يامرحباً بك يابن قحطان وأهليـن =ترحيبـة فـي مستواهـا نبيلـه
ماترخص إلا للرجال الكريمين= خليلها النشمـي وهـي لـه خليلـه
وننطح بها قاف الرجال العزيزين= وتثنى لقافك عـد وبـل المخيلـه
واعداد ما صفت صفوف المصلين= ومابان نور الصبح وانـزاح ليلـه
صح الله إلسانك على المنطق الزين= وعوايدك بدع الهـروج الدليلـه
على الجزاله ياسعد منك ضارين= ولا نذكر انها جات منـك الهزيلـه
ولا هنت في مدحك لنا يا أحمر العين= فيما بدعت من البيوت الجزيله
ولا عليكم زود بالطيب وافين =يا أهل المراجـل والسلـوم الجميلـه
يابن مهدي نعم بذكرك ونعمين= وقولت نعم في حـق مثلـك قليلـه
قرم وساسك من زحول القحاطين= ساس الشرف واهل الوجيه الطويله
يجدبك للناموس والجود جديـن= تمكنـت فيـك العـروق الاصيلـه
رافقتنا يابن الرجال اربع اسنين =ومـرت علينـا مثـل يـوم وليلـه
رفقتك تشرى ياسعد بالملايين= ومثلـك يلامـن راح يصعـب بديلـه
عشنا ورافقنا رجال عديديـن =ولا كـل مـن قفـا شحنـا رحيلـه
ولا كل من جانا من الربع لقصين= يـروح منضـور بعيـنٍ جليلـه
والرجل بفعاله لربعه عناوين= وانت لبنـي عمـك كسبـت الفضيلـه
ولو غبت عنا عنك ماحن بسالين =ولا نعتبر وصل الهواتـف وسيلـه
مايكفي الجوال مـره وثنتيـن= دام اجتمـاعٍ بـك لنـا فيـه حيلـه
شوفتك يقرب لجلها نازح البيـن= ورفيقنـا الطيـب لـزوم انعنيلـه
وتمت وصلى الله على ناصر الدين= نبينا المختـار مـن بيـن جيلـه
وأقبل تحيات ازملاك الوداعين =مـن بـاب تقديـر الزميـل لزميلـه
مشمومها الكادي وعطر الرياحين= ونفحٍ من الرسلان لافـاح هيلـه