::: مـنتدى قبيلـة الـدواسـر الـرسمي :::

صفحة 1 من 2

عرض 40 مشاركات من هذا الموضوع لكل صفحة

::: مـنتدى قبيلـة الـدواسـر الـرسمي ::: (http://alduwaser.org/vb/index.php)

- :: قسم قصائد الشعراء الموهوبين :: (http://alduwaser.org/vb/forumdisplay.php?f=40)

- - ممكن تشجعوني ؟؟؟ (http://alduwaser.org/vb/showthread.php?t=11205)

(*)الريم(*)

23-11-2006 08:04 PM

ممكن تشجعوني ؟؟؟


	السلام عليكم والرحمه هذي أول مشاركاتي بالشعر في المنتدى .. مشاركة خجوله جدا جدا و بسيطه اتمنى ان تعجبكم و تجوز لكم ، الله الله شجعوني ولو به اقصور بالوزن أو القافيه منكم السمووووووووحه >> بس شوي شوي عليها تراها حييل حساسه مسكين ياللي صابه الحب واحتار كيف يتكلم عنه الكل لااااااااااهين كيف يتخلص من عمايل هالاقدار كيف وقلبه طايح (ن) بين ناااااارين جاله حبيبه طالب(ن) منه يختار جرح الكرااامه أو فراقه من الحين فاضت مشاعر كلها أشعار بأشعار وين الوفا والحب وذيك التفااااانين سريت في دنيا الترحل والأسفار و رضيت بالفرقااااااا من غير تبيين عايشت همي و خافقي صالي بنار اثر الزمن جااااني هالمره بوجهين هذي نصيحه للذي حب غدار اترك غرااااااامه وادفنه بين قبرين وسلامتكم ..جاهزه بس تكفون شوي شوي علي يالربع:( و دام عز الدواسر الريـــــــــــــــــــــــــــــــم

عبدالله الدوسري

23-11-2006 08:21 PM

مشاركة: ممكن تشجعوني ؟؟؟

محاولة جميلة

يالريم

و عشان كذا تبقى في قسم الموهوبين و الموهوبات:)

في انتظار مشاركات أخرى،،،

(*)الريم(*)

23-11-2006 08:28 PM

مشاركة: ممكن تشجعوني ؟؟؟

هلا بالشيخ عبدالله

شكرا لك ، انا ما انتبهت انه به قسم موهوبين الا بعد ما نزلتها

آآآآآآآآآآآآآآآآآآآآآآآآآآآآآآآآآآسفه ، واكيد هذا هو مكانه الصحيح لأنه البدايه

دام عز الدواسر
الريـــــــــــــــــم

عاشق سراب

24-11-2006 01:55 AM

مشاركة: ممكن تشجعوني ؟؟؟


	http://www.al-rass.net/vb/images/short/bsmlah.gif (¯`·._(* أختي الغاليه *)_.·°¯) الريم هناك ألمس أبداع قادم لامحاله بين ثنايا قصيدتك أبداع يتضح في تصوير بعض المعاني بطريقه لايجيدها الا الكبار لابد من الأصرار للوصول الى الأفضل والطريق امامك طويل لكنه يصبح قصير بالصبر والاصرار قصيده جميله ماعدا في بعض الابيات حيث يوجد خلل بسيط انا متاكد أنك تستطيعين تلافيه لاحقا في قصائدك القادمه مسكين ياللي صابه الحب واحتار =كيف يتكلم عنه الكل لااااااااااهين كيف يتخلص من عمايل هالاقدار =كيف وقلبه طايح (ن) بين ناااااارين جاله حبيبه طالب(ن) منه يختار =جرح الكرااامه أو فراقه من الحين فاضت مشاعر كلها أشعار بأشعار=وين الوفا والحب وذيك التفااااانين سريت في دنيا الترحل والأسفار =و رضيت بالفرقااااااا على غير تبيين عايشت همي و خافقي صالي بنار=اثر الزمن جااااني هالمره بوجهين هذي نصيحه للذي حب غدار=اترك غرااااااامه وادفنه بين قبرين لــك كل الــــــــود والتقـــــدير والأحتــــــرام . ،http://img.123greetings.com/events/e...04-14-1062.gif http://www.m5zn.com/uploads/bb569a74eb.gif ،، تحيــــاتي عاشق سراب[/color]

(*)الريم(*)

24-11-2006 02:55 AM

مشاركة: ممكن تشجعوني ؟؟؟

السلام عليكم و الرحمه

هلا بالشيخ عاشق سراب أشكرك اشكرك اشكرك على ردك الطيب اللي حييييييييل رفع

معنوياتي لأني كنت خايفه و متردده لأن هذي أول مره أنشر قصيده .. شعري دايم بيني

وبين نفسي .. كان تشجيعك لي جميل و الأجمل هو لمساتك على القصيدة تسلم يمناك

بارك الله فيك و أتمنى إني اتعلم أكثر منك و شرواك لأني أحب الشعر وودي به ..

ودام عز الدواسر
الريــــــــــــــــــم

@الجابر@

24-11-2006 03:28 AM

مشاركة: ممكن تشجعوني ؟؟؟

ماشالله عليك يالريم والله وصرتي شاعرة
من قدك افرحي هههههههههههههه

بصراحة بداية جيدة وواصلي عطاءك

بنت القبيلة

25-11-2006 11:08 AM

مشاركة: ممكن تشجعوني ؟؟؟

هلا وغلا ببنت العم

قصيدة رائعة من شاعرة أروع

بداية جميلة وموفقة

أتوقع لك مستقبل شعري باهر

استمري في الكتابة واتحفينا بجديدك

وسجلي اسمي قي قائمة معجباتك من الان

ولزوم تكتبين قصيدة في الدواسر

تقبلي تحياتي ،،،،،،،،،،،،،،،،،

اختك ( بنت القبيلة)

(*)الريم(*)

25-11-2006 08:34 PM

مشاركة: ممكن تشجعوني ؟؟؟

هلا بالشيخ الجابر

شوووووووووووووووووووكرن على مرورك الغالي

ورايك على الراس والعين ..

دام عز الدواسر
الريم

(*)الريم(*)

25-11-2006 08:54 PM

مشاركة: ممكن تشجعوني ؟؟؟

اقتباس:

المشاركة الأصلية كتبت بواسطة بنت القبيلة

هلا وغلا ببنت العم
قصيدة رائعة من شاعرة أروع
بداية جميلة وموفقة
أتوقع لك مستقبل شعري باهر
استمري في الكتابة واتحفينا بجديدك
وسجلي اسمي قي قائمة معجباتك من الان
ولزوم تكتبين قصيدة في الدواسر
تقبلي تحياتي ،،،،،،،،،،،،،،،،،
اختك ( بنت القبيلة)

يالبى قلبتس يالشيخة يابنت القبيلة
مير والله الروعه بعباراتتس الطيبة طيب اصلتس يابنت الاكرام
رايتس شهادة ووسام اعتز به يابنت العم .. يااااااالله شقد احرجني زين كلامتس ..
اشهد بالله إنتس زين(ن) على زين و أزين من الزين بعد ..
و القصيدة بالقبيلة قدام بعون الله تسمعونه( بس لازم اكون قده ذولا الدواسر قروم القبايل وماهيب اي قصيده تلوق بمقامهم !!)
شاكره لتس و لمرورتس اللي عطر قصيدتي بعطر هرجتس الكادي
لا خلا ولا عدم منتس و لا من دعمتس لمشاركاتي

دمتي ودام عز الدواسر
الريــــــــــــــــــــــــم

عبدالله بن عريمة

28-11-2006 01:23 AM

رد: ممكن تشجعوني ؟؟؟

تبين الصدق ولا بن عمه **** مع الشعار انت اصبحت قمه

ولكن منت شاعر حيل مبدع *** الى من جات للذمه الذمـــــه

وزنت الشعر صح وبالقوافي *** ضبطت القاف وماجبت المطمه

(*)الريم(*)

28-11-2006 10:46 PM

مشاركة: رد: ممكن تشجعوني ؟؟؟

اقتباس:

المشاركة الأصلية كتبت بواسطة عبدالله بن عريمة

تبين الصدق ولا بن عمه **** مع الشعار انت اصبحت قمه
ولكن منت شاعر حيل مبدع *** الى من جات للذمه الذمـــــه
وزنت الشعر صح وبالقوافي *** ضبطت القاف وماجبت المطمه

أناااااا قمـــة تشهد لي القوااافي ***و لا أرضى الغير يطريني بمذمّه
يقول الهرج والمقصود خــــاااافي*** بعيد عنه الصــــدق و ولد عـمّه
يحوس السم في معسول صافي*** على باله سهل يسقيني سمّه
أنااااا رديت وهــــذا الرد كـااااافي ***و ترى هرجك أنااا ماجبت همّه

دام عـــــــــــــــــــــــز الدواسر
اختكم الصغيرة الريــــــــــــــــم

المجمول

29-11-2006 01:57 AM

رد: ممكن تشجعوني ؟؟؟

بالتوفيق يالريم وعلى فكره ما احد طلع على وجهه ذا الدنيا وهو عالم وبدايه طيبه والله يوفقك للي فيه الصلااح

تقبلي مروري وتقديري

اخـــــــــــــــــــــــــــــــوك

المــــــــــــــــــــجمــــــــــــــــــــول

(*)الريم(*)

29-11-2006 09:46 PM

مشاركة: رد: ممكن تشجعوني ؟؟؟

اقتباس:

المشاركة الأصلية كتبت بواسطة المجمول

بالتوفيق يالريم وعلى فكره ما احد طلع على وجهه ذا الدنيا وهو عالم وبدايه طيبه والله يوفقك للي فيه الصلااح
تقبلي مروري وتقديري
اخـــــــــــــــــــــــــــــــوك
المــــــــــــــــــــجمــــــــــــــــــــول

هلا بالشيخ المجمول
لبا قلبك ياخوي على تشجيعك لي والله يوفق الجميع وصدقني بدايتي إن كانت طيبه
فهي بعد الله بفضل تشجيع من مثلك و شرواك ..شكرا لك و لمرورك الغالي ..

داعي الذكرى

04-02-2007 08:17 PM

رد: مشاركة: رد: ممكن تشجعوني ؟؟؟

اقتباس:

المشاركة الأصلية كتبت بواسطة (*)الريم(*) (المشاركة 125892)


	أناااااا قمـــة تشهد لي القوااافي *و لا أرضى الغير يطريني بمذمّه يقول الهرج والمقصود خــــاااافي* بعيد عنه الصــــدق و ولد عـمّه يحوس السم في معسول صافي* على باله سهل يسقيني سمّه أنااااا رديت وهــــذا الرد كـااااافي *و ترى هرجك أنااا ماجبت همّه دام عـــــــــــــــــــــــز الدواسر اختكم الصغيرة الريــــــــــــــــم

هههههههههههههههههههههههههه

كفووووووووووووووووو يا رررررررررررررررررررررررريم

والله الشررررررررررررررانيه محد يقرب يمك

وتقولين ما نيب شاعره وش بعد هذي

الله يوفقك ويطول بعمرك

قاصد	06-02-2007 05:53 AM

رد: ممكن تشجعوني ؟؟؟

الريم

صح لسانك
والله على غيرها عانك
وزانك

ملكه عذبه واحساس جياش
اختي
اتجهي الى الصقل الموهبه التي لديك
فهي ثريه

بالتوفيق والسداد

تحياتي

الساعة الآن 03:33 AM

صفحة 1 من 2

عرض 40 مشاركات من هذا الموضوع لكل صفحة