يازيـن يالي تاركني بحالي = وشفيك ياشوق البحيحي محمد
تركت في جوفي سيوفً صقالي = جرحتني والجرح منك معمـد !
انا اشهد ان الحب بلوه تبالي = والي جهـل بالحب مثل المجمـد
شفت الهواء بيح بحالك وحالي = جرح الهواء يازين ماله مضمـد
احرقت قلبي ياحسين الدلالي = عوايدً لك وسط قلبي تغـمـد
روحت لدكتور يازين تـالي = ثم قلت له بشويش وانا مصمـد
القلب يادكتور فيه اشتعالي = ليتك تصورني ولله تحمـــد
صور وجاني قال : ممكن سوالي؟ = لا وعذابك !! ليــه ؟ قلبك مرمـد !!
من بعدها صيح ونادى وقالي = الله يرحم ذالبحيحي محمد !

المشاركة الأصلية كتبت بواسطة بدر بن صقر العجالين (المشاركة 429563) صح الله لساااانك يالبحيحي .. حبايب قلبي آل بحيح يامحمد :) وسلم على أهل أبونخله كلهم جعل يسقاها السيل:) بيض الله وجهك ولا تحرمنا جديدك.. تقبل تحياتي،،

المشاركة الأصلية كتبت بواسطة بومبخوت الشكرة (المشاركة 430090) صح الله لسانك يانسل الرجالي وبييض الله وجهك ودمة يامحمد قدركم يآل مره فوق الراس عالي وأنت كفو ونارك تشب ماترمد أقبل مروري ياكريم السبالي وأقبل تحياتي يالحبيبي محمد واالله يشافي جرحك يغالي وتعيش بطاعة الله ومتحمد