::: مـنتدى قبيلـة الـدواسـر الـرسمي ::: - أهداء ألى معالم الحياه 511

- :: قسم الـشعر العــام :: (http://alduwaser.org/vb/forumdisplay.php?f=16)

- - أهداء ألى معالم الحياه 511 (http://alduwaser.org/vb/showthread.php?t=53690)

أهداء ألى معالم الحياه 511

ليت ذنبي غير فرقاك واستغفـر واتـوب
كان ماخيّم بصدري مـن الفرقـا نـزاع

سقت قلبي من شمالـه وسيّرتـه جنـوب
كيف اوادع وانت اخذت المودّع والـوداع

خافقن يلبس لك العشق والتحنـان ثـوب
مارضالـك بالمهونـه ولا جـاك بخـداع

كل شي غير داعيـك ماهـو بمحسـوب
شمس ماتشرق بوصلك مهى ضى وشعاع

وان حكوا في سيرة ابعاد عميان القلـوب
ضمّنى في وسط عينك وخل القـاع قـاع

وان خذانى فكري النازح الغـر اللعـوب
ناد باسمى ويتحدّر غروري لـك ضيـاع

وان غفا ليلـي بليـاك واعيـاه الهـروب
لك معى صوت ومواثيق وهجوسن تشـاع

قد غلبتك وانت ماعشت في يـوم مغلـوب
قل نعم وانا اعترف لك واقول انك شجاع!!

والله انى جنتك وانت راضى ومغصـوب
ذبت فعروقك وغيرت بـك كـل الطبـاع

سم باسم الله فـي قلبـي وعـد الـدروب
كيف يتبعثر خفوقي واجي لـك بانصيـاع

وكيف لاخطيت بشعوري وشفت انى كذوب
التزمت الصمت وعيونـى حكايـة نـزاع

الشاعره / أبعاد التركي ..