نادولي الشاعر الي يفتل ابيوته=عندي له اعلوم وسط الصدر مكموته
ان واصل انشجعه وان قطّع انشوته=الله يرحم فهد كنق السعوديه
خل=وها
ياهل المنتدى طال الطويل=كل ليلٍ نعيش مجامله
لايجي كود نقال الثقيل=منه ناخذ علومٍ كامله

مساك الله بالف خير


لعنبو دارك من خبري وانت مداقش


ساعة فتحت المحاوره ويلينك محضّر لكن نقول توكلنا على الله

جيت لك مابقى مالليل لليل = لاتجيب العلوم الشامله
هات مضمونها لوهو قليل = زبدة الهرج جبلي صامله

ذاليل يالعود جابك ربي هنيا=وسلامتك عام الأول مني ابليا
بعض العرب لو نصحته يسترح عيا=والله يرحم فهد كنق السعوديه
0=0
0=0
يوم جا العود يكفخ بالشليل=لازمٍ بالحنان نعامله
كل ليلٍ يبي علبة موبيل=لين تكتب لنا انامله

اسمع الهرج والراي الدليل = يوم جاء الخط منهو حامله
غيّر الزيت ياالورع الهبيل = ورقدي يالعيون الهاملـــه

عودٍ مهذري يجيب ابيات مخلوطه=متأثر بمجلسه في ندوة الحوطه
ماباقي الا أيتسمى ببن بطوطه=والله يرحم فهد كنق السعوديه
0=0
0=0
لاتكثر بها قالٍ وقيل=ثم تضوي علينا الهامله
وانت اخبرك على قولة حليل=خرقتك من زمانك سامله

الشاعر مسعود اسمحلي ودنا نغير بعد اذنك

كل لليله نجامل للضعوف = لين شكّت بقو اعزومها
مانبي للاصاحيب امعروف = الشواعير ابي زيزومها

الشاعر مسعود المقيبلي والشاعر ابو حاجووونه

ذلحين عرفت ليه المنتدى منور

ولا على الباقين قصور وفيهم حقهم


صح الله لسانكم

وعساكم على القوه دايم الدوم


والله لا يخلينا منكم

اخوكم

ابو عبد الله الشكري

ذاليل يالشايب الفني=انته تبي العافيه مني
والذيب قابلك يالجني=غالي وسير على غالي
0=0
0=0
ياشباب انعشونا بالصفوف=والبيوت ازهلوا محكومها
والله ان اذبحه ذبحة خروف=جات نفسه يسوقه يومها

ابو حاجونه وعمرك يطول على عز وطاعه

ويشهد الله اني جاي امسك الصف معك وانك غالي

وانا دايم معك

لكن ذلحين السموحه الدعوا وصلت لحد حسن

ولا عاد لي مجال جات الزهمه في حسن


مسعود
روح وانا معك واني إحسني يا مسعود

وشاد الصف معك الليل الليل

عند خشومكم ( تراني امزح )

استلم

رقع خطاياك بالماضي=واجمع لها هرجك الفاضي
نكويك لو منته براضي= غالي وسير على غالي
0=0
0=0
حيلة العود مايمكن تطوف= والأعادي نعرم خشومها
اصبر شوي يالعود وتشوف= عيبتك نافضين خصومها

المشاركة الأصلية كتبت بواسطة مسعود المقيـبلي خلووووووووووووووها رقع خطاياك بالماضي=واجمع لها هرجك الفاضي نكويك لو منته براضي= غالي وسير على غالي 0=0 0=0 حيلة العود مايمكن تطوف= والأعادي نعرم خشومها اصبر شوي يالعود وتشوف= عيبتك نافضين خصومها