::: مـنتدى قبيلـة الـدواسـر الـرسمي ::: - مهبووول يا قلبٍ تشقوى بـ الأجناب

- :: قسم الـشعر العــام :: (http://alduwaser.org/vb/forumdisplay.php?f=16)

- - مهبووول يا قلبٍ تشقوى بـ الأجناب (http://alduwaser.org/vb/showthread.php?t=11689)

مهبووول يا قلبٍ تشقوى بـ الأجناب

بسم الله الرحمن الرحيم

السلام عليكم ورحمة الله وبركاته

ـــــــــــــــــــــــــــــ

مهبول يا قلبٍ تشقوى بـالأجناب = أتلى عواقبه الفلـس والخسـاره

8

8

هذا البيت اشهر من نار على علم

وتردد كثيرا على اللسنة الناس في كثير من المناسبات المختلفه

وخصوصاً عندما يعشق القلب من غير ابناء او بنات الأقارب
وذلك لتقاليد العرب وعوايدهم

ولهذا البيت قصه حقيقيه حدثت منذ زمن ولازال الناس يحفظونه

حتى اصبح مثلاً يقال ..

هذا البيت من عرض قصيده لـ الشاعر جلوي بن عبدالله آل مهنـّا

وهو شاعر من شعراء الدواسر الذين نزحوا الى الاحساء مؤخراً

وهو من أمراء ( العيون ) احدى مدن الاحساء

من فخذ الشكره من قبيلة الدواسر

وقد كانت حبيبته من قبيلةٍ آخرى اي انها ليست من جماعته

فلما حالت الاقدار بينه وبينها قال هذه القصيده التي لها اكثر من 60 سنه

صلو عـ النبي

يقول :

..

يا مجري الفرقا ومبدي بالأسبـاب = علي حشرت الشر وأشعلـت نـاره
طرى الفراق وحل بالقلـب جـذاب = وأعلقت بي يا نايب الردف شـاره
((مهبول يا قلب ٍ تشقوى بالأجناب = أتلى عواقبه الفلس و الخسـاره ))
عن حبهم ياما عذلته ولا تـاب !! = عيّا يطيع وساعيٍ فـي دمـاره !!
عند الرحيل من الحزن جاه ماغاب = إليـا تذكـر كـل حـي ٍ ديــاره
جمر الموده بالحشا لاهبـه شـاب = يشعل سنا ضوه تتطايـر شـراره
حره يجوش بمهجة الجاش لهـاب = والكبـد فايـر مرهـا بالـحـرار
الرأس شاب و باد عمري وأنا شاب = وأقبل دمار القلب وأقفـى عمـاره
ياغصن موز ٍ راوي بين الأشـراب = شبت عصونه زين زمت خصـاره
كونتني يالعـذب كـون ٍ ولا طـاب = يزيد فـي ليلـه و بـادي نهـاره
أعيا صوابه من شطرين الأطبـاب = والقلب ما تسطى عليه الجبـاره !!
يازين ماتأخـذ ثـواب الـذي ذاب = عليـك مهبـول وجانـي عـيـاره
مالي جدا كـود البكـا و التنحـاب = واللاعي الورقا في عالـي الزبـاره

....

والغريب في الامر ان ماقاله الشاعر في ابياته قد تحقق !!

في قوله :

الرأس شاب و باد عمري وأنا شاب = وأقبل دمار القلب وأقفـى عمـاره

فقد توفي شاعرنا وهو لا يزال شاباً فلم يتجاوز الـ 36 سنه

وشاعرنا جلوي بن مهنـّا

هو جـدّ الشاعر الشاب ماجد بن عبدالله بن جلوي آل مهنـّا

الذي يقول في احدى قصائده ..

..

خير السلف (( جدي )) وأنا جيت وخذيت اخير خلف = الطرق طرقـي والشعـر جيـت واتخيـرت اعذبـه

..

... والشاعر ماجد عضو في هذا المنتدى
اذا كان عنده اي ملاحظات او تعقيب على هذا الموضوع
اتمنى انه ما يبخل علينا .

والله يرحم الشاعر العلم جلوي بن مهنـّا ويرحم جميع المسلمين

.......................

اسمحو لي عـ الاطاله والقصووور

أخـــوكم //
بلنتي الشكره

رد: مهبووول يا قلبٍ تشقوى بـ الأجناب

ابــن العــم \ بلنتي

الله يعــطيك العافيه. على هالقصيده الغزليه الــرائعه . للشاعر \ جــلوي ال مهنا

الله يــرحمه . وصـــح لسانك ولاهنت على ماقــدمت .

تقـــبل ســـلامــي.