ياصاحبي نايف تقهوى من الكيف = من دلةٍ يطرب لها كل كايف
فل الحجّاج ولا تشل التحاسيف = لا تشيل هم اللي حساب الكلايف
اصحاب ضحك ويعشقون السواليف = من كذبهم تشكي كثير الشفايف
اغث حاجه في الحياه الملاقيف = اوساع الحلوق مفرقيـين الولايف
امصففيين الكذب تصفيف تصفيف = كن كذبهم مثل الفرح والطرايف
الرفقه اللي تنبى فوق تزييف = لا فرقوها ماعليها حسايف
بعطيك كلمة حق ماهيب تأليف = ترعرعت بين الضلوع النحايف
اشوف لي في هالزمن شي ماشيف = لو غمضت عيني به القلب شايف
كلٍ يبي في قمة المجد تصنييف = والمجد ماجابه من الناس خايف
جالك كلام القلب من دون تحريــف = وياصاحبي نايف عسى العز نايـف

ناصر بن محمد بن دهيم

حياك الله وابرك الساعات

والله يرحم شايبك ويسكنه الجنه

علومكم يا ال دهيم غانمه وكايده

جعلني ما اخلى منك

يامرحبا ترحيب ينشر فالاخبـار=ترحيب من عضوا" تحرك شعوره
يامرحبا ترحيب يكتب بالانـوار=والنور عم المنتدى مع حظـوره
اسمك مثل برق يبشر بالامطـار=والقلب بوجودك تزايد سـروره
الطيب بين الناس ماهو بمنكور=واللي يزور الناس لازم تـزوره
هذا محلك وابتدى معك مشـوار=على الوفا والطيب تكتب سطوره
من الفرح رحبت بك نثر واشعار=يامرحبا باللي يشرف حظـوره