"ربعي هل الطالات في كل هيّه" (( عبدالرحمن الشرافي ))
" بسم الله والصلاة والسلام على رسول الله " اخواني الأعزاء ,,, أسعد الله أوقاتكم بكل خير ,, أضع بين أيديكم هذه القصيدة وهي تعبر عن نفسها " وأتمنى أن تنال على إعجابكم "
يا مال فرقا العين يــ "الثانويه" = ياللي حشرتينا بوسط البلادي من سبتك عين المعنّى شقيّه = ويجاذب الونات صبح وهجادي فيا جعل يسقى لا فختنا الضحية = وجتنا اعلوم الخير وأهل البوادي وقالوا لنا الصمان ما شن حليّه = ارضه سقاها الله من الماء امدادي فيا راكب اللي ما حلا من مشيّه = جيبً يعجبك فالعتش والحمادي جيبً ليا منك عطيته شويّه = تقول شيهانً شهر بالهدادي أمشي به التسعين من فوق ميّه = مشتاق للبل زاهيات التوادي مشتاق للي بالمزايا غنيّه = وضحً غلاها ساكنن في فوادي وضحً خلق فوجيهها قابليّه = والوانها للون الوضيحي تشادي هذه من المال الحمر جتّ شريّه = وهذه كسبناها بيوم الطرادي ومن دونها نارد حياض المنيّه= ومنهو نواها يالمناعير غادي من دونها أهل العز و أهل الحميّه = ربعي هل الطاله حزامي زنادي ربعي هل الطالات في كل هيّه = لا الحزيمي معتلين الشدادي ربعً لهم بين العرب مقدريّه = وافعالهم تعرف فشتا النوادي وختامها يالله رب البريّه = يالخالق المعبود يا خير هادي إنك تعجل يا إلاهي عليّه = وإنك توفقني و آصل مرادي وسلامتكم ... أخوكم / عبدالرحمن الشرافي |
رد: "ربعي هل الطالات في كل هيّه" (( عبدالرحمن الشرافي ))
صح السانك ياعبدالرحمن على ذالجزله والنعم بلاد الحزيمي
من طول الغيبه جاب الغنايم تقديري واحترامي |
رد: "ربعي هل الطالات في كل هيّه" (( عبدالرحمن الشرافي ))
|
رد: "ربعي هل الطالات في كل هيّه" (( عبدالرحمن الشرافي ))
عبـــد الرحمن الشرافي
صح لسانكــ . قصيده جزله تكشف لنا شاعر قادم فـــ عافاك الله على ماقدمت ونعمً بكـ وبــ الشرافا يستاهلون الثناء لاد الحزيمي |
رد: "ربعي هل الطالات في كل هيّه" (( عبدالرحمن الشرافي ))
ربعي هل الطالات في كل هيّـه=لاد الحزيمـي معتليـن الشـدادي
الله الله صح اللسانكـ واعتلا شانكـ وشــد حيلكـ وفارق الثانويه ابيات جزلــه يا بو سالمـ ننتظر الدرر اللي حاطهم بالصندوق متى يظهرون وهذي اولهن أخوكـ / ابو زيد |
رد: "ربعي هل الطالات في كل هيّه" (( عبدالرحمن الشرافي ))
اقتباس:
الله الله يابو سالم صح لسانك ولاهنت على الأبيات المعبرة وأسأل الله أن يحقق حلمك بالتخرج أولاً ثم بالتمشية عند الوضح ثانيا تقبل المحبة والتقدير ،،، |
رد: "ربعي هل الطالات في كل هيّه" (( عبدالرحمن الشرافي ))
ابو سالم
بيض الله وجهك والله يحقق امنيتك وتجي في الصمان عشان نشوفك ياخي لاهنت جزاله بلا حدود |
رد: "ربعي هل الطالات في كل هيّه" (( عبدالرحمن الشرافي ))
جزلة صح لسانك
الله يوفقك في الثانوية ويبلغك مرادك |
رد: "ربعي هل الطالات في كل هيّه" (( عبدالرحمن الشرافي ))
مشتـاق للـي بالمزايـا غنيّـه =وضحً غلاها ساكنن في فـوادي وضحً خلـق فوجيههـا قابليّـه =والوانها للون الوضيحي تشـادي هذه من المال الحمر جتّ شريّـه =وهذه كسبناها بيـوم الطـرادي صـــــــــــــــح لسانك ......والله يوفقك بدراستك أختك الزيـــــــــــــن |
رد: "ربعي هل الطالات في كل هيّه" (( عبدالرحمن الشرافي ))
صـــــــــــــــح لسانك ......والله يوفقك بدراستك ...
وفالك الدكتوراه ...بأذن الله وفقك الله اخي ابو سالم |
رد: "ربعي هل الطالات في كل هيّه" (( عبدالرحمن الشرافي ))
يامرحبا ياابو سالم لاهنت على هالقصيده الطيبه والله يوفقك بالثانويه
والبل قريبه عند ساقان يمديك تلحق عليها لاتضايق وتزعل اهم شي زعلك ياابو سالم مانبيه |
رد: "ربعي هل الطالات في كل هيّه" (( عبدالرحمن الشرافي ))
صح الله لسانك يابوسالم على القصيده الطيبه وكفو بلاد الحزيمي ، والله يوفقك ان شاء الله ، والسرعه مهيب زينه وانا اخوك والابل لاحق عليها ان شاء الله .
|
رد: "ربعي هل الطالات في كل هيّه" (( عبدالرحمن الشرافي ))
بسم الله الرحمن الرحيم
الله الله يابو سالم صح لسانك ولاهنت على الأبيات المعبرة وأسأل الله أن يحقق حلمك بالتخرج أولاً ثم بالتمشية عند الوضح ثانيا ويجمعنا بك ثالثااا لان اللي مثلك نشفق على شوفته وجلسة معه تشرفنااا تقبل المحبة والتقدير ،،، |
رد: "ربعي هل الطالات في كل هيّه" (( عبدالرحمن الشرافي ))
صح لسانك يادحيّم ونعم بربعك والله يستاهلون المدح
ولاصرت امتضايق من الثانويه أجل وش تقول لاوصلت الجامعه .. وعلى طاري الجامعه .. وآهنيك بقلبك ياطوير الربيع *** ماتولعت فألي بأول الجاااامعه !! |
رد: "ربعي هل الطالات في كل هيّه" (( عبدالرحمن الشرافي ))
اخوي عبدالرحمن والله انك طلعت الي في خاطرك والي في خاطري بعد
يالله انك لاتعيد الثانويه وزمانها زمان الشقاوي والله يقلعها الي حالت بينك وبينا ولا عاد شفناك والله يوفقك في مرادك صح السانك يالغالي شاعر قصاايدك طيبه الله لا يحرمنا منها ومن تواجدك تقبل تحياتي اخوك ولد ودعان |
الساعة الآن 09:43 AM
|
Powered by vBulletin® Copyright ©2000 - 2024, Jelsoft Enterprises Ltd.
---