يا سلام الله عليكـم عـد همّّـال المخايـل=و عد ما غنى حمام الورق في راس البنيّه
ردت(ن)من خاطري مثل العسل والشك زايل=للكبير و للصغيـر و الاجنبـي و الآهليّـه
ليلي ياليل السعد شاهدت فيه أهل الجمايـل=كاسبين العرف والمعروف بعزوم(ن) قويّـه
لي ثمان اسنين واربع تاركـن رد المثايـل=لين جا وقت اللزوم وهاضت اهمومي عليّه
لاذكرت الطيبين اشرفت في روس الطوايل=وزال هم القلب لو انه كبـر قـارة طميّـه
لا بتي كسابت الناموس بعصـور الأوايـل=حاضرين القول والغيّاب في نجـد الفضيّـه
متعبين الجيش الأحمر و الموازر والأصايل=لا غدا عج الرمك كنـه معاصيـر ابرديّـه
محتمين ديارهم و الغرس و أمّات الشمايـل=من شعيب الطور الأخضر لشمال التوضحيّه
فعلهم و احدودهم لا جا مصادمـت القبايـل=قبل يضفي حكم أبو تركي على سبع اللفيّـه
القبايل غيرهـم تفعـل حسينـات الفعايـل=مير أنا بمدح بني عمـي ولا فيهـا زريّـه

المشاركة الأصلية كتبت بواسطة عبدالرحمن الشرافي (المشاركة 342524) صح لسان الشاعر نمر وبيض الله وجهه على مدح بني عمه ولاهنت يا شافي على النقل تحياتي

المشاركة الأصلية كتبت بواسطة راشد المسعري (المشاركة 342532) شافي المخاريم ارحب ياشافي ، حيه وحي ماجاب صح لسانك ولسان المرحوم محمد بن حمد بن نمر المخاريم على هذه القصيدة الجزلة من شاعر جزل وكفو لاهنت على هذا الإختيار الرائع وتقبل ودي وتقديري ،،،

المشاركة الأصلية كتبت بواسطة ابو فهد الغييثي (المشاركة 342550) الله يرحم عمك الشاعر المرحوم محمد حمد نمر المخاريم الدوسري ويسكنه فسيح جناته ولاهنت على ايراد هذه القصيده الرااائعه