الله من قلب ٍ همومه تلامسه = بيدينها في كل ليل ٍ تخامسه
مايتركنه يوم واحد من الشهر = ولهن عليه إليا إنتحى الليل رامسه
وروح ٍ بنيران المحبة تحرقت = عليها الغرام مصولباتٍ محامسه
وعين ٍ ليا جا القلب يدله تذكره =عنودٍ تجدد مادرس من روامسه
ليا عرضت خطوا هنوف ٍ مخفره = حورية التوصيف بالزين طامسه
تجر ذعذاع الهوى في شليلها =كما وردة ٍ في مدرج السيل غامسه
في فيضة ٍ ريح البختري عطورها= ممطورة ٍ مثل أمس واليوم شامسه
ماطب فيها ألا بعض شرد المها = والطير توحي في طرفها هوامسه
فلا عاد أجيد السالفة مع منادمي = كن النهار بعيني الليل دامسه
ياوصل ٍ شاعر هوازن تعلمه = عن حالي اللي واهج الحب حامسه
ناده بصوت ٍ شاهر ٍ لين ينتبه = وقله رفيقك مخلب الهم لامسه
وأنا خابره كل الصعايب يرومها = على النوز ماتخط الضرايب نيامسه
تكفا يابو نواف روحي تعلقت = في واحد ٍ عنها الرجا الياس طامسه
وأخر ماأقوله لك ترى قلبي إحترق = كما لمبة ٍ فيها السلوك متلامسه
من واحد ماهوب ياوي ليا كوى = كوى القلب بأربع وألحق الكبد خامسه

[youtube]http://www.youtube.com/watch?v=iMIAQchEUVk&feature=player_embedded#at=148[/youtube]

المشاركة الأصلية كتبت بواسطة فهد المقابله (المشاركة 663680) قصيده الشاعر الكبير عبدالله بن عون واداء مميز من/ حبيب العازمي شظايا الم لاهنت على النقل

المشاركة الأصلية كتبت بواسطة خالد المشاويه (المشاركة 663756) الله الله صح السان ابن عون ولاهان حبيب قصيده رائعه واداء اروع جزيل الشكر والتقدير

المشاركة الأصلية كتبت بواسطة محمد بن حمد الشكرة (المشاركة 663757) صح الله لسان الشاعر الكبير/عبد الله بن نايف بن عون على الابيات الجزلة ولاهان الشاعر الكبير والمنشد/حبيب العازمي والله يعطيك العافية ياشظايا الم على النقل