|
الشيخ نصار بن وقيان و ابن جمعة العجمي
كان الشيخ نصار بن وقيان الغييثي فارس مغوار لايشق له غبار وكانت ابله من اطيب الابل وكان ذات مره وارد على عد للعجمان هو ومن معه من الغيثات وكان يتقهوى في مجلس ابن جمعه العجمي فلما صدرت ابل بن وقيان قال بن جمعه وهو معه على معناز واحد ليت والله الصفري قد نقز قال نصار ليه قال بن جمعه حتى أغير على ذا البل قال بن وقيان ابلي يامحمد قال اي نعم ابلك وكانت زوجة بن جمعه ورا الشمله تسمع كلامهم قال بن وقيان وكان يسمع زوجة بن جمعه ان كانك عند قولك فطلق ان تغير على البل قال بن جمعه علي الطلاق ان أغير عليها قال بن وقيان طلاق نوره قال طلاق نوره قال بن وقيان اسمعي يانوره تراه ان ماغار على البل فتراك حرام عليه واسمع يابن جمعه عني الصبح في المكان الفلاني وعقبه في كذا وخامس يوم في المكان الفلاني ويوم راح منه بن وقيان طوت زوجته البيت قال وش فيك قالت والله ماتلمس جنبي لين تغير على بن وقيان ولما نزل بن وقيان اللي واعده فيه بن وقيان وجمع بن جمعه ربعه وأقبل عليهم للغياثات متولمين له أحد عند البل وأحد مشرف في المبدا يرقبه قال للي معه من العجمان أنا وش باليني بالغييثات اللي معروفين وضربهم مايخطي وانهزم ورجع وقال الشيخ نصار بن وقيان قصيدة لكن لم أحفظ منها الا بيت وهو
ياأهل النضاء لا لفيتوا خبروا نـوره=مكال قرصه يشوف البل ولا جاهـا منقووووول من منتديات السليلبندق اهل البل علي العجمان مؤموره=سو البلاء بين ملافضها ومجراهـا |
مشاركة: الشيخ نصار بن وقيان و ابن جمعة العجمي
لا هنت ياغياث والنعم بالشيخ نصار بن وقيان الغييثي تقبل الود والتقدير أخـــوكـ / نــمـــــــــر |
رد: الشيخ نصار بن وقيان و ابن جمعة العجمي
( حنا الغييثات الى من ثار دخاني *** رفقين وفقين ماتخطي ضرايبنا )
( جعلك فدى "ن" للركايب يادعيكاني *** بلا ثمان"ن" ودايع من صحايبنا ) ونعم والله بلاد بن غياث ( هل الثمان ) وبالامير بن وقيان وتسلم يا غياث على العلوم الطيبة والله الله في ذي ومثلها نافداك ترانا نطرب على علوم بني عمنا |
مشاركة: الشيخ نصار بن وقيان و ابن جمعة العجمي
كفووو كفووو يابن غياااااااااااااث الامير/ نصار ابن وقيان اشهر من علم ويعن كنها طلقت نوره
|
مشاركة: الشيخ نصار بن وقيان و ابن جمعة العجمي
أخي وإبن عمي الحبيب الغالي جعلنا ما نخلا منك ولا من مشاركاتك الطيبه |
مشاركة: الشيخ نصار بن وقيان و ابن جمعة العجمي
والنعم بالشيخ نصار بن وقيان الغييثي غياااث سلمت يمينك ولاتبطي بجديدك ؛؛؛ |
مشاركة: الشيخ نصار بن وقيان و ابن جمعة العجمي
/
\ ياأهل النضاء لا لفيتوا خبروا نـوره مكال قرصه يشوف البل ولا جاهـا بندق اهل البل علي العجمان مؤموره سو البلاء بين ملافضها ومجراهـا لاهنت في ذمتي ذمه على ذا القصه يعطيك الف عافيه يالغالي وفي انتظـار المزيد |
رد: الشيخ نصار بن وقيان و ابن جمعة العجمي
ترفع هذه القصة لروعتها
وروعت ابياتها ولشجاعت الامير نصار بن وقيان |
مشاركة: الشيخ نصار بن وقيان و ابن جمعة العجمي
اي والله ان يرجع
ما دام دونها هل الثمان اخوي غياث لاهنت على ايراد هذه القصة الشهيرة وهذا بيت قالته قحطانيه فالامير / ابن نصار
ادخل على الله من ركب ابن نصار =وادخل على الله من ركب الايديي احدن ليا حقق الشوف مغوار = واحدن على تالي الركايب يعيي تقبل فئق التحية ولتقدير |
مشاركة: الشيخ نصار بن وقيان و ابن جمعة العجمي
يالربع اللي مايتحقق من الكلام لايجيب من عنده ويضيع السوالف
القصه وقصيدتها اوردها ابن وقيان في لقاء اعده كلا من الشاعر دغش ابن بطي وابن العماني والقصيده هذه لواحد من العجمان من أل سفران وهم متلاقين عند ابن جلوي ماهم في بيت ابن جمعه تقصوا الحقايق يالربع واتركوا العلوم اللي ماهيب اكيده اما القصيده فهي : ياهـل النـضا لالـفـيـتـوا خـبـروا نــــوره ....................... مكال قرصه يشوف البل ولاجاها بندق هل البل على الشيخان مامــوره ...................... والموت مابين ملفظها ومجراهــا الشيخ وقـف يـمــالـيـنـا على شــــوره ....................... ويقول جاذوب ياهل الجيش عفناها دوك الغـييثي يــوده عند مـقـهــــــوره ...................... والشيخ منكم يقود القوم ينصــاها |
مشاركة: الشيخ نصار بن وقيان و ابن جمعة العجمي
السلام عليكم ورحمة الله وبركاته
لاهنت اخوي غياث على مااوردت من السوالف وهو حقيقة مايثلج صدورنا ويرفع رؤوسنا |
الساعة الآن 01:55 AM
 |
Powered by vBulletin® Copyright ©2000 - 2024, Jelsoft Enterprises Ltd.
---