|
قصيدة الجيب العشرة
بسم الله الرحمن الرحيم
هذه قصيدة سمعتها وبحثت وراها ووجدتها وستأذنت من قايلها وسمح بنشرها الجيب وديبه ولانيب محتال = تقصر فلوسي ماتجبيب البريمي العشرة اللي صممه ضايع الخال = حسبي على من صممك يالعديمي يأخذ على المصنع من الفن تجوال = خبير في الصنعة استاذ العليمي لاتله السواق ثم ضاع الارسال = لكن عليه مراقبة وتعميمي يبغي الديارن شوفها يشرح البال = لذة صباها طب عقب العتيمي مترهي القرطوس يقدر ويحتال = ويسوقه اللي في الدلالة فهيمي ولامن توحل ثم نطح وجه هيال = فالدرب درب الجيب والثر قديمي أقدره مقدار عود له عيال = ربعه مطاليق وعودن حشيمي المال لايطغيك ياراعي المال = وأذكر ترى لله فضلن عظيمي أقولها تعبير والشعر ينقال = وعزيل من مثلي عجز في البريمي يجيبه اللي بدل الحال من حال = سبحان رب العرش مشفي السقيمي الشاعر / صالح مبارك المساعرة |
رد: قصيدة الجيب العشرة
صح لسان الشاعر صالح
اشهد انه صادق الله يرزقه ويرزقنا وبيض الله وجهك على النقل |
رد: قصيدة الجيب العشرة
المال لايطغيك ياراعي المال = وأذكر ترى لله فضلن عظيمي
و يجيبه اللي بدل الحال من حال = سبحان رب العرش مشفي السقيمي هذي البيتين وحده تسوا قصيدتين صح لسان شاعرها وبيض الله وجهه ولاهنت يشوق البنت على النقل الجميل |
رد: قصيدة الجيب العشرة
صح السانه على القصيده
ولاهنت على نقلها |
رد: قصيدة الجيب العشرة
.
. • صح لسانُكٌ .. وصح لسان الشاعرٌ ابومباركٌ ولاهنتٌ على النقلُ |
رد: قصيدة الجيب العشرة
صح لسان الشاعر وبيض الله وجهك على النقل والله يجيب الشاص لنا ولاراعي القصيده
تقبل اطيب تحياتي |
الساعة الآن 04:20 PM
 |
Powered by vBulletin® Copyright ©2000 - 2024, Jelsoft Enterprises Ltd.
---