قصة نورة..........
السلام عليكم ورحمة الله وبركاته اقدم بين ايدكم هذي القصه والقصيده ارجو ان تنال اعجابكم. هي نوره بنت حوشان كانت تعيش مع زوجها عْبود بن علي بن سويلم وقد وقع بينهما خلاف ادى الى طلاقها طلاقاً لا رجعت فيه وبعد طلاقها تقدم الكثير طالبين الزواج منها حيث انها امرأه جميله ومن عائله معروفه ومحافظه وقد رفضت الزواج بعد زوجها عبود وذات يوم كانت تسير على طريقاً يمر بمزرعة مطلقهاوبصحبتها اولادهـــــــــا منه وعندما مرت مزرعته رأته فوقفت على ناصية المزرعه وانطلق الاولاد للسلام على ابيهم وبقيت تنتظرهم الى ان رجعو من ابيهـــــــم فأخذتهم واكملت مسيرها وقد تذكرت ايامها معه وتذكرت من تقدم الى خطبتها بعدطلاقها ورفضها له فقالت هــــــذه القصيده الّتي اصبح اخر بيت فيها مثلاً دارجا يقال حتى الان ياعيـن هلّي صافـي الدمـع هلّيـه واليا انتهى صافيه هاتـي سـريبـه ياعين شوفي زرع خلك وراعيه شوفـي معـاويـده وشـوفـي قليـبـه امـنـولٍ دايـــم ال رايـــه انمـالـيـه والـيـوم جيتـهـم علـيـنـا صعـيـبـه وان مرني بالدرب ماقدر احاكيه مصيبـة يـا كبرهـا مـن مصيبـه اللـي يبيـنـا عـيّـت النـفـس تبغـيـه واللي نبـي عيـا البخـت لا يجيبـه وسلامتكم |
حي ذا العين بابو راشد من مشاركاتك انا من اشوف اسمك يفز قلبي اي والله . قصه وقصيده فى منتهى الروعه بس انها تحزن بري حالي . عساك على القوه دائماً . تقبل تحياتي يالسنافي . يشرفني اني اول واحد يعلق على مشاركتك . |
مشكور أخوي فهد الغريري
على القصه والقصيده وعلومك دائماً جزله وهذه الأبيات ذكرتني بأبيات لزوجة ابن هذال عندما طلقها وأراد مراجعتها فقالت
الشوق يوم أنه بغاني بغيته = ماطمحوني عنه كثر العشاشيق ويوم أنه رماني رميته = رميت وضيحي{ن} رموه التفافيق |
بيض الله وجهك ياذيبااان على القصه والقصيدة الطيبه وجعل يدك مايجيها العطب يافهد ولاتبطي بجديدك ،، |
بيض الله وجهك يا ابو راشد
وتسلم يمينك على القصة والقصيدة الطيبة هذى نهاية التعجل في اتخاذ القرارات طلاق وندم تحياتي لك |
قصه وقصيده زينه ورائعه
وبيض اللله وجهك يالغريري وعساك دوووم على القوه اخوك عبدالله الشكري |
لا هنت والله أخوي على نشر هالقصه والقصيده المشهوره لشاعر أشهر...
النادره |
ابوحمد لاخلا ولا عدم يابن العم ومثل مقالو " القلوب شواهد" وعساء عمرك طويل علا التصفح اخوك/ فهد الغريري,, |
اخوي الواضح تسلم علا التصفح وعلا الطراء يالنشمي ولاهنت علا الاضافه القيمه اخوك / فهد الغريري,,, |
ابــــــو فـــهـــــــــيــــــــــد قـــد تشرف موضوعي بتصفحك الكريم وجعل شيبان جابوك في الجنه اخوك / فهد الغريري,,, |
لا هنت يابو راشد على ذا القصة والقصيدة
دائماً مميز لك خالص تحياتي |
الأخ العزيز الغالي فهد الغريري لا هنت وبيض الله وجهك على نشر هالقصه والقصيده المشهوره للشاعرة المشهوره... سلمت يمينك يالقرم تحياتي القلبية لمقامك العالي أخوك : دغش البطي |
وعليكم السلام ورحمة الله وبركاته الأخ الفاضل ، فهد الغريري يعطيك العافية على مااخترت لنا قصة وأبيات رائعه عاطر التحايا هند |
ابومشنان جعل وجهك ميشين يالقرم والله يكفينا شر الطلاق وكل مسلم اخوك /فهد الغريري,, |
اخوي عبدالله الشكري جعل عمرك طويل على التصفح وعساك على القوه. اخوك/ فهد الغريري,, |
الساعة الآن 06:50 PM
|
Powered by vBulletin® Copyright ©2000 - 2024, Jelsoft Enterprises Ltd.
---