بدينا بذكر اللي رفيعٍ على السمـاء=رفيـعٍ رقيـبٍ واحــدٍ لاثـانـي
ربٍ تعـالـى لا آلــه غـيــره=سبحان من هـو نـزّل الفرقانـي
عظيمٍ جلاله منشي الغيث والمطـر=وللـي علينـا نوحـد الرحمـانـي
علينا صلاة الخمس ونحـج بيتـه=وادا الزكـاة وصـوم رمضـانـي
من قـام بالفـروض ودّا حقوقهـا=يفـوز لا مـن نصـب الميزانـي
ويدخل ويشرب من نهور وكواكـب=نهـور ياردهـا صـادق الإيمانـي
يا مستجيب الداعي أقبـل دعوتـي=عنـا وعاونـا علـى الشيطانـي
فلا بد ما يجري على العبد من زلل=وعلى العبد ذنب يطلـب الغفرانـي
ومن بعده أفضية مكنـون بالحشـا=مكنـون أناشيـد لهـن اثمـانـي
فنا صابـر وكـن مابـي وافتكـر=ما قـدر الرحمـن فـي العربانـي
أساس لا سوس مكينٍ على العـزا=يصيـر فرعـه عالـي البنيـانـي
عزمت آتمثـل فـي هدفنـا لهـم=مشينـا بدبـرة منـزّل الفرقانـي
مشينا من المطـرح مـع السحـر=مواتـر والجـيـش والخيـلانـي
مشينا ونور الصبح قد هـو بيـن=ثـم لحقنـا الخيـال بالقرعـانـي
أذن وحولنـا نصـلـي لطاعـتـه=وبعد الصـلاة تبايحـو الأخوانـي
وبعده ركبنا فوق صخـرٍ تزلزلـت=مواتـرٍ ركبـو بـهـا الشبـانـي
وقال الشويعر ياهل الجيش اركبـو=والخيل ركبـت وحتمـا الميدانـي
بدنـا منارلهـم السيـارات واقفـه=معـاد سـارة والوعـر حزمانـي
منهـا نزلنـا ماحـدٍ منـا أتخـر=وردنـا عليهـم وردة الضميانـي
معنا شبات الحـرب فـرد وخنجـر=ومعنا الألمانـي سبـرة العلمانـي
يـوم أنتحينـا فلبيـارق تفرقـت=غـرب وكثرتهـا نصـا الظلعانـي
مـا عندنـا أنـا بنصبـح مدينـة=حسبـت صبـاح اليـوم للبدوانـي
يوم أنتبهنا لين ذي الـدار عندنـا=دار الخبيـث الفاجـر السيـانـي
هلـل أمهللنـا ومـشـة بـيـارق=وصار الظفر منا علـى العدوانـي
شب الخديـوي والمكينـة علينـا=ومنـا عليهـم شبـة النيـرانـي
لين أشهب البـارود غـدا غمامـه=يـومٍ جرابـه شابـت الورعانـي
يوم الثلاثا جعـل مـا علـه الحيـا=لـو الله إلـى فـرقـو خـلانـي
لا وارفيق اللي غـدا يـوم وردنـا=عسـاه ينـزل روضـةٍ وجنانـي
بعده طوال الليل مـا ذقتنـا الكـرا=أبطيتنـا بعـده وأنـا وجعـانـي
أسهر طوال الليـل كنـي معاقـب=أقنـب وعـوي كنـي السرحانـي
وعيوني القشـرا تنثـر عبارهـا=والقلـب كنـه إيـلاف بزريانـي
صباح حرب صـار للنـاس منعـه=عـز مـن الله فتحـة البيبـانـي
وللي قتلنا في حرض يـوم وردنـا=ألـف وثمـان خليـو سدحـانـي
وللي منعناهم وخـذ نـا سلاحهـم=تسعين شخـصٍ كلهـم شجعانـي
راحوا كما جول الحبـاري بوردنـا=لا يـا الحبـاري جاتـك العقبانـي
قتل شيوخٍ مـا يهابـون الحتـف=بالكون نتلا سعود ابـن درعانـي
لاغاورت لصوات فـي كـل كربـه=لاذاك فــراج بصـوتـه بـانـي
فـراج بـن نـادر تبيـن بفعلـه=يستاهل البيضا الفتـى الودعانـي
وحنا هـل الـردات يـوم الدبيلـه=ولاد زايـد فـي القـا ضفـرانـي
عاداتنا ذي مـن عوايـد جدودنـا=ولاخير فـي هـرجٍ بـلا برهانـي
ذيبٍ يجر عواه فـي كـل مرقـب=وكثـر أعـواه ينبـه الجيعـانـي
جنايز العـدوان فـي كـل فرجـه=جنايـزٍ مثـل الخشـب طيحـانـي
وقامت طيور الجو في الجو تكسـر=تكسـر علـى جنايـز الخـوانـي
يوم البلا والموت في الدرب واقـف=انطحـوه ربـعٍ كلهـم كرمـانـي
ذاك النهار اللـي تقطـع شـراره=النفس مـا تسـوا ربـع ديوانـي
كم واحدٍ مـن وقعنـا راح هـارب=بمـات خمـس شالعـة لكـوانـي
رتب حرض وستنصر الديـن بالله=وحمـده ربـي خـاذل العـدوانـي
سرنا نبـي ميـدى بعـزم وهمـه=والحرب يشعـل صقلتـه شبانـي
نمشـي بصنـع الجرملـي بيدينـا=مسلهـبـاتٍ صنـعـة الألمـانـي
ميـدى حاصرناهـا ليـالٍ قليـلـه=وثـل العرشـي حمّـل الخشبانـي
يوم أكتمل مالـه محمـل بالخشـب=وبـدا يركـب فوقـه القيمـانـي
خلا الخشب وهو على السيف واقف=وعـوّد ذليـل وخايـفٍ ندمـانـي
وبعده ركـب بغـل وربعـه حفايـا=وأظهرهـم المعـبـود للعدمـانـي
وجانا الخبر قدهو بيمشي مصبـح=قالو تـراه أنحـاش حالـه شانـي
أمرنا صليب الراي فيصـل نلحقـه=ولحقـوه ربـعٍ فعلهـم قـد بانـي
في وسط شجر عل ينبت به الحيـا=عسـى سنينـه ديـمٍ رجعـانـي
زيّن لنا الخـلاق فـي كـل هيـه=والشكـر للمـولا عظيـم الشانـي
زانـة الفيصـل وستقـر الميـدى=وجتـه القبايـل تطلـب الأمانـي
وحنـا مشينـا والبيـارق ورانـا=نبغـي الحديـدة نقهـر الطليانـي
جينـا ولقينـا المراكـب أمرسيـه=ومجـمـعٍ قـواتـه النصـرانـي
جتنا البيارق عقب عشر وخمسـة=ونشكـر إلـه نصـر السلطـانـي
ومن بعد ذا يا راكبٍ فـوق ظامـر=أسبق من اللـي رفّـع الجنحانـي
تجعل مسير العشر يومٍ على الرخـا=اللي مشـا مـا تملكـه الأرسانـي
أيشـوّق الركـاب واللـي يشوقـه=ويشـوقـه راعـيـه بدنـدانـي
ينصـا لنـا دارٍ عـلا كـل ديـره=الـوادي اللـي شرقـي الوديانـي
ديرة بني عمي هل الجـود والثنـا=ومستقصـرٍ مـا قلتنـا بلسـانـي
أبشر إلا نوخـت بالهيـل والبـن=وصحـون بـرٍ فوقهـا خرفـانـي
سلم على مـن كـان ينشـد عنـا=سلام أحـلا مـن لبـن مسمانـي
ومن جاك ينشد أو شفيـقٍ بربعـه=أحلـف لـه مـا جـرا مـا كانـي
الطايلـة فيهـا خذوهـا آل زايـد=ذا قول من قولـه علـى برهانـي
تمت وصلى الله على سيد البشـر=الهاشمي المبعـوث مـن عدنانـي
إعداد ما غنا على الغصـن ورقـا=وعداد ما قـدر ومـا هـو كانـي