يازين فعل يا الدواسـر فعلتـوه=فعل سبقتوا فيـه كـل القبايـل
حتى لو الناس بعديـن سـووه=انتم هله من قبل وانتم لاوائـل
قلتوا كلام للضيـوف وحميتـوه=وعاداتكم با لضيف فعل الجمايل
يوم المزاين بينكم ما احتكرتـوه=ماعودوا ضيفانكم بـا لفشايـل
من كان معه مشاركه ما منعتوه=ماقيل ذا واجد وذولـي قلايـل
بينتوا العلم الجميـل ورفعتـوه=للي يحسب ادقاقهـا والجلايـل
تستاهلون الطيب يا اللي عملتوه=ويفوز بالطالات من كـل طايـل
ماهمكم مال العناء لو جمعتـوه=ماباقي إلا الفعل والمـال زايـل
هذا طريق للنشامـى رسمتـوه=إلا الذي سلمه عن الطيب مايـل
قررتوا الدرب الصحيح وفرضتوه=مثل القلايد في رقاب الأصايـل

المشاركة الأصلية كتبت بواسطة عبدالرحمن الشرافي (المشاركة 151533) ابو زابن بيض الله وجهك يالسنافي على نقل هذه القصيدة الجزله ولاهو غريب هذا الفعل من الدواسر يفعلون ويطولون وعندي قصيدة للشاعر الكبير/ نايف بن مسرع يرد على هذا الشاعر ... سوف تقرأها عن قريب تحياتي