مصافحه أولى .. ضحايا النت ...
السلام عليكم ورحمة الله وبركاته اسعد الله جميع اوقاتكم بكل خير هذه مصافحه اولى في هذا الصرح الشامخ وان شاء الله تنال جزءً بسيط من اعجابكم:
صرنا ضحايا النت والنت خداع=يكسر ذارع اللي قويً ذراعه لاني بشاري به ولاني ببياع=ولاني بتاجر به ولا لي بضاعه نتبع جديد النت من دون مذياع=وشلون لو يعلن بصوت الاذاعه قوقل وشات ومنتدى وضبظ الاوضاع=والبالتوك لا والله الا صياعه فيه البنات اهل الردا والتصياع=تكشف جسدها للذياب المجاعه حب وغرام ودقتينً بالاصباع=وتصبح ضحيه بين لحظه وساعه ماسنجر ورده وبوسة تمياع=ومن عقبها جلسه وتحلا المياعه وتنشر فضاحها وشاع الخبر شاع=وتشيب ولدانً في سن الرضاعه معاد اله داعي وضاع الشرف ضاع=وتصير مثل اللي ماعنده مناعه الغرب ما والله تصفط لنا الصاع=ماتصفط الا الشين وكثر الوجاعه وبعض المواقع طيبه و فيها انفاع=لا والله الا هذي فيها طماعه عقلك دليلك والعقل بحدى الانواع=اما غبي ولا ملكع لكاعه اهل العقول المستريحه بلا اوجاع=مثل الذي يجني حصاد الزراعه واهل العقول الضايعه مالها اجراع=والله لو زادو بكثر الجراعه صرنا ضحايا النت والنت خداع= يكسر ذراع اللي قويً ذراعه |
اقتباس:
ارررررررررحب يا ابو مبارك مصافحه رائعه من شاعر جزل و مبدع صح السانك مدد ما هوب عدد وافي يالقرم و افي لامست واقع الشباب و سبك و حبك أكثر من رائع دمت متألق و عنوان له لا ترحمنا من قصائدك و إبداعاتك تقبل تحياتي |
بيض الله وجهك يامسفر الهاجري
عزالله انك وصفت الانترنت الله يعطينا من خيره ويكفينا شره وصح لسانك |
صح لسانك يا ابو مبارك
وعزالله انك صدقت وصغتها بالقصيدة الجزله لاهنت |
صح الله لسانك يابومبارك على القصيدة الجزيله والشامخه .
لاهنت اخوي وبانتظار المزيد من ابداعاتك تقبل تحياتي،، |
صــــــــــــــــــــــــح لسانك.................! وبالتوفيق مع أعمال قادمـــــــــــــــــــه
|
صح لسانك يامسفر وبيض الله وجهك على ذي القصيده وتقبل تحياتي
وفي انتظار ابداعاتك القادمه |
مسفر الهاجري
صح لسانك مدد ماهوب عدد وجعلك في زوود والله يعطينا خيره ويكفينا شره لاهنت ولاخلا ولاعدم |
صح لسانك يا مسفر الهاجري على قصيدتك قمة الابداع والله يمنعنا من الشين وعساك على القوه |
|
اررررررحب يا صبي الهواجر ارحب
شعر في محله يابعدي وصياغة تنمي عن تمكن لك عاطر الود مغليك خالد |
صح لسانك اخوي مسفر وكفيت ووفيت بالوصف
وقصيده جزله وننتظر المزيد من الابداع بهذا المنتدى اخوك فهد |
صح الله لسانك يامسفر
وبيض الله وجهك على القصيدة الجزله ننتظرك وننتظر جديدك ،،،،، |
ملااااااااااااااااااييييييييين التحايا يالهاجري
قصيده تلامس الواقع وتحكي المعاناه ولكن كل ٍحسب استخدامه 0 |
صح لسانك اخوي
وننتظر المزيد من الابداع اخوك عبدالرحمن الذايدي |
الساعة الآن 11:34 PM
|
Powered by vBulletin® Copyright ©2000 - 2024, Jelsoft Enterprises Ltd.
---