يا الله يا اللـي بأمـرك تسيـل السيــل = الواحــــد المعبـــود جـــــلا جـلالـه
أنـك تفــرج مــا بقلبـــي مـن الميــــل = وعليك بأهل الشرك وأهل الضلالـه
ياراكــب اللي لا مشى يسبق الخيـل = فكســارٍ أبيـض مــا نـدور بـدالــــه
طالبــك يــا المنعــور ود المــراسيــل = لقــرم الرجــال اللـي طويلـه حبـالــه
منصـاك أبــو مطلق اللي يذبح الحيـل = قـــلــه أبــو نـايـف بعثـلـك رســالــه
سـلـم عليـه وقـبـل الـــراس تقـبيــــل = قـلــه طـرالـــه يـافهـــد مـا طـرالـــه
كتب قصيده فيك يا أبن الـرجـاجيــــل = اللـي علـى الطــولات ثابـت لحــالـه
مسفـر يحب يفصـل القــاف تفصيــل = هـــذا كلامــه يـا فهـــد ذا مقـــالــــه
فهـد الشهــامه يـا فهـد عـادل الميــل = راعـي الكرم والجود راعي الشكالـه
لمــن لفـاه الضيـف جـاب المعـاميـل = وفـي مجلســه قامــت تناطــح دلالــه
أنـا اشهـد انـه للحمـل شــال ويشيــل = ولــو الحمــل مثـل الســراوات شـاله
يفـداه مـن هــو ينقـل القـال والقـيــل = القـلـــب فـــدوه لـــه قلبـي حـــلالـــه
حلحيـل ابن حلحيـل والجــد حلحيــل = ســـلايـــلٍ متسـلسـلــه حــي فـالــــه
متوارثيـن الطيب جيــلٍ بعـد جيــــل = وطيب الفتـى من طيب جـده وخــالــه
قصيد تي عطرتهـا با البـن والهيــل = يـا الله عسـاهـا ذات معنـى و جــزالـه
عسـى كلامـي جمـل الوجـه تجميـل = ووفـيــت حقـــك يـا عـريب السـلالــه
و يا الله يا منزل تبارك مع الفيـل = أنصــر هــل الإسـلام وأهــل العــداله
وصـلاة ربــي عـد مـا يظلـم الليــل = علــى نبــيٍ جـــاء لطمــس الـــرذالــه
وعـداد ما لاحـت بـروق المخـاييـل = شــرق البـلاد وغـربـه و فـي شمـالـه

قم يا نديبي فوق من يسبق الريل = مايباخ يطلب ماشري من وكاله
نصه هل الهدار دار الحلاحيل = دارٍ حموها بقو عزم وبساله
حامينها بشلف الرماح المصاقيل = طرقٍ على العدوان ماهي جماله
ديرة بني عمي بساتين ونخيل = ومرعى هل الذيدان كل وحلاله
يازينها لا جيتها طلعة سهيل = جمالها الاول يزين بجماله
سلم عليهم عد ما يجري النيل = واعداد ما تم القمر باكتماله
وانحر أميرٍ صار للطيب قنديل = ما هوب حق انك تعدي مجاله
كريم سبلا بالليال الغرابيل = لا شك ذاك اللي قليلٍ مثاله
متربعٍ عرش الكرم دون توكيل = ياقوم عرش الملك وأهل الجلاله
هذاك مطرف ما بصيته تضاليل = عز الله إنه جمله حر ماله
طلق الحجاج اللي يزيده بتهليل = لا شاف طرقياً تعزوا وجاله
وانشده عن داره بذيك المداهيل = عسى مزون الوسم ما اخطت جباله
وعسى الخريف يعلها في المقابيل = سكاب ركابٍ بقو انهماله
وعلمه انا جيته برد الاقاويل = للصاحب اللي يشتكي ما جراله
الشاعر اللي جاب حلو التماثيل = دلايلٍ للي يبي له ادلاله
خطه وصلني يضرب الكيل بالكيل = وصح الله السانه بندرة أقواله
مرسل بيوتٍ مثل روس الافاتيل = مسفر سفير الطيب في كل حاله
ارحب يابو نايف عدد كل ترتيل = واللي تبيه يجيك لو من صلاله
ارحب تراحيب المطر والهماليل = لا جا بخدٍ تشتكي من محاله
يا عزوتي يابن الرجال المشاكيل = رمز الشجاعه والكرم والجماله
قبيلةٍ تذكر بوقت الاهاويل = ربعي هل الطولات وأهل الأصاله
تاريخهم يعرف ولا فيه تضليل = كم شيخ قومٍ ردته عقب عاله
لاد الحبيبي لا عتزينا بتسبيل = في عصرنا ولا بعصر الجهاله
نضرب كما تضرب طيور الابابيل = نفتل عقال اللي عقيدس اعقاله
والدين يا مسفر مدون بتسجيل = من يتبعه يلقى الفرج والسهاله
اللي نزل به سيد الملك جبريل = وحياً فصل بين الحرام وحلاله
لا لا يهمك صوت بعض المهابيل = اللي كفر بالدين ربي يناله
القادر القاهر عليه التساهيل = الظاهر الباطن علينا إتكاله
اللي بعث رسله بتوراة وإنجيل = ومحمد المختار تم الرساله

وانحر أميرٍ صـار للطيـب قنديـل=ما هوب حق انـك تعـدي مجالـه
كريـم سبـلا بالليـال الغرابـيـل=لا شـك ذاك اللـي قليـلٍ مثالـه
متربعٍ عرش الكـرم دون توكيـل=ياقوم عرش الملك وأهل الجلالـه

منصاك أبو مطلق اللي يذبح الحيل=قله أبـو نايـف بعثلـك رسالـه

وانحر أميرٍ صار للطيب قنديل = ما هوب حق انك تعدي مجالـه
كريم سبـلا بالليـال الغرابيـل = لا شك ذاك اللي قليـلٍ مثالـه
متربعٍ عرش الكرم دون توكيل = ياقوم عرش الملك وأهل الجلاله

المشاركة الأصلية كتبت بواسطة فهد الغريري وعليكم السلام ورحمة الله وبركاته اررررررررررحب يابونايف ترحيبة البدو لسيل والله اني صادق الشاعر الشهم ابو نايف والله انه خوتك تنشرا بغالي الاثمان مايلام الشاعر فهد بن مطلق المصارير في مدحك يابو نايف ونعنبو من لامه . وانحر أميرٍ صـار للطيـب قنديـل=ما هوب حق انـك تعـدي مجالـه كريـم سبـلا بالليـال الغرابـيـل=لا شـك ذاك اللـي قليـلٍ مثالـه متربعٍ عرش الكـرم دون توكيـل=ياقوم عرش الملك وأهل الجلالـه عز الله إنه شاعر وافي وجزل وما قال إلا الصحيح فيك يابو نايف ابو نايف صح الله السانك وعتلا شانك وزادك الله رفعةٍ في مقامك وانار الله احساسك وفكرك لما يحب ويرضا وافي يابونايف جعل عمرك طويل على طاعته في علومك كلها ابونايف عز الله انك اثنيت على الشاعر فهد بن مطلق المصارير جعله المعزه ويستاهل ماقيل فيه منصاك أبو مطلق اللي يذبح الحيل=قله أبـو نايـف بعثلـك رسالـه الحقيقه والشهادة فيك مجروحه يابو نايف لقد تعودنا على قرآءة ماهو جميل ومفيد من جزل القصيد. وتقبل تقديري واحترامي واعتزازي في شخصك النبيل اخــــوك / فهد الغريري,,,