ياراكب من فوق طلق الذراعين=يطوي مسير اليوم في قدر ساعه
مرباه في الظفره بلاد النسيين=ويعجبك في الارض السماح ارتباعه
يافاطري ياللي ثمنها ثلاثين=اللي تهاوي للجمل بندفاعه
يامارعت من مربخٍ زاهر زين=وميرادها عدتعاون سباعه
يافاطري عجي قصور الوداعين=حني حنين كل من سمع راعه
وثني حنينك عند قصر الخماسين=وخص عبداللة صبي الوداعه
وحني على الرجبان هم والقثامين=من مثلهم حط الوداعه بضاعه
والاعلى الجريان نزاعه الدين(1)=شراية للمدح لاجا مباعه
نجدسلاطين العرب عند دارين=نجد ترى قومي غدوبه قلاعه
ان كانهم باروا ولاهم بموفين=بارو ويبراهم ولي الشفاعه
اللة يثبتنا على كلمة الدين=دين النبي ياحي ذيك الطماعه

ياللة ياجزل العطا مرقب العين=يا ابا الجمايل منك نرجي الشفاعه
انك تزينها وتظهر على الزين=وترفع مقام اللي رفيع شراعه
مبارك بدع قاف يشوق المغنين=صعب القوارع ذلّله لين طاعه
زعته وجالي مثل وردٍ محيمين=مال نذيره من مفاليه زاعه
باراكب من فوق طلق الذراعين=أوراك ماوقفت للمباعه
مربعات صوب حدبا الكليبين=ومن راك تثليث رعت من رجاعه
سحم فقايرها وحم العثانين=وعلى الضحى تشدي المها بالتماعه
تلفي لنا شيخ وراعي نباً زين=محمد ولد هادي طويلً ذراعه
حاذور من المسمار لايقرب القين=يخطر عليها قينها بانقطاعه
ومن الغلق حاذور لايقرب العين=يخطر عليها عينها بانقضاعه
حنانتك ذاللي تعج الوداعين=حني حنين كل من سمع راعه
ماراعنا المدفع وقبس العثامين(2)=لاطار من زين الوصايف قناعه
من جدنا في فرعه البقع مرسين=وكم شيخ قوم حط فوقه شباعه
يرصخ بنا غرسٍ كما ربخ التين=ما احلى تقاود دبسها واتباعه
نذخر نقاوي تمرها في المواعين=ونضيف الخاطر نهار المجاعه
لاحذفت حيرانها في المعاطين=ثم حرك المقداح راعي الزعامه
لاتحسب انا من ضمانتك سالين=ولا نحاول من سنعها انجضاعه
حطيتها بينك وبين القثامين=وذا سالف الفراع يعطي الفراعه
جاتك غرامة فاطرك جعلها البين=عنا وعنك من البلاوي دفاعه
دوه لها عسى نحرها بسكين=في ديرتك ضالوا عليها الجماعه
ومسترفعينك عن بقايا الحكا الشين=من مدنا بالمد نوفيه صاعه

__________________________________________________ _
الجريان:المساعره وآل بريك ابنا جري بن صهيب آل زايد الدواسر
(2)العثامين :بنو عثمان الاتراك
__________________________________________________ _

وتقبلوا تحيات اخوكم ومحبكم
ابو زابن

المشاركة الأصلية كتبت بواسطة بن مشخص المسعري عزالله ان رد الودعاني سكت ابن هادي جابله العجه

المشاركة الأصلية كتبت بواسطة ذيب الهضب لا هنت يابو زابن على هالقصه والقصيدة ودمتم بخير ،،

المشاركة الأصلية كتبت بواسطة أبو نواف من عاداتك يابو زابن تكتب قصص وقصايد بني عمك اللة لايهينك ويكثر من أمثالك وننتظر منك المزيد أخوك أبو نواف ((تحياتي بلاحدود))

المشاركة الأصلية كتبت بواسطة دغش البطي لاهنت يا ابو زابن على ايرادك لهذه القصص التاريخيه المشهوره ونشكر لك هذا الجهد الواضح تقبل تحياتي..

المشاركة الأصلية كتبت بواسطة صالح الجعيدي لا هنت أخوي ابو زابن على القصيدتين. وبيض الله وجهك يالقرم. وتقبل خالص تحيات أخوك ومحبك في الله/ صالح الجعيدي

المشاركة الأصلية كتبت بواسطة وسام العصا لا هنت لاهنت لا هنت تسلم يمينك يابن العم ولا هان راسك ابن مويم من فحول الشعراء ولا يختلف عليه اثنان ومحمد بن هادى من اشهر شيوخ القبائل بعصره. وكلاهما اشهر من نار على علم رحمهما الله وجميع اموات المسلمين. تقبل تحيات اخوك/وسام العصا

المشاركة الأصلية كتبت بواسطة ابو عبدالرحمن الودعاني ونعم ببني عمي كلهم ونعم بالوداعيـــــــــــن هذي قصيده طيبه ورحمة الله على إبن مويم عزالله إنه عرف يرد وأسأل الله له الجنه وأن يذب عن وجهه النار كما ذب عن بني عمه الكرام..

المشاركة الأصلية كتبت بواسطة أبـو سـلـيـط (المشاركة 161749) بيض الله وجهك يبو زابن ولاهنت

المشاركة الأصلية كتبت بواسطة نازع الود (المشاركة 164148) بيض الله وجهك يابو زاابن

المشاركة الأصلية كتبت بواسطة عبدالله بن عريمة (المشاركة 166170) حاذور من المسمار لايقرب القيـن *** يخطـر عليهـا قينهـا بانقطاعـه ؟؟؟ ومن الغلق حاذور لايقرب العيـن ** يخطر عليهـا عينهـا بانقضاعـه ؟؟؟ تحذير قوي من شاعر وامير ,,, الجم بن هادي !! حنانتـك ذاللـي تعـج الوداعيـن **حني حنين كل من سمـع راعـه ماراعنا المدفع وقبس العثامين(2)لاطار من زين الوصايف قناعـه من جدنا في فرعه البقع مرسيـن** وكم شيخ قوم حط فوقـه شباعـه ؟؟!!!! هذا الرد اللي طير قلب بن هادي !!!!! والودعاني كفيل .. عندما اعطا بن هادي ذلك الرجل يمتنحها كدين ,,, طلب كفالة الودعاني وهو من الخماسين ... على اساس يردون ناقته في السلوم المعروفه وهذا ماحصل والحقيقة اراد بن هادي اشعال فتنة بين الدواسر ولكنهم اذكى من كل ذلك .....

المشاركة الأصلية كتبت بواسطة ثامر الدوسري (المشاركة 166332) لا هنت يا ابو زابن على مجهوودك الطيب وبيض الله وجهك على سرد القصه والقصايد .. تحياتي لك اخوك: ثامر الدوسري

المشاركة الأصلية كتبت بواسطة ابن هميل (المشاركة 170658) بيض الله وجهك يابوزابن على القصة والقصيدتين الشهيرتين تقبل تحياتي،،

المشاركة الأصلية كتبت بواسطة ولد ودعان (المشاركة 181870) بيض الله وجهك يالقرم على الموضوع والجهد الواضح تقبل فائق احترامي وتقديري اخوك ولد ودعان