::: مـنتدى قبيلـة الـدواسـر الـرسمي ::: - حمود الحريجي (( الفراق والذكرى )) اهدائي لكم..

الفراق والذكرى

على ذاك المكان اللي جمعني فيــه من فتــره

وقفت وحارت اقدامي وانا في موقفي مذهــول

تكســر خاطــري من يــوم جيته وانظره نظـــره

الا واشيب عيني مـن حنين بالضمـيـر ايجــول

تذكــرت الذي فرقــاه حطّــت بالحشى جمــره

حبيبن جــارت اظـروفه وصار امواصله مشلول

تذكـــرته وقلــت الله يجمعنــي معـــــه بكـــره

واقول الله حسبي ياللــذي بفــراقنا مسئـول

وانا لامــن ذكرته في عيــوني حارت العبــره

اخفيها عــن الـواشي واخاف امدورين القول

تعبت امن الفراق اللي سببه الحزن والحسره

كبير الشـوق يقتل صاحبه لو ماهو ابمقتـــول

سببها صــرت مثـــل اللي بيـدّه حافرن قبــره

ولا جـــاني خبــر عنـه يطمني ولا مرســــول

احبـه حب عـــد الليــــل لامنه بلج فجــــــره

وحبي له كمــا نجم السمــا ماياصله عاذول

فديت العمر من اجله وهـو لجلي فـدا عمــره

احبه حب عند الناس لو يحكى مهو معقــول

على ذكـراه اعيش العمر واحزن لابــــدا ذكره

وبعض احيان احس اني بعالم ثاني ومجهول

وسلامتكمــ..........