الا يا محمد شفت نور الهوى طفا= وبابيع قسمي سامح ٍباول السومي
الى عاد لاممشاً لذيذٍ ولا وفا= ولا ما يشوق النفس مانيب ملزومي
والى صار من عقب الوفا يظهر الجفا= فنا بانصح اللي من غرابيله سلومي
انا اخذيت منه يا فتى الجود ما كفا= مع الطيبين اللي لهم وجه وسلومي
وخرب النظام وكدروا كل ما صفا= وبار العميل اللي لعيني كما النومي
الى رحت صوبه كني امشي على حفا= اداري بروحي خايفٍ يلحقه لومي
عقب فرحتيبه فالشفا بيح الخفا= اكفيت البلا يابو هلا هاذي علومي
هلاً مرحباً باللي كتابه لنا لفا= تراحيب ود ٍ عقبها الرد ملزومي
قريت الكتاب وبان لي منه ما خفا= وباقول رايي حسب عرفي ومفهومي
هوى اهل الهوى التقليد لقاهم القفا= تباسوا بسلمه واصبح الذوق معدومي
غدى اطيبهم اللي فيه لا شق ما رفا= وصاروا هله من بين ظالم ومظلومي
واليا صرت تشكي من جفا راعي الشفا= على اول خطاه وزلةٍ منه لاتشومي
تراه الحليم اللي لاشاف الخطا عفا= ولا يلحقه في سلم الاحباب مثلومي
فليامن وظعت علاج عيبه ولا شفا= رعى الصنف مثلك له مناهيج وعزومي

http://www.aldawasser.com/vb/uploaded/pbrui.gif
الشاعر عيدان بن راجس الهوامله

	هلاً مرحبـاً باللـي كتابـه لنـا لفـا=تراحيب ود ٍ عقبهـا الـرد ملزومـي الشاعر والمبدع الكبير ابو محسن " محمد الخضران " صح الله السانك وعتلا شانك عى هذي الرديه المعبره ابومحسن جعل عمرك طويل على طاعة ومن يقراء عز الله العزيز وباله الرحيم يابومحسن انك مبدع في الشعر والله يهنيك في عمرك اختيارك موفق الله يبارك فيك وصح الله السان الشاعر الهرم عيدان بن راجس الهوامله. وعسى الله لا يفرقكم. ابومحسن جعلك تحيى لا تبخل علينا من هذا القصيد الجزل. والسموحه على تأخر ردي عليك ميشوف الى القلب........ تقبل تحياتي وتقديري واحترامي واعجابي في شخصك النبيل. اخـــــوك / فـــهــــد الـــغـــريــــري,,,,,,,