::: مـنتدى قبيلـة الـدواسـر الـرسمي ::: - مسلم سعودي ورب الكون بداني

مسلم سعودي ورب الكون بداني
على كثير البشر باشياء حصريه

لاشك بعض الحراره وسط شرياني
يحرق عليّه شعوري بالاريحيّه

من منطلق لاذكرت امجاد جداني
ومن منطلق ماسمعت بكل جديّه

ومن منطلق ماكحلت عيون عدواني
في ساعة ٍ يذكر الرجال ماضيّه

راس الزعامه لنا ولصلب ودعاني
وبيت الخلاوي يثبّت كلمتي ذيّه

لن الثنا مايجي للقرم مجاني
ينصى جناب الحشيم ابدون جاهيّه