|
عندما التقي الامير السديري ومرشد البذال
يقول مرشد البذال كان بيني وبين السديري مراسلات شعرية وكانت وسائل الاتصال آن ذاك قليلة فالمراسلة عن طريق البريد او الأشخاص وكنت اتمنى مقابلة السديري والجلوس معه وهذا تقريبا عام 1962م وفي يوم من الأيام سمعت خبرا بأن السديري مريض ثم قيل لي بانه في المستشفى وحالته خطرة ثم قيل بانه توفي ولم يصلني تأكيد لذلك فبعثت إليه بالقصيدة التالية لأتأكد من الخبر نورد الشاهدمن القصيدة ومن ثم رد الأمير محمد السديري ومن ثم نواصل الموقف يقول مرشد البذال:
اليوم في قلبي من الوجد لهّاف=اخطِّف أخبار الطراقي تخاطيف سمعت علم حط بالقلب رجاف=ومسيت من علم الخطر خارب الكيف ياسعود لعله خبر كل مذهاف=ما كان يتسب من رجالٍ عواريف النوم والمطعوم والضحك ينعاف=لين افهم المعنى بكل التواصيف ياليتني لسراء الأخبار كشاف=إلين اسنع وش خبر مكرم الضيف إما لقيته مثل حرٍ إبمشراف=ولا صفقت الكف بالكف تصريف لي صاحبن يحسد عواريض الأصراف=سمعت علم عنه مكروه ومخيف ياسعود شفي كان ردت للاشفاف=علم ينظف مخزن الشك تنظيف يقول مرشد البذال وبعد شهر وصلني الرد من السديري اليكم بعض ابيات الرد:
يقول من هو ناويٍ يتبع القاف=طارٍ عليه يصرف الشعر تصريف ما عن في قلبه هوى سمر الاغداف=نجل العيون مخضبات الاطاريف قلته ونامن بين وديان الاشراف=بالمرتفع بين الجبال المقانيف جسمي بها كنه على جال ميهاف=وهاجوس قلبي ناحرٍ يمة السيف تسابقٍ قلبي هواجيس ارداف=والليل طال وحنَّ قلبي على الكيف ياحسين شب النار واسرف بها اسراف=حتى يصير الجمر فيها مشانيف ومن حب خولان الخضر هاته اجزاف=واحمس ونسفها على الجمر تنسيف اثر العلوم إضعاف وعلومها إضعاف=وقواههم للشين دايم غواريف انا بفضل منزل آيات الأحقاف=لاجٍ بظله عن هيوب العواصيف يقول مرشد البذال فرحت فرحا شديدا بالرد وتكذيب الخبر وبعد سنوات وعندما سكن السديري مزارعه (الحقيات) نويت الذهاب اليه لما في نفسي من حب وشوق له فذهبت من الكويت ومعي صديق لي عازمي فوصلنا مزارعه رحمة الله عليه وإذا هو في بيت الشعر امامه الدلال والنار المقهوى فلما نزلنا من السيارة قام فلما سلم عليه العازمي قال يا أبا زيد هذا صديقك مرشد البذالي قال فأخذ كل واحد منا يقبل الثاني ويبكي وكلن يقول للآخر احمد الله على أن رأيتك قبل الموت يقول مرشد مكثنا عنده عشرة ايام وكل ليلة يمتلىء الديوان من الشعراء والرواة حتى منتصف الليل ليلة يقلط خمس او ست ذبائح وليلة حاشي وليلة طيور لا أعرف انواعها وبعد عشرة أيام وبإلحاح طلبنا السماح بالسفر وعندما تناولنا القهوة والريوق كما قال مرشد وهممنا بالتوجه للسيارة وإذا به يحضر بندقية جديدة ويعطيها للعازمي ويخرج لي صرة من النقود فأقسمت بالله العظيم لا آخذ ريالا واحدا وقلت له انني اعتبر من أكبر تجار الكويت وعلي الحرام أنني لم آت إلا لمحبتك فبعد ما اقنعته فإذا به يرمي بها على خوي العازمي ويقول هذي من نصيبك يافلان ثم ودعناه وذهبنا رحم الله السديري ومرشد البذالي وصدق السديري في قوله:
إن كان صار المال بيدين الأنذال=حنا من المعروف تندا يدينا ون صارت الشيمة بدينار وريال=حنا نزلنا سوقها وشترينا نعطي ولا نتبع عطانا بالاقوال=نعطي ونسكت كنّنا ما عطينا رحم الله الامير السديري((أبا زيــــد)) ورحم الله مرشد البذال مع تحيات // البـــــــرّاق |
الله يرحمهم ويسكنهم الجنه
البراق الف شكر لك على الموضوع الطيب ونقل قصة امير الشعر مع شاعر الكويت وقصايدهم اخوك ابو عبد الله الشكري |
رحم الله الامير السديري((أبا زيــــد)) ورحم الله مرشد البذال
وبارك الله فيك يالبراق على الموضوع المتميز والراقي |
البراق مساك الله بالخير الجزل مايجيب الا جزل علي الحرام انك كفو ياذيبان والله اني اشكرك من صادق احساسي يابعد قلبي اوردت قصه وقصيدتين لشاعرين غالين ويعتبرون من اعلام الشعر ومن فحول الشعر لاتحرمنا من المزيد عسى عمرك طويل ممتنين لك يالغالي تقبل اصدق المحبة والتقدير من اخوك ابو حاجوووونه |
الشكري مرحبا والله ومسهلا نورت متصفحي طال عمرك لاهنت على المرور والاطراء الطيب تحياتي لك ،،، |
حياك الله يابن غياث ولاهنت طال عمرك على المرور والتعقيب تحياتي لك ،،، |
اقتباس:
ارحححححححب ياشاعر المنتدى ((ابوحاجووونه)) ماعليك زود ومرورك شرف لي ياذيبااان والشعور متبادل طال عمرك لاهنت على مرورك وردك الطيب اللي مهب مستغرب عليك تقبل فائق احترامي ،،،، |
اخوي البراق وابن عمي بيض الله وجهك يالسنافي وصدق الجزل مايجيب الا الجزل
متألق دايمأ |
الــبــراق انت مــبــدع والــيـــــــــوم تتحفنا باحد ابـــداعـــــاتك بشاعرين كبيراً في شعرهم وفي قدرهم عزالله ان علومك غانمه يالقرم والله لا يخلينا من ابدعاتك. اخوك /فهد الغريري,,,,, |
لاهنت ياذيبان على هذه القصة الرائعه والله يرحمهم جميع
|
تركي الودعاني ووجهك أبيض طال عمرك والله لايهينك على المرور والتعقيب تحياتي لك ،،، |
فهد الغريري مرحبا والله ومسهلا دايم وردودك مثلجه للصدور وماعليك زود طال عمرك والله لايهينك على المرور والاطراء الطيب تحياتي لك ،،،، |
اقتباس:
ارحب يالعماني ولا أنت يالغالي شاكر لك مرورك وتعقيبك والله يرحمهم والله يسمع منك تحياتي لك ،،، |
الساعة الآن 02:44 AM
 |
Powered by vBulletin® Copyright ©2000 - 2024, Jelsoft Enterprises Ltd.
---