(( لها ديرتن شرقي لوارك لها مدهال )) للشاعر /دخيل الودعاني 000
السلام عليكم ورحمة الله وبركاته 00000
هذه قصيدة غزليه للشاعر / دخيل بن سعد الودعاني 000
الي جيتنا بشيل حب الغضي منشال = عليها عصا قلبي وتدوي محاحيله ياعنز ريم(ن) قادة الصيد مالمقيال = الي روحت خلى المقيل مقايله وليفي غزال وفيه من أم الغزال أجفال = وسبحان خلاق البشر زين تعديله لها ديرتن شرقي ((لوارك)) لها مدهال = دقيق المعنق في ((الحوايا)) مداهيله بعيداً عن القناص في جيها محتال = عليها ضفى عرقن خباثن محاويله عسا دارها من رايحات المزون خيال = ثلاثين يومن ماتوقف هماليله الي جيتنا بكلمه مرسل الجوال = ولا جاتني من صوب خلي مراسيله يلج صدري لج ذودن تلج نهال = على جال عدن قالو الناس من هي له على صاحبن للقلب ياهل الهواء غربال = ترا مكسبي ياناس منه غرابيله ياعود موزن من نسيم الهواء ميال =ولو كان ميالن قليلن محاصيله وسلامتكـــــــــــــــــــــــــــــــــــــــــــ م |
لاهنت يالقرم على القصيدة الطيبه ................................................ تحياتـــــــــــــــــي |
الي جيتنا بكلمه مرسل الجوال=ولا جاتني من صوب خلي مراسيله يلج صدري لج ذودن تلج نهال=على جال عدن قالو الناس من هي له
|
رد: (( لها ديرتن شرقي لوارك لها مدهال )) للشاعر /دخيل الودعاني 000
صح الله لسان الشاعر الكبير دخيل بن سعد وببيض الله وجهك ياحمد على ايراد القصيده
تقبل تحياتي،، |
رد: (( لها ديرتن شرقي لوارك لها مدهال )) للشاعر /دخيل الودعاني 000
سلمت يمينك أخي حمد على إيراد القصيدة
وصح لسان الشاعر دخيل الودعاني |
الساعة الآن 04:32 AM
|
Powered by vBulletin® Copyright ©2000 - 2024, Jelsoft Enterprises Ltd.
---