هاضني برق السحابه وأنا متعـدي= سيلت ماسيلت في هـذاك الـوادي
شفت مستور العصيمي تعدى الحدي= نيته ماترسـم الخـط للاجـوادي

قبل لاتضرب بسيفٍ رهيف الحدي=لاتقرب حدنا من بلـدك وغـادي
ياعتيبه عزوتي.. ذخر أبوي وجدي=أنصحوا صياف لن ماهداه الهادي

لا تعذرني بكثر الأخـذ والـردي=صب لي فنجال واحد من البرادي
الثبيتي غثرب الماد وبيح سـدي=وانت توعدني ولا جيت فالميعادي

جعل بيتٍ ما يـذري هلـه ينهـدي=ما فقدنـا فالليالـي حـلالٍ غـادي
وأنت لا تبكي وحنا عليـك نحـدي=وأن جحدت العلم ذعنا الخبر فالرادي

مفطرٍ بغيرك صبيحه وبك متغدي=وان تكلمنا كما الشوك فالأكبادي
وانت راسك كنه الشوك ما ينكدي=مايكده غير مشطٍ مع الحـدادي

لاتعاندني يابو كوت ما انت بقدي=وانت طيرٍ لو نبي صيدته ينصادي
وأنت راسٍ فيه الأمشاط ما تنعدي=نشتري فالسلم ونبيع فالاقصادي