الله ابن محمد الشكره

http://al-klem.net/mlf//uploads/thum...2071c81206.png


	يابودخيل الله مجمل ومشكور=ترفع لك الرايات يابن الكرامي عرفتنا تاريخ شاعر ومنعور=شاعر لحق وقت الجهل والأمامي من روس زايد عارفينه ومخبور=منصى وركن وللقبيله حزامي وشاعر وشعره يقطع انهار وبحور=وشعره كما سيف يقص العضامي وشجاع يوم العج والبندق تثور=مافيه حبة خشم ولا سلامي يسطي على خصمه بلافكروشعور=ويورده للموت ورد الحيامي وكريم يوم الفقر والجوع والجور=ماهو كرم ذالحين خير ونعامي يالله عسى مثواه في جنة الحور=ويشفع له المبعوث يوم القيامي الشاعر القدير بدر بن فهيد المساعره


	وقصيدة صاغها الشاعر فهد بن عبيد الشكره في رثاء الشاعر دخيل الله الشكرة يعبر فيها عن مشاعره ومشاعر المحبين الذين فارقهم. السبت فاجئنا الخبر سبعه اثنين =قالوا رحل ذرب السجايا كحيلان من عام الف واربعميه وعشرين=بالضبط لازود ولا فيه نقصان قالوا توفى وهملت دمعة العين=والموت حق وخاتمة كل انسان رحل دخيل الله معي قولوا امين=وادعوا عسى المولى يجازيه غفران ويجزاه بالجنه ومن حورها العين=ويسكنه في دار الكرامه والاحسان ندعيك ياربي خشوع مصلين =ويدعيك عبد ممتلي قلبه ايمان ويدعيك من يعرف صفات الكريمين=اللي لهم في صفحة الجود عنوان ويدعيك من يعرف بطلق الحجاجين=سمح المحيا لالفا الدار ضيفان شيالها لاهج عنها المسيكين =-ينطح ثقيلات المواقف بليهان له مجلس مفتوح بالعسر واللين=على نذر ماخبر خاطره شان يفز لاصغر شخص ويرحب الفين=وينزل كبير السن في وسط الاعيان لو اذكراوصافه تعجز الدواوين=ولو اكتب افعاله ابي عدة ازمان لاكن عوضنا في الرجال الوفيين=عياله اهل الطيب ذربين الايمان والختم صلوا عد فوج ملبين =على النبي المصطفى نسل عدنان


	الشاعر عبد الله بن فهد الصخابره رثا شاعرنا بقصيدة معبرة الناس من ماضي اليالي والازمان =والشعر ديوان العرب شي مثبوت والشعر له مبدى ومغزى وعنوان=كم ثبتت سيرة هل المجد ببيوت وخلد لنا ذكر الفرزدق وحسان =وخلد لنا ذكر العواجي معا نوت وخلد لنا سيرة مشاهير واعيان = اهل الوفى لباسة الجوخ وبشوت وسيرة هل الطولات ذربين الايمان =نعيشها كنها على الشوف والصوت والي يبرهن شي ثابت للاعيان =ابو محمد حي ماغيبه موت قرم برع في الشعر من بد الاقران = شعره بقى في صفحة المجد منحوت غنو بشعره كل حضر وبدوان = والي سكن لنبار والسند والكوت من لابة يوم المثارات شجعان = في ساعة فيها مظفر وممقوت لادارت الهيجا وراغن الاذهان = وكل بلج في ساعة الموت منعوت دواسر لاصار عج ودخان = شرب المصايب عندهم شربة التوت اهل مدن وغروس نخل وبستان =وهل جهام في مرابيع ووقوت وعسى دخيل الله بروضات وجنان = بجاه من نجى ابن متا من الحوت وختامها صلوا على نسل عدنان = ذكره يسر الروح لو ماحصل قوت

[/QUOTE][/QUOTE]


	هذه قصيده قالها الشاعر جازي بن مفرح بن ناجي العطاوي العتيبي (حاوي الطيب ). بديت باسم اللي سلم من ترجاه=غافر خطايا اللي ببيته يطوفي الواحد اللي تسجد الناس لرضاه=جل وتعالى اللي بعبده يروفي الله الـــه الكون عالم خفاياه= الغافر القادر بخلقه عطوفي واللي بعدها قال جازي بمبداه=يقدح من الهاجس وبالقول يوفي اهلا هلا يابن الرجال المسماه=درع الجهامه يوم ضرب الشلوفي سلطان سلطان السعد ماله اشباه=ماهو على بذل المكارم حسوفي الجود في يمناه والطيب مبداه=من راس ابوه القرم نال الوصوفي عليه من ذاك الاسد لاعدمناه=والطيب ورث اهل القنا والسيوفي والشعر ياشعار لاشك ينعاه=من بعد ابومحمد جراله صدوفي مرحوم ياشيخ قليله حلاياه=دخيل الله محمد جزيل الحروفي اطلب اله العرش عفوه ورحماه=وعساه بالفردوس دايم يطوفي ابومحمد خاسر من تهقواه=هداج يشبه له ندي الكفوفي وعسى العوض بعياله اهل المثاراه=الطيب ورث جدود شي معروفي واقبل تحية حاوي الطيب والجاه=اللي مع الوافين بالطيب يوفي وصلاة ربي عد ماينتثر ماه=على الرسول الهاشمي النصوفي


	بيض الله وجهك ياأبومبارك على إيراد هذه السيرة العطرة , طيب ولايجي منك ألا كل علمٍ طيب . سيرة قصيد وطيب راس وسموّه=ترفع لها البيضا بكل اتجاهي أبوك ياسلطان شاعر مفوّه=مثل " البحر الأحمر" غزير المياهي مايبدع ألا من حماس وحموّة=يوم أغلب الشعّار بارد وفاهي أهيم في شعر الأصالة بقوة=وشعر الحداثة مايشد انتباهي وأنا أشهد أنك صنت حق الأبوة=وبريّت باللي يستحق التباهي من " لاد شكر" أهل الكرم والمروة=وأهل السيوف اللي تقصّ الجباهي حريبنا لاشب للحرب ضوّه=نشويه فيها مثل شوي الشياهي وخوينا لاضاق باله وجوّه=نكرب احزامه في زمان الدواهي وأقبل سلامٍ فاح وردٍ اعلوّه=الريح ريح المسك واللون زاهي الشاعر: فراج ابن فهد

رد: الشاعر الكبير دخيل الله بن محمد بن دخيل الله الشكري

بسم الله الرحمن الرحيم

هذا بعض ماقيل فيه رحمه الله من بني عمه من قبائل الدواسر وتستطيع اخي ان تسجل كلمتك

في والدي هنا فنحن نتشرف بها ولك مني شخصيا جزيل الشكر والا متنان:

كلمة :محمد بن ناصر المزاريع الغياثات

الشاعر الكبير دخيل الله بن محمد آل موسى آل بوعلي الشكرة

الملقب بــ (( شاعر الشكرة )) احس بانني صغير لا استطيع ان اكتب

كلمه واحده معبره عن هـذا الشاعر الذي كان ينافح عن قبيلة ويفتخر

بها وهي ايضا تفتخر به فهو شعور متبادل بين الفرد والجماعه

لأن شاعرنا تجود به قريحته الشعريه في اي موقف ينومس ربعه

كقوله في ربعه الشكره :

اولاد شكرٍهل النامـوس والطالـه=كم غيب الموت نفس هـم سبايبهـا
كم طايحٍ من يديهم ماحـدا شالـه=من ظربـة مـن يدينـا مايهازبهـا

بل لو استعرضنا بعضا من ابياته لوجدناه محباً لابناء عمومه من القبائل الاخرى الدوسريه ومفتخرنا بقوة الدواسر وهي من

الابيات المحبب الي شخصيا كقوله رحمه الله:

لي ديرة ماحدا لنـا هـدوا عطـاه=ولاجاتنا هـدوا ولاحـن مشتريـن
ولاحدا عطانا اياه في وجها وجـاه=الا بحد السيف والجمـع الرزيـن
وان كان من يحصل على ملكا كفاه=فاحنـا ملكنـا باليساروباليمـيـن
غرسـا وقطعانـا بخدانـا فــلاه=وموسعينـا حـدهـا للراحلـيـن
امن الشمال الخرج وحـدوده وراه=والحد حد السيف والجمع الرزيـن
سكنه غياثاتـٍ مطوعـة العصـاه=وتدوس بالرجلين روس المعتديـن
ومن الجنوب الهضب ويسوده حماه=اللي على دوس المعـارك داربيـن
لاد المنيعي ويل منهم لـه اعـداة=اللي بـدل رجالهـم يذبـح اثنيـن
عمي الشريف الين داوينـا عمـاه=الين شاف الدرب مثل المبصريـن
ولاعمي قلبه عندنـا يوجـد دواه=ونزيـد علتـه القديمـه علتـيـن

وايضاً تجد الوصف الدقيق في قوله كانك ترا افعال رجال الدواسر بقوله

ويطوعون الشره بالسيف والقنـا=كمـا يطـوع بالخطـام عسيـف

ولا يخفى على القارئ ان شاعرنا ليس بجاهلٍ للتاريخ بل عرف كل المعرفه له و ايضا يذكر سلوم الــدواسر التي تفردة بها عن

القبائل كقوله:

وصيـة مـن زايــد خصنابـهـا=وصى بهـا وانـا علينـا تمومهـا
وصى بها فتخـان الايمـان غلمـها=رواحهـا يـوم الملاقـا تسومـهـا
قومـا تبيـع ارواحهـا دون دارهـا=حيثـا دون الدارمـاحـدا يلومـهـا
قبيلتـا ماهيـب تجلـب جـزورهـا=ولا ذكر بيـع اللحـم فـي سلومهـا
ويامن بهـا اللـي خايفـا لالجالهـا=عقب السهر عينـه تهنـى بنومهـا

وقد عرف عن شعراء الدواسر حبهم لديارهم وهذا شاعرنا الكبير يختار دياره عندما خير

لـي ديـرة مانـي الغيـره بمختـار=تمتـاز بالموقـع وحسـن الطبيعـه
دار سكنهـا كـل عــدم وخـسـار=اهـل الشهامـه والنفـوس الرفيعـه
ودع بها زايـد هـل المجـد والكـار=خطـلان ليـدي محتميـن الوديـعـه
عاداتهم مـن دونهـا بيـع الاعمـار=امـا الشهامـه والشـرف ماتبيـعـه
يرسخ بهـم غرسـا عيـادا وجبـار=ورثـا مـن الجـدان ماهـو بديعـه
ماحيط من صوب الطماميـع باسـوا=رسـوره رجالـه بالسهـوم السريعـه
كم طامعا قـد طمـع حلـواة الاثمـار=وعقب الطمع ضاقت عليـه الوسيعـه

اما في الحكمه فتجد ابداع شاعرنا ابو محمد رحمه الله يقول:

لافرق بين البشر بالـون وازوالـه=لكن نشوف اختلاف فـي مذاهبهـا
يازين وقت الفـراغ ومكثرارجالـه=لاعد ربـع الرخـا مانـي مقطبهـا
ماكل رجـلا وفـا بالقـول لاقالـه=ولاكل من يرمي الشـاره بصايبهـا
ومن يتبع الهون كسـب العزمانالـه=ويموت ماحصلت نفسـه مطالبهـا
صحيح ان الولد لوطاب مـن خالـه=يكفيك من ماضي الدنيـا تجاربهـا
لعلنـا فيـه مانعـتـاض ببـدالـه=يسلم لنـا بانـي العليـا وكاسبهـا
كسب الفخر دايما يشريه من مالـه=يشريه لو كان فيه النفـس يجلبهـا
والبيض في شامخة الامثال تبنالـه=اعـداد مابيـن مشرقهـا ومغربهـا

[align=center]رحم الله شاعر الشكرة ابو محمد : دخيل الله بن محمد آل موسى الشكرة .

لقد كان احد شعراء الدواسر المعدودين واعلامهم المشهورين

واعتذر عن تقصير اتجاه هــذا العلم فمهما كتبنا عنه فلن نوفيه حقه

فلا نجد له خير من الدعاء له بالرحمه والمغفره

محبك ومغليك

محمد بن ناصر المزاريع الغياثات[/align

رد: الشاعر الكبير دخيل الله بن محمد بن دخيل الله الشكري

السلام عليكم ورحمة الله وبركاته

الاخ,, سلطان بن دخيل الله في الحقيقه انا اشكرك علىً جهودك الواضح جدا ً في سبيل ابراز شاعرية والدنا المرحوم(دخيل الله بن محمد الشكره) على الوجه المطلوب ,, واتمنى لكم التوفيق ..

اسمحولي ان اكتب (وانا والله يحصل لي الشرف في ذلك ) هذه الكلمات المتواضعه كجزء بسيط من واجبنا تجاه هذا الشاعر العلم الذي استهوى بكلماته كل متذوق للشعر النبطي ..

بداية ً والله اني لا اكذب حين اقول انني اصبحت من متابعي وهواة هذا الشاعر الذي قلما وجدت على كثر اطلاعي مثل قصائده سواء في الجيل الاول او جيلنا الحاضر لما لقصائده من عذوبة الألفاظ وجزالة المفردات , وسهولة الاسلوب , واندفاق المعاني المعبره عما يلوج في صدره
وقلما يكون هناك تكلف في انتقاء مفردات البيت والبعد عن المعاني الركيكه فمع انها تمتاز بسهولة الاسلوب الا ان وقعها في القلوب اقوى وأشد مما يعطي للقصيده حلاوة القراءه وعدم الملل من من قِبل القارئ .

وان اكثر ما يشدني اليه قوة ايمانه وكذلك المصداقيه التي تميزت بها قصائده ,, فلم يمتدح من لا يستحق الثناء ,, ولم يهجو الناس حتى وان كانوا اعداءا ً ,, ويظهر لنا ذلك جليّا ً في معظم قصائده رحمه الله ودل ذلك على طيب معدنه وصفاء جوهره ..
فامتدح قبيلته و وصفهم بما يستحقون دون ان يقلل من شأن القبائل الاخرى .

ولقد وضحت شخصية هذا الرجل الكبير وظهرت للقارئ من بين سطور قصائده ,, فلو سألتني عن صفات هذا الرجل الجزل رحمه الله ,, لأخبرتك بها وكأنني عرفته عن قرب ومع انني لم أره في حياتي ,, ولكن ادركتها ويدركها القراء حين يتصفحون نصوصه ..

رحم الله شاعر آل حسن دخيل الله بن محمد الشكره رحمة ً واسعة ً ,, وجعل مسكنه الفردوس الاعلى ,, اللهم وسع له في قبره واجعل قبره روضة ً من رياض الجنه ,, اللهم حرم وجهه على النار ,, اللهم نقه من الخطايا كما ينقى الثوب الابيض من الدنس ,, اللهم اجعله من الراضين المرضيين ,, وسائر اموات المسلمين ..

اخوكم ومحبكم في الله / فهد الخضران

رد: الشاعر الكبير دخيل الله بن محمد بن دخيل الله الشكري

السلام عليكم ورحمة الله وبركاته

في البداية،، أود أن أقول رحم الله شاعرنا دخيل الله بن محمد الشكره آل حسن الدوسري ، الشاعر الجزل الذي أعتبره كالمدرسة لي بما أنني شاعر ، لما تحتويه أبياته رحم الله من معاني ومفردات قويه ومعبره ، وكان الشاعر من الذين مثلوا قبيلة آل حسن الدواسر خير تمثيل في مجال الشعر وغيره ، لما تسطره أبياته في مدح وثناء على قبيلته الدواسر و آل حسن ، ولما تحتويه أبياته من حكمه ومعاني يستمتع بها القارئ ، فالشاعر المرحوم بإذن الله يعتبر من عمالقة الشعر في الجزيرة العربية ، ومهما نحاول أن نوصف هذا الشاعر فاللسان يعجز في وصف هذا العلم والشاعر المرحوم بإذن الله دخيل الله بن محمد الشكره آل حسن الدوسري رحمه الله واسكنه فسيح جناته هو جميع أموات المسلمين...

أبدا كلامي وأذكره سبحانه=رب(ن) كريم(ن) خالق(ن) أكوانه
أبدا كلامي بالإله الواحد=ملهم رسوله سنته قرآنه
بدع المثايل في ضميري جاني=واشتب في قلبي وفي شريانه
شاعر ولكن مايقدر شعري=كود الذي يعرف ترا عنوانه
ماني بشاعر بالمجله هايم=دور على الشهره وحظه خانه
ماني من اللي كل عرس(ن) حاضر=يلقي قصيده يومي بذرعانه
وماني من اللي يزلقون الشارب=لا طار طيره لا تعلى شانه
أكتب قصيدي لا تهيض صدري=وإن هاض سيل(ن) يخترق جدرانه
أكتب على اللي ورثوه أجدادي=وآغوص في بحر الشعر وأركانه
امن (السديري1) أستغل الحكمه=حكمه عساها تدخل بميزانه
ومن المعالم شاعر(ن) ودعاني=(شلعان2) لا يمكن ترا نسيانه
وإن كان ودي شاعر(ن) بالمعنى=عندي (دخيل الله3) وشعره عانه
وإن كان ببدع في فنون القلطه=(أحمد4) ترا شاعر بكل ألحانه
وإن كان ودي شاعر(ن) متواضع=ذاك (الغييثي5) لابتي خلانه
و(دنداننا6) شاعر يمثل معجم=بحر(ن) كبير وحاكمه بأوزانه
شعارنا واجد ومنهم نفهم=يكفي فخر زايد ترا صبيانه
منهم توفى مير ربي راحم=يرحم عبيده نرتجي غفرانه
ومنهم عسى ربي يطول عمره=حي(ن) عسى الله يرحم ويرعانه
حبيت أوضح بالقصيده قصدي=حبيت أوضح للشعر سيسانه
ذا الوقت شعر المصخره متفشي=شعر(ن) يغث المستمع بآذانه
أحدن يمجد دوفي دوف ودنهل=مايدري انه فالختم صلبانه
وأحدن يهوجس في بنات(ن) مروا=ليله طويل وقمرته سهرانه
وأحدن يدور فالقصيده مكسب=يمدح ملوك وعيشته بلسانه
شعار لكن المعاني ولت=هرج(ن) كثير وشلة(ن) خربانه
يا (بوصقر) دام الدواسر عزي=أركب على اللي يرتجف شكمانه
بلغ سلامي كل واحد منهم=قله تراني واحد امن أخوانه
سلم على تغلب وجدي زايد=ياسعد منهو أصبحوا جدانه
هذا كلامي وأفهمه يافاهم=عساك تلقى عملة(ن) ربحانه
قلت القصيده قاصد(ن) لي مقصد=قلته و وضحته مع برهانه
والختم صلى الله عليه وسلم=محمد اللي للهدى يهدانه

1):الشاعر الأمير / محمد بن أحمد السديري..(رحمه الله)..
(2):الشاعر / شلعان بن ظافر الوداعين..(رحمه الله)..
(3):الشاعر / دخيل الله بن محمد بن دخيل الله الشكره..(رحمه الله)..
(4):الشاعر / أحمد الناصر الشايع..(أطال الله بعمره)..
(5):الشاعر / دغش بن بطي الغييثات..(رحمه الله)..
(6):الشاعر / عبدالله بن محمد الرجبان..(رحمه الله)..

الشاعر / بدر بن صقر العجالين الفرجان آل حسن الدوسري...

رد: الشاعر الكبير دخيل الله بن محمد بن دخيل الله الشكري

:006:

:a:

ابن العم / سلطان بن دخيل الله الشكرة

تحيه طيبه ازفها لشخصك الكريم عما اكنه بداخلي من مشاعر يعجز اللسان عن البوح بها , وقد يخونني التعبير في سرد تلك الكلمات المتواضعه بخصوص والدك رحمه الله , ولا كن دعني اغوص في اعماق نفسي كي يتسنى لي اختيار ماهو جدير بوالدك من مفردات حتماً سوف تكون حاضره وفي نفس الوقت عاجزه في وصف شاعر بقامة والدك رحمه الله.

نعم انا امام شخصيه قد اثرت الأدب وتعمقت في جزالته حتى التصقت في ذاته دون جدال . من منا لا يريد قطع الشك باليقين حينما يتكلم عن تاريخ رجل بقامة دخيل الله الشكرة , الحمدالله رب العالمين الذي وهبني اليقين المطلق بكامل اعجابي المحبب الى نفسي بوالدك , واي والد انه شاعر مفرط الجزاله ودون قيود نعم انها هبه من الله ميزته عن الكثير , حتى شعر غيره بالفرق عما قيل وسوف يقال .

رحمك الله ياهذا الشاعر وجعل قبرك رياضً من رياض الجنه , قد سررت الكثير وافرحت الكثير بغزارة قصايدك , وحينما نتكلم عن النصوص الشعريه لدى هذا النابغه فقد تعجز الحروف عن وصفها لدقة معانيها وسهولة ادراكها لعقل المتلقي

شاعر مختلف بكل ماتعنيه هذه الكلمه فحينما تقراء له مجرد القراءه تشعر بإنسياب
تلك الأبيات اللتي في حوزتك , اضف الى ذلك التصوير الفعلي للقصيده كأنك امام حادثه تراه بأم عينك ذات شخوص وملامح تقليديه لا تصعب على المتخيل في ادراكها .

اخي سلطان خلاصة القول انت تنتمي لشاعر عانقت قصايده الأفق , وتمكنت كلماته من افئدة البشر فحقً علينا ان نشير له بالبنان كيف لا وهو احد رموز رجالات الأدب العربي .

تقبلوا صادق الود واعطر التحايا

سعد ابن سالم ابن تركي

:004:

رد: الشاعر الكبير دخيل الله بن محمد بن دخيل الله الشكري

http://www.u11p.com/folder3/U11P_FyPSN32fEv.gif

أحس وأنا أقرأ هذا الموضوع أني أمام جبل كبير ضخم

من الشعر والمكانه والقدر وتمنيت من كل قلبي أن أكون

قد تشرفت بلقائه فإن أمثال هذا الجبل الشامخ قليل ولقائك

مع أحدهم من كنوز الدنيا.

أسأل الله الكريم الرحيم الحليم أن ينزل على قبره الرحمه وأن يغفرله ويتجاوز عنه وأن يجعل مثواه الفردوس الأعلى.

رد: الشاعر الكبير دخيل الله بن محمد بن دخيل الله الشكري

اللهم ارحمه واسكنه الجنه . اللهم وسع له في قبره
اللهم اجعل قبره روضةً من رياض الجنه
اللهم اجمعه بالنبيين والصديقيين . واللهم أنس وحشته
وأمن روعته
واموات المسلمين والمسلمات
اللهم امين
كل الشكر والتقدير للهايف العماني و لشاعرنا ابن العم سلطان الشكره ، على تزويد الموقع بالمعلومات والصور والقصائد للهذا العلم الشامخ فله جزيل الشكر وجزاه الله ألف خير .

رد: الشاعر الكبير دخيل الله بن محمد بن دخيل الله الشكري

:006:
:a:
في البداية أحب ان الشكر الاخوه الاعضاء في منتدي قبيلة الدواسر الرسمي على حرصهم على ابراز أفعال واعمال المتميزين من ابناء قبيلة الدواسر في جميع المجالات ومنها الشعر 0
اليوم معنا شاعرنا الكبير دخيل الله بن محمد بن دخيل الله الشكري المتميز والذي يعتبر مدرسه في الشعر حيث طرق عدة بحور من الشعر وتحدث عن عدة اجيال حيث تنقل في حياة من وادي برك الى الرياض ثم الاحساء ثم الكويت حيث اكتسب عدة خبرات من التنقل بين تلك المناطق و اكتسب المعرفه والثقافه باتصاله مع عدة شعوب من خارج منطقة الخليج
نسال الله ان يجعل مثواه الجنة وان يجعل ماقدم من عمل في ميزان حسناته يوم القيامه

في الختام
الكلمات تعجز عن التعبير
حيث انني مهما كتبت لجف الحبر ولم اوفيه حقه

تقبلو مني واخواني وافر التقدير والاحترام

رد: الشاعر الكبير دخيل الله بن محمد بن دخيل الله الشكري

بسم الله الرحمن الرحيم
السلام عليكم ورحمة الله وبركاته
الاخ الكريم سلطان بن دخيل الله
رحم الله شاعرنا رحمة واسعه وأسكنه فسيح جناته
ولعلي أذا تكلمت لا أوفي حقه
ولاكن يشهد الله أنني كلما أقرأ قصائد المرحوم عليه رحمة الله الواسعه
كني قاعد أشوف جبال قدامي من قوة أبياته

قال الذي بافعال ربعـه يمـاريوبأفعالهم نعتز (جيلا) بعد ( جيل)

نعم لك الفخر طال عمرك
لاهان راعي النبذه ولا هان من رد علي هذا الموضوع
لأنه مفروض كل عضو يرد ويشارك في هذا الموضوع
لانه علم من أعلام الدواسر ومفخره لهم

أبن عمكم/مــــبــــاركــ الـــحـــجــــاج الـــــخــــيـــيــــلاتــ
والسلام عليكم ورحمة الله وبركاته

رد: الشاعر الكبير دخيل الله بن محمد بن دخيل الله الشكري

رحم الله الشاعر الكبير دخيل الله بن محمد الشكرة رحمة واسعة ، لقد ترك لقبيلته إرثاً كبيراً من

القصائد الجزلة القوية الخالدة التي سيحفظها الأجيال ونشكر جميع أبنائه وعلى رأسهم ابن عمنا الغالي

الشاعر سلطان بن دخيل الله على حفظ هذا الإرث وتزويد الموقع الرسمي لقبيلة الدواسر به ليشارك

مع أفراد القبيلة في حفظ تراث شعراؤها الكبار ونشره. ولكم الود والتقدير ،،،

رد: الشاعر الكبير دخيل الله بن محمد بن دخيل الله الشكري

اقتباس:
المشاركة الأصلية كتبت بواسطة هاني الشرافي

أخـــي سـلـطـان هــــذه خــاطــره أرسـلـهــا
أتمنى أن تنال أعجابك ....فقد يعجز اللسان أن يوفي بحق الرجال
..........

..........

رد: الشاعر الكبير دخيل الله بن محمد بن دخيل الله الشكري

السلام عليكم ورحمه الله وبركاته ..

جهد مشكور وبيض الله وجهك يا أبومبارك علي هذه السيرة الطيبة !

الحقيقه ان الواحد يفخر ان يحضى المنتدى بالنوادر مثل هذا الشاعر الكبير

ما أجمل دخيل الله بن محمد رحمه الله تعالى وما ألذ قصيده ..

أخي الغالي هايف العماني الله يحفظك :

ياليت لو تضيف كلمة ( رحمه الله ) امام اسم دخيل الله بن محمد الشكرة في رأس الموضوع .. حتى كل

من شاف الموضوع ترحم عليه ليصله الخير وهو في قبره ولك الاجر .

ولا يسعني أن أقدم جزيل الشكر لإبنه الوفي سلطان بن دخيل الله عسي الله أن يطيل بعمره

علي جمع كل قصائد والدة اللتي تعتبر أحد الرموز المشهورة

لاهنت علي هذا الجهد المميز في جمع هذا الديوان الرائع .

أخوك

أبومبارك الدوسري

رد: الشاعر الكبير دخيل الله بن محمد بن دخيل الله الشكري

الله يرحمه ويغفر له ويسكنه جنات التعيم

شاعر امتاز بقوة المعنا رحمه الله

لاهنت ياهايف ولاهان سلطان دخيل الله