::: مـنتدى قبيلـة الـدواسـر الـرسمي ::: - سلام يا ربعي ( وطنية ) للشاعر مشاري بن ابراهيم المشاري البدراني الدوسري


	هذه قصيدة وطنية تعبر عن نفسها أنقلها اليكم وهي للشاعر أبن العم مشاري بن ابراهيم المشاري البدراني الدوسري سلام ياربعـي هـل العـزّ والكـار ........................... سـلام وادفـع للحبيبـه مهـرهـا سـلام ياشاعـر وفاهـم وبيطـار ........................... امّا نفـوس الشـرّ ربّـي عثرهـا في منتدى بدران رتّبـت الاشعـار ......................... نفسي ولاهـا لبـو متعـب أمرهـا قالوا حنيـن وقلـت للفـار دحّـار ........................ موتوا وقلّه ينتحر من قهرهـا!؟!؟! قالوا حنين وقلـت فالـدار حضّـار ............................ اللـي معاديهـا يكابـد سهـرهـا قلت اخرسوا خوّانة الـدار والجـار ........................ عسى الخبر فيكـم يجيبـه خبرهـا حنّا عمـار الـدار لانـادت الـدار .......................... ماهمّنا عسـر الـدروب وخطرهـا وحنّا وقـود النـار لاشبّـت النـار ......................... نروي فتافيت الحمر مـن حمرهـا حنّـا علـى عهـدٍ قطعنـاه عبّـار ........................... يقطعك يالخايـن ويقطـع صورهـا أميرنـا نايـف ذكرهـا فالاخبـار ............................ حنّا الأمن بدوانهـا مـع حضرهـا بديتها مـدري وش ابـدا ومحتـار .......................... الحرف كنّه شظيـةٍ مـن شررهـا حنّـا سعوديّيـن مافـيـه بــوّار .......................... حنّـا سعوديّيـن فـي مختصرهـا نوفي عهد نصدق وعد ناخذ اشوار ......................... الشرع من خانت عظامـه جبرهـا حنّـا سعوديّيـن لاصـار ماصـار ............................ فالصفّ الاوّل برهـا مـع بحرهـا ومن يختلف يامال قصّاف الاعمـار ................................ ولائنـا حميـر لـنـدن دحـرهـا الله يخزي راعي الخـزي والعـار ........................... اللّي ورى فارس ويتبـع جررهـا للعدل لا للعفـو ناخـذ ونختـار!! .......................... نكشف خفاياها ونفضـح عورهـا!! اللّي تساهـل راح لقمـه للاشـرار .............................. الآفـه ان تركـت تزايـد ضررهـا ترضى على دارك متاهات واضرار!؟ ......................... ترضى الأمن يهتزّ داخل حجرهـا!؟ ترضى عيالك بيـن الاسـواق دوّار ......................... تنهب ونسوانك تكشّف غررهـا!!؟ لو بيتك مشرّع بـلا بـاب وجـدار ........................ يجفل ضعيف الناس يسرق دررها! ادري مريد الشـرّ دايـخ ومنهـار ........................... لكن أثرها!!؟ نبـي نقطـع أثرهـا ترى التكاتـف بالمهمّـات معيـار .......................... يعيش من غـدرة عـدوّه سبرهـا على الوطن حنّا دراويـز واسـوار ........................ نشفي نفوس ونفس ندبـل كدرهـا عاش الوطن بالخير والعز مـدرار ........................... على الشريعـه مانحـرّف سورهـا يـاربّ ياخالـق وقـادر وجـبّـار ........................... اصرف صنوف الشر واقلع مدرهـا وصلّوا على المبعوث والآل الاطهار ............................ وصحبه ومن سنّـة نبيّـه نشرهـا ماغرّد القمري على غصن الاشجار .............................. وايقض بروض الحبّ نايم زهرهـا الشاعر مشاري بن ابراهيم المشاري البدراني الدوسري