الجيب ياسايمه ماهوب للبيع= ماهوب للبيع خله لاتسومه
انا معه بالغلا ماسمع ولا اطيع= الله على موقفه ما اطيب علومه
ابغي الى جات سجات المرابيع= يوسع الصدر ويبعد همومه
اذخر لزومه لحزات المطاليع= لا ودعّ القيظ وانكفت نجومه
ثم قام يصفق من الغربي ذعاذيع= في كل ليل ٍ مراويح غيومه
ناخذ من افراح دنيانا تناويع= والوقت لو شح يوم ٍ مانلومه
اللوم ينصى قليلين المنافيع= واللي على الطيب ما تقوى عزومه
جربت انا الناس في بعض المواظيع= واخترت لي منهج ٍنفسي ترومه
ردعت ما ارخيت للنفس المصاريع= النفس من بعض الاشخاص محشومه
واخترت عنهم بعيدين المراميع= كل ابلج ٍ بالوفاء تعرف سلومه
بالذات من رفقة عز ٍ وتشجيع= اعتز لو كان ما قومي بقومه
والفظل لله رزاق المجاويع= مغني نفوس ٍ من الخير محرومه
ثم فظل شيخ مواقيفه مفازيع= على الخوي دايم ٍ يظفي كمومه
شيخ يسوقه على الفزعه دوافيع= مزبان من يعتزي به في لزومه
للعز يفتح لمن مثلي مشاريع= وملجاً يذري عن القيظ وسمومه
وانا اعتبر خوته راس المطاميع= واقول يا جعلني ما ذوق يومه

المشاركة الأصلية كتبت بواسطة ((محمد)) مع التحيه لجميع اعظاء المنتدى اهديكم هذه المشاركه اخوكم محمد الجيب ياسايمه ماهوب للبيع= ماهوب للبيع خله لاتسومه انا معه بالغلا ماسمع ولا اطيع= الله على موقفه ما اطيب علومه ابغي الى جات سجات المرابيع= يوسع الصدر ويبعد همومه اذخر لزومه لحزات المطاليع= لا ودعّ القيظ وانكفت نجومه ثم قام يصفق من الغربي ذعاذيع= في كل ليل ٍ مراويح غيومه ناخذ من افراح دنيانا تناويع= والوقت لو شح يوم ٍ مانلومه اللوم ينصى قليلين المنافيع= واللي على الطيب ما تقوى عزومه جربت انا الناس في بعض المواظيع= واخترت لي منهج ٍنفسي ترومه ردعت ما ارخيت للنفس المصاريع= النفس من بعض الاشخاص محشومه واخترت عنهم بعيدين المراميع= كل ابلج ٍ بالوفاء تعرف سلومه بالذات من رفقة عز ٍ وتشجيع= اعتز لو كان ما قومي بقومه والفظل لله رزاق المجاويع= مغني نفوس ٍ من الخير محرومه ثم فظل شيخ مواقيفه مفازيع= على الخوي دايم ٍ يظفي كمومه شيخ يسوقه على الفزعه دوافيع= مزبان من يعتزي به في لزومه للعز يفتح لمن مثلي مشاريع= وملجاً يذري عن القيظ وسمومه وانا اعتبر خوته راس المطاميع= واقول يا جعلني ما ذوق يومه