::: مـنتدى قبيلـة الـدواسـر الـرسمي ::: - رد الرجباني على خلف بن هذال

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

- - رد الرجباني على خلف بن هذال (http://alduwaser.org/vb/showthread.php?t=36520)

رد الرجباني على خلف بن هذال

.................... رد الرجباني على خلف بن هذال ....................
السلام عليكم ورحمة الله وبركاته

يالربع ادري ان القصيده هذي جاتكم متأخره في موضوعها ، فالعذر والسموحه على التأخير ، وهي رد على الشاعر الكبير " خلف بن هذال العتيبي " اللي قال بأن وسم عصا الدخيل من سلوم العتبان وانهم خطلان الايدي ، والعتبان مافيهم قصور قبيله معروفه ولها شانها بين القبايل , لكن الكلام اللي قاله الشاعر خلف من سلوم الدواسر وهو معروف عند القبايل انه للدواسر بالذات عن غيرهم .
و شاعرنا هو : غنيم بن هادي بن عبيد بن مورد ال براز الرجبان الدوسري .
وهو يكون عمي شقيق والدي
على العموم ما اطول عليكم واترككم مع القصيده
فيقول شاعرنا :

ياخلــف هـذال يا ويـش انت قـايل=زلّــت الكلــمـه من العاقـل خطيـه
يشهد التاريخ و شيوخ الحمايل=بسلمنا اللي من عصور الجاهليه
واسـمـين الـعصـا من بــــد الـقبـايـل=لـلقصيرالـلي نزل بالـزايـديـه
جـــــدنا يوم الجهل جـالـه نفــــايل=مــــايرد الشـــــان لــجا لـه قـضـيــــه
مــقــيــدين الـجـمل يوم الهــــوايل=بـالــحــديـد الـلـي مـفـاصيمـه قــويه
ومحتمين الوطن من كـل عـــــــايل=لين ســمّيت بـــلادنا بالـــــــدوسريه
من يوم ابن بدران والخيل الاصايل=الـلي تـشهد بفعـلـه وسـيـم العامريه
ومن يوم حط الغرس للاجي نحـــايل=وان لجاله المحتاج يلـقـاله هــديه

وســــــــــــــــــــــلامتكم ...