بإسم ربٍ خالقِ الكون فـي سـتِ الليـال=باسـطٍ سبـع الآراضـي وسبـعٍ فوقهـا
العظيم اللي على الخلـق حُكمـه بالعـدال=معطي المظلوم مــالظالميـن إحقوقهـا
أستعينه كل ماجيت بمشـي فـي مجـال=وأبتديبـه كـل مـازان لـي طاروقـهـا
يانديبي وإرتحـل قبـل لايبـدى الـزوال=وأُخـذ ماتحتـاج فـي طرقتـك ويلوقهـا
فوق جيبٍ لامشـا يقطـع الديـرة بحـال=كنـه الشيهـان لافـك قضـب سبوقـهـا
يارسول الخيـر هـذا جوابـي والمقـال=والعلوم اللـي معـك واضـحٍ منطوقهـا
نصَه لقرمٍ عشقْ مـالصعيبـات الجـزال=نصَه إبن حسيـن جعلـه يزيـن أوفوقهـا
مـن سلايـل لابـةٍ تلبـس دروعٍ وشـال=للصديق أصحاب واللـي تعـدوت عوقهـا
ومايشيـل الحمـل لازاد ياكـون الجمـال=الجمال إليا مشـت ماأنشـدت وش فوقهـا
يامحمد صابرٍ مير أشـوف الوقـت طـال=دوك كبـدي مـن عناهـا تزيـد فتوقهـا
الزمـن غـدَار والوقـت مافيـه إعتـدال=ماعرفنا سـارق الوقـت مـن مسروقهـا
كم شجاعٍ يشرب الطين من عقب الـزلال=وكـم رديٍ زاده الوقـت وأكـل إعذوقهـا
مير أبصبر وأسمع الشور من عند الرجال=كون شـورك يالسنافـي يخيـط أفتوقهـا
والختم صلو على اللـي بعثـه الله عـدال=عدْ مالاحـت بـروس النصـوب بروقهـا

المشاركة الأصلية كتبت بواسطة محمد الشكرة الزمن غـدَار والوقـت مافيـه إعتـدال ماعرفنا سارق الوقـت مـن مسروقهـا كم شجاعٍ يشرب الطين من عقب الزلال وكم رديٍ زاده الوقـت وأكـل عثوقهـا أي بالله صدقت ياابوبطي صح لسانك ويشرفني أن أكون أول من صافح هذه الفاتنة وودنا نشوف رد اليامي إنكانه عندك ودعتك الله

الشاعر الكبير المبدع
دغش البطي

قصيدة جزلة من رجل جزل
لقد امتعتنا في هذا المنتدى من قصايد تخطها
يعجب بها كل متذوق للشعر

الله يعوق اللي يعوقك يابومحمد
ويسهل أمرك في كل شئ





أخوك في الله

العرابي