::: مـنتدى قبيلـة الـدواسـر الـرسمي ::: - التغطية المصوره لحتفل خريجي كلية الملك عبدالعزيز الحربية من أبناء قبيلـة الدواسر

http://www.alduwaser.org/Bsmllah.gif

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر

حضر الإحتفاليّة من الطاقم الإداريّ والرقابي والإشرافي :
عضو مجلس إدارة الموقع الأستاذ فهد بن هادي الغريري ، وعضو مجلس إدارة الموقع الأستاذ راشد بن عبدالمحسن المسعري ، وعضو مجلس إدارة الموقع نايف بن فهّاد الخييلي ، ومراقب الموقع حنيان الدوسري ومراقب الموقع ابو زابن المسعري ومراقب الموقع محمد ين سالم الخضراني ومشرف قسم المحاوره تراحيب المسعري والمشرف عبدالرحمن آل بريك.

تصويرالإعلامي: عبدالله بن حسين الجعيدي

http://www.alduwaser.org/meeting3/Pi...dullazizM1.jpg

برعاية وتشريف الشيخ محمد بن مرّان بن متعب بن قويد وبحضور الشيخ ضاري بن سعد آل حطيم الغييثات والشيخ عبدالله بن نايف أبا العلا والشيخ حماد ابا الروس وكذلك وسط حضورً كبير من أبناء قبيلة الدواسر : إحتفل خريجي كلية الملك عبدالعزيز الحربية من أبناء قبيلـة الدواسر مساء يوم الاربعاء 26\6\ 1431هـ بقصر ليالينا للأحتفالات بالرياض بتخرجهم مبتهجين وفرحين بهذا اليوم التاريخي لهم ، وإن قبيلـة الدواسر لتحتفل جميعاً بإضافة لبنةٍ صالحة يستفيد منها بلادنا في شتى المجالات والأقسام ، وكما إشتمل الحفل على فعاليات من إقامةٍ للعرضة النجدية و إحياء قصائد منبرية وتكريمٍ لـ متخرجيّ الحفل وكذلك تكريم الموقع الرسمي لقبيلة الدواسر على جهودة الكبيرة في شتى المجالات وكذلك لتنظيمها الإحتفاليّة لتخرج أبناء قبيلة الدواسر .

فإننا ليسرنا وعبر الموقع الرسمي للقبيله وتحت رعاية الشيخ محمد بن مران بن قويد أن نقدم لكم التغطية الخاصة لحفل كلية الملك عبدالعزيز الحربية لخريجي أبناء القبيلـة من الدفعة الثامنة والستين :

http://www.alduwaser.org/meeting3/Pi...dullazizM2.jpg
يظهر من اليمين الشيخ محمد بن مران بن قويد وبجانبه الشيخ عبدالله بن نايف ابا العلا

http://www.alduwaser.org/meeting3/Pi...dullazizM3.jpg
يظهر من اليمين الشيخ سلمان بن ناصر ابا الروس وبجانبه الشيخ مرضي الرفدي

http://www.alduwaser.org/meeting3/Pi...dullazizM4.jpg
من اليمين الاستاذ جبريل العصيمي وبجانبه الاستاذ مذكر بن سعيد الحرقان القحطاني

http://www.alduwaser.org/meeting3/Pi...dullazizM5.jpg
جانب من الحضور ويظهر في المنتصف الشيخ ضاري بن سعد الحطيم وفي اليسار الشيخ حماد بن سالم أبا الروس

http://www.alduwaser.org/meeting3/Pi...dullazizM6.jpg
جانب من الحضور ويظهر في المنتصف الشاعر معيوف المسعري وبجانبه الشاعر راكان بن بدن السبيعي وفي اليسار عبدالحافظ بن إبراهيم المسعري

http://www.alduwaser.org/meeting3/Pi...dullazizM7.jpg
يظهر بالصف الاول الشاعر محمد محيجر الخرفاني وبأقصى اليسار الشاعر شافي النتيفات ، كما يظهر بالصف الثاني عبدالله الجعيدي والشاعر محمد سالم الخضراني

http://www.alduwaser.org/meeting3/Pi...dullazizM8.jpg
يظهر من اليمين الشاعر نايف بن مسرع وبجانبه جمحان عرار المسعري

http://www.alduwaser.org/meeting3/Pi...dullazizM9.jpg

http://www.alduwaser.org/meeting3/Pi...ullazizM10.jpg

http://www.alduwaser.org/meeting3/Pi...ullazizM11.jpg

http://www.alduwaser.org/meeting3/Pi...ullazizM12.jpg
صوره عامة للحضور

http://www.alduwaser.org/meeting3/Pi...ullazizM13.jpg

http://www.alduwaser.org/meeting3/Pi...ullazizM14.jpg
جانب من الحضور ويظهر من اليمين الشاعر محمد الجعيدي وبجانبه الشاعر تركي بن نيف

http://www.alduwaser.org/meeting3/Pi...ullazizM15.jpg
جانب من الحضور

http://www.alduwaser.org/meeting3/Pi...ullazizM16.jpg
الأعلامي ومراقب الموقع الاستاذ حنيان بن مبارك الدوسري

http://www.alduwaser.org/meeting3/Pi...ullazizM17.jpg
الشيخ غانم بن فهد الدوسري

بدء الحفل بإنطلق البرنامج المنبريّ للإحتفاليّة بتقديم الاعلامي ومراقب الموقع الاستاذ حنيان بن مبارك الدوسري ، حيث إستهلّ البرنامج المنبريّ بتهنئة الخريجين والمباركة لهم بالتخرج سائلاً الله لهم التوفيق والنجاح في خدمة دينهم ووطنهم , ثم ألقيت كلمة دينية بهذه المناسبة القاها الشيخ غانم بن فهد الدوسري هنئ فيها الخريجين مذكّرهم بتقوى الله في اداء عملهم ومراقبته في سرهم وعلنهم وداعياً الله لهم بأن يكون حماة للدين رافعين كلمة الله مخلصين لدينهم ولوطنهم .

ومن ثم القيت كلمت الخرجين القاها نيابةً عنهم الخريج الملازم مبارك سلمان المساعره

http://www.alduwaser.org/meeting3/Pi...ullazizM18.jpg
الملازم .مبارك سلمان المساعره

ومن ثم القيت كلمة القسم المتوسط في الكليه الحربية.

http://www.alduwaser.org/meeting3/Pi...ullazizM19.jpg
عامر الشكره

ثم بعد ذلك بدء مجال الشعر في هذه الاحتفالية حيث كان للشعر في هذا المفحل حضوره المميز بنخبة من الشعراء هم الشاعر عبدالله العصمي والشاعر راكان بن بدن السبيعي والشاعر محمد بن باني المخاريم والشاعر معيوف المسعري والشاعر نايف بن مسرع والشاعر شافي النتيفات والشاعر محمد سالم الخضران والشاعر تريحيب المسعري والشاعر تركي هذال بن نيف والشاعر محمد بن محيجر الخرفاني .

بُدأت بالشاعر معيوف الدوسري ، حيث القى قصيده وطنية بهذه المناسبة :

http://www.alduwaser.org/meeting3/Pi...ullazizM20.jpg
الشاعر معيوف الدوسري

قصيدة الشاعر معيوف الدوسري عبر ملف يوتيوب :

http://www.youtube.com/watch?v=ZZM9dWukAsQ

http://www.alduwaser.org/meeting3/Pi...ullazizM21.JPG
الشاعر عبدالله العصيمي

وألقى الشاعر عبدالله بن مناحي العصيمي قصيدةً في قبيلة الدواسر ، حيث يقول فيها :

ياشعر دام اني مضريك بالخير = رد الكرامه من سلوم الشهامه
ماعاد فيه اليوم ياشعر تاخير = اقدم على عدٍ وقابل مقامه
صوت الموده مع ضريس النواعير = والشول جايٍ له على الما ابترامه
اتزين الحيه رقاب الاباكير = ويقول عبدالله ويجزل كلامه
اجذب منه مايجذبون الشواعير = جزل البيوت اللي تجمل مقامه
سلام حق للرجال المناعير= من هاجس صادق صدق في سلامه
سلامٍ احلى من حليب المصاغير = تاطا السهل ما عرضت للعدامه
في ضفكم ترتع سهاف المعاشير = ترعى الخطر وانتم حماة الجهامه
من دونها صوت العزاوي محاذير = مثل الرعود اللي تزيح الظلامه
صوت العزاوي عز دون المضاهير =زايد وتغلب كاسبين الزعامه
وان حافها الطماع ماحافه الخير = غشيم راي وغارقٍ فالغشامه
يرسون مثل طويق والا كما النير = والا كما ضلع رسا في تهامه
ميراده محقق بقاعة زمهرير = جداه عقب العز عضه بهامه
واللي نجا يردف دعاته بتكبير = يالله بغزوه تاليتها السلامه
وان طوحن بالصوت بيض الغنادير = ودون المعقل صار نطل العمامه
ثم ثار عج الخيل مثل المعاصير = وغطا على روس النشاما غمامه
يروون حد مصقلات بواتير = ويجلون هم اللي تزايد عسامه
شجعان ماهابوا جموع وطوابير = وكلن يدور نجدته في حزامه
يردون حوض مايروده مصادير = الا غلام وسط قلبه قرامه
من فوق قبٍ في رباها سعاطير = لا ارخو لها قامت تخوض الرغامه
ياقوم ياعنتر وياسالم الزير = وياقوم ابو زيد المسمى سلامه
افعال حق ولا روايه اساطير = وشهودها التاريخ واهل الفهامه
خطلان الايدي فالليال المعاسير = ياقاري التاريخ فسر كلامه
ماصكوا البيبان دون الخطاطير = ومقابلين ضيوفهم بابتسامه
تشهد لهم صفر الدلال المباهير = وحيل عليها من الشحم ماترامه
امشرعين ابوابهم للمسايير = للضيف والطرقي ربيع وكرامه
اهل الكرم ماحسبوا للمخاسير = كلام حق ولا عليه ملامه
هذا وانا من لابة تخصم الغير = عتيبه الهيلا على العز هامه
ماضي وحاضر والشواهد تقارير= في دفتر التاريخ حطو علامه
اللي قرا يلقى عظيم التفاسير = واللي جهل ما احد نشد وش علامه
وكل القبايل وافيه بالمعايير = والطيب ماهو حكر والا انقسامه
قلت الحقايق دون زودٍ وتزوير = والحق يلزم للرجال احترامه

http://www.alduwaser.org/meeting3/Pi...ullazizM22.jpg
الشاعر راكان بن بدن السبيعي

وألقى الشاعر راكان بن بدن السبيعي قصيدتين أحدها في قبيلة الدواسر والأخرى رداً لـ الشاعر نايف بن مسرع ، حيث يقول في قصيدة الرد على الشاعر نايف بن مسرع :

رد الخبر عني يا معيوف رده =يا صاحبي ياطيب الراس والساس
علمي لبو مران لا رحت وده =وقله ترى الدعوه على العين والراس
احدً ما عنه وعن عزيمته صده =واحدً على ماقيل من ساير الناس
وألا انت شيخً من شيوخ الأشده =دعوتك للطيب معزه ونوماس
شيخً ليا عدت لأسامي نعده=تطلع كما يطلع على الصيد قرناس
اهل الوفا لأهل الوفا مستعده =بالجاه والميقاف والدرع والطاس
وحرام لو أني ورى بحر جده =لأجيك ماعبرت عنوه ولا باس

وشارك بقصيدة أخرى في قبيلة الدواسر ، حيث يقول فيها :

اليا دعاكم داعي الطيب لبوه =هذي عوايد كاسبين النفايل
مايلحق الطيب ورى الطيب مشروه = يبقى كلام الصدق والشك زايل
ومن يسفه زحول الرياجيل مسفوه = ياعل جنسه في الرفاقه قلايل
وأنا دعيت وجيت والقاف خلوه =عندي وأنا راع البيوت الجزايل
اطرب مع القيفان واسج واتوه =واتعب على الجزله بشتى الوسايل
وصوني السبعان والشعر وصوه =بأنه يجملني مع اهل الجمايل
دواسر" راس الطويل اعتليتوه =سلايل" متسلسله من سلايل
اليا وقفتوا للزوم احتميتوه =وافعالكم ندر ليا قال قايل
قد قالها دسمان قبلي وأنا اخوه =هذا الكلام اللي عليه الدلايل
ياطيب فعل" يالدواسر فعلتوه =فعل" سبقتوا فيه كل القبايل
حتى لو أن الناس بعدين سووه =أنتم هله من قبل وأنتو لأوايل
اول مزاين يالدواسر جعلتوه =اشركتوا الضيفان يا اهل الفعايل
وحتى ولدكم من مصيبته شلتوه =يوم أن ابن عواد شاف الهوايل
زهم زهم وأنتم على طول جيتوه =ماحالكم من دون فكته حايل
خمسه معاا عشرين مليون سقتوه =وقفة شرف تبرد كبود" غلايل
يحفظكم المعبود من كل مكروه =آمين يامحيي الثرى بالمخايل
ماقلت غير الصدق والكذب مشبوه =الصدق يبقى يارجال الحمايل
واختامها ياطيب فعل" فعلتوه =فعل" سبقتوا فيه كل القبايل

http://www.alduwaser.org/meeting3/Pi...ullazizM23.jpg
الشاعر محمد بن باني المخاريم

وألقى الشاعر محمد بن باني المخاريم قصيده في قبيلة الدواسر ، حيث يقول فيها :

بسم الإله اللي عليه الاتكال=اللي على عرشه على الملك أمتعال
ربي وأنا عبده لا معبودٍ سواه=أرجيه ستر الجاه لاجالي مجال
والعز في الدنيا ويرحمني لاجيت=في القبر والثبات في وقت السؤال
ويضلني في ضل عرشه وأستريح=في الساعة اللي ماسوى ضله ضلال
وخلاف ذا يا هاجسي حان الأوان=الحفل قرب والرشا ركب المحال
وانا علي دينٍ وملزومٍ وفاه=حق القبيله دين ماهو دين مال
الشاعر لسان القبيله من قديم=تقوله العراف في ماض الليال
والشعر ديوان العرب ياهل العقول=قلته وقبلي من جميع الناس قال
سلام ياحفلٍ على أحسن مايرام=نقول له كامل ولله الكمال
حفلٍ على النوماس والعز أستقام=قاموا به الشجعان وافين الخصال
حفلٍ جمع ربعي عزيزين المقام=عون الفقير اللي عليه الدهر مال
دواسرٍ نروي شبا السيف الصقيل=في ساعةٍ مافيه حيله وأحتيال
دواسرٍ كلٍ يعرف أمجادنا=غرب وجنوب وشرق وألا في الشمال
دواسرٍ سمٍ على كبد الحريب=ولكبد صاحبنا كما الشهد الزلال
وأن ولعت نار الحرابه ياسلام=نارد حياض الموت ميراد النهال
واللي جبورته يسوقه يمنا=ناطى على راسه كما وطي النعال
وحنا مزبنة الدخيل المبتلى=هذا صحيح العلم مافيها جدال
يشهد لنا بن مطّرفٍ في مامضى=يوم القبايل عدته قلنا تعال
في ضل ربي ثم ضل سيوفنا=واللي يجيك يجيه قصاف الأجال
وجانا غريمه يطلبه قلنا يسار=جنب عن اللي في حمانا مايطال
ثم قال أنا لاسمع ولا أرى لين أشوف=أبن مطّرف تشلعه بيض السلال
قلنا تبي تسمع وتبصر بالعيون=لاطحت في هدة مداغيش العيال
ونطحوه ربعي متعبت قب المهار=قومٍ تعدل في اللقى من كان عال
ودزوه باللي من ضربته مايعيش=شلفاً علفها في الكلاوي والطحال
هذي مواقفنا ليا جانا الدخيل=وأيضا لنا عادات وسلومٍ جزال
حنا ودينا الجار من دون الجدار=سقنا الديه وأسبابها جدرٍ هيال
ونذبح ولدنا لاذبح ولد القصير=فعلٍ مع العربان ماجاله مثال
وحنا الذي رجالنا نده ثنين=ناخذ قضاه ثنين من روس الرجال
وحنا مقيدة الجمل يوم الحروب=والخصم نكسر شوكته ويروح ذال
وحنا الرجال اللي عطايانا كبار=سقنا مئية ناقه سوى من طيب بال
وخوينا جبناه من جم القليب=نقد له من جلد بكرتنا حبال
وحنا هل العشر المردف في اللقى=يوم أعتلا عج الرمك روس الجبال
وحنا هل الست الموكد عدها=نفتكها يوم الملاقى والقتال
وأهل الثمان إللي وقفنا دونها = يوم البنادق تشتغل والدم سال
وأهل صخاف الشول زينات الوجيه=ترعى بهيبتنا الخطرفي كل حال
وحنا هل الحرشا مهدين الصعوب=وليا قربنا حفنا شد الرحال
وحنا هل الجدعا مفرقة الجموع=نارٍ لها في ساعة الهيجا أشتعال
وحنا مسامير الأشده ما نهاب=الموت لامن صار للخيل أجتوال
وحنا مخاريز الرماح الصاملين=فوق الرمك والهجن مومية الحبال
وحنا الدويله كم لطمنا من حريب=حرابنا منا يجي قلبه هبال
وكل الدواسر فعلهم تاج وفخر=صوارمٍ يسهل لهم صعب المنال
من فرعة الوادي ليا مركزخريص=هم ربعي الوافين ماضين الفعال
زايد وتغلب عزوتي وأفخر بها=في مدحهم ماحدٍ يكذب لي مقال
وحنا مضيفة الهلالي يوم ضاف=خمسه وتسعينٍ من الإبل الجلال
وقصيرنا ناسم عصاه ونهمله=واللي يبيه نحط في عينه خلال
وبيع اللحم والماء حرامٍ عندنا=لوكان يوزن بالجنيه وبالريال
وحنا الرجال اللي مواقفنا صعاب=نشيل صعباتٍ ثقالٍ ماتشال
وفي وردنا كم طانح من زيزوم قوم=نخلف ضنونه في الطراد وفي النزال
إلين وحدنا الملك عبد العزيز=وقضى على الفتنه وحكمه بالعدال
لا ليوم في حكم متعب وأمني=عبد الله اللي جعل عده مايزال
فرزالوغى حلال صعبات العقود=ذرب اليمن اللي ليا من قال طال
وسلطان أبو خالد نحاز العا يلين=راع الكرم والجود شيال الثقال
وألنائب الثاني عمى عين الحريب=نايف عسى أيامه على الدنيا طوال
ولا نيست اللي لنا درع وسند=أمير نجد اللي يحيل ولا يحال
سلمان بن عبد العزيز بن سعود=شيال حملٍ ما تقوم به الجمال
وختامها صلوا على طاه الرسول=عد النبات وعد ماهل الهلال

http://www.alduwaser.org/meeting3/Pi...ullazizM24.jpg
الشاعر نايف بن مسرع

القى بعدها الشاعر نايف بن مسرع قصيدتين بمناسبة حضور الشاعرين راكان بن بدن وعبدالله العصيمي حيث القى قصيده مجاراه للشاعر دسمان السبيعي والشاعر راكان بن بدن ، ويقول فيها :

دن القلم لي وناصع الطرس هاتوه=الـوقــت حـــان لـصـادقـات الـمـثـايـل
هاج القصيد وصابني منـه مشـروه=ولا جـت مواجيبـه يـجـي لــه مـلايـل
يزمر كما حر(ن) من الوكـر هـدوه=ولا كمـا واد(ن) مــن الغـيـث سـايـل
سمعتنـا دسمـان لا فــض لــه فــوه=وطـربـتـنــا لأبـيــاتــه الــلـــي دلايــــــل
يجبـرنـي المعـنـى عـلــى قـافـيـة أوه=ولا تــرى لــي فــي قصـيـدك مسـايـل
مدحك بربعي يافتـى الجـود سمعـوه=وتـفـاخــروا بــــه يـاكـريــم الـســلايــل
تثني على اللـي طيّـب الفعـل سنّـوه=وتــوارثــوه مـــــن الــجـــدود الأوايـــــل
آلاد زايــد مــن شـكـى الضـيـم لـبّــوه=ويـفـرح بـهـم منـهـو زمـانــه تـمـايـل
والـطـيـب فـنـجــال إلا مــنــه صــبّــوه=يـنـسـاق لـلــي يكـسـبـون الـجـمـايـل
ورجــم المعـالـي ياسبـيـعـي رقـيـتـوه=وساع البشوت وكامليـن الخصايـل
وبافعالـكـم ثــوب الـمـراجـل لبـسـتـوه=وأشـبـاهـكـم بــيــن الـقـبـايـل قــلايـــل
يقولـه اللـي شـاف... ماقـال قالـوه=وعاشـر نشـامـاً يكسـبـون الطـوايـل
حازوا على الفعل الجميل وتحامـوه=وتـمـيــزوا بـالـطـيـب بــيـــن الـقـبـايــل
وهـذا جـوابـي يـاهـل الـعـرف حـطـوه=فـي صفحـة(ن) فيهـا تخـط الفعايـل

http://www.alduwaser.org/meeting3/Pi...ullazizM25.jpg
الشاعر شافي راشد النتيفات

بعدها القى الشاعر شافي راشد النتيفات "مشرف الاقسام الادبية بالموقع" قصيدة ، يقوله فيها :

باسمي وباسم اللي نصاكم عاني = انقدم الكم اجمل التهاني
يا ابطال ضباط الوطن وحصونه = ياكاسبين المجد في الميداني
هل هيبة فوق الكتف براقه = ارادة الضباط والشجعاني
بعد التعب جيتو بها يا اشبالي = ماجات للي في منامه واني
يستاهل الجزلات من يعشقها = ماجاتكم بالهرج والمجاني
منها الى اعلا يارجال الدولة = على السمو نقطف ثمر مازاني
انتم فخر للدولة ولآباكم = وانتم فخر للدوسري والعاني
والدوسري متبين من مبطي = مجد بنوه الاولين وكاني
قبيلة معروفة مشهوره = في نجد مثل البدر لامن باني
سطر لنا التاريخ واسمع نبذه = يامن جهلت افعالنا خسراني
حنا هل البل من قديم وتالي = بيت سمعته للبطل شلعاني
وحنا هل الجيرة بفعل بين = ناسم عصاة الجار لاجا عاني
وحنا ودينا جارنا من فعله = ماصار له كنه علينا داني
وحنا الخوي في سلمنا مأموني = كالشمري مع ربعنا الظفراني
وحنا هل الوقفات الى اخر ساعه = لكن خل البير تحت الساني
واهل الكرم يوم السنين عجافي = هل مدة تغني الفقير الفاني
جريس يوم انه دخل بحمانا = عين حياة مالقاها ثاني
والعامرية يوم تنعى ابناها = من فعلنا راحو مع لاخواني
سقنا الدية من فعلنا ماثوقه = هرج صحيح واعلنه بلساني
وحنا كسرنا دولة الاشرافي = والترك واللي جالنا طمعاني
وعز النفوس طبوعنا ذاكرها = عبدالعزيز الفيصلي الباني
بيع اللحم والما علينا عيبي = سلم بناه ابوي مع جداني
هذا ترا موجز من الافعالي = ماتنحصر بالهرج في الديواني
يقولها اللي لابته معروفه = ترثة جميلة لابتي واعواني
نتيفي ساسي عريب وطيب = بحر الفخر يامرني وينهاني
طويق من شافه يهاب ضلوعه = ملجا الحرار الشقر والعقباني
والنعم في كل القبايل واجب = العود لامن شب له دخاني
واليوم حنا في أمان ظافي = وكل يعيش بخير واطمئناني

http://www.alduwaser.org/meeting3/Pi...ullazizM27.jpg
الشاعر تركي بن هذال بن نيف الودعاني

بعدها القى الشاعر تركي بن هذال بن نيف الودعاني قصيده بهذه المناسبة يقول فيها :

حضرنا نشارك فرحة ابناءنا الضباط=نهار التخرج ماحد ياصف اشعوره
بعد خاضو التدريب بادراك وانضباط=وخدو في بحور العلم والمعرفه دوره
وحصيلة تعبهم يوم كل بنومه غاط=على الكتف كلآ علق اليوم دبوره
وهدف كل منهم بس قدام عينه حاط=حماة الوطن والدين في ظل اخو نوره
من الدم دون الدين والدار لسمه خاط=تحت راية بالمجد والعز منصوره
على سيرة الأجداد الأحفاد محد شاط=الأ راح جيل الجيل الأخر خذ دوره
تبون الحقيقه ياجماعه على البلاط=اباقولها والحق ما ينطفي نوره
من الوادي المعروف حتى شمال الغاط=دواسر لهم في قمة المجد مقصوره
هل السيف والمنسف وهل خيل وهل اسماط=وهل راية بيضاء على طول منشوره
وهل مجلس مفتوح بابه وبه قلاط=بوقت على الأجواد ياقل ميسوره
وغريمنا لوكان منا نزح واحتاط=لزوم نجيه وناخذ الحق ونزوره
ولاشافنا ينهار عزمه وجاه احباط=تخونه قواه ويلعن ابليس مع شوره

http://www.alduwaser.org/meeting3/Pi...ullazizM28.jpg
الشاعر محمد مبروك الجعيدي

بعدها القى الشاعر محمد مبروك الجعيدي قصيده ، قال منها :

يامرحبا ترحيبة تكتب على باب القدوم=مطرزة باسماء الدواسر كلها بضيوفها
اعداد نسناس الهوى واعداد همال الغيوم= ترحيب من قلب صادق قدمت بكفوفها
إبتشريفة محمد ولد مران قضاي اللزوم = ابن الزعيم اللي يعدل الكايدة ويطوفها
مران بن متعب زعيم القوم كعام الخصوم= كم معضلة وقف لها حتى انتهت بظروفها

http://www.alduwaser.org/meeting3/Pi...ullazizM29.jpg
الشاعر محمد بن محيجر الخرفاني

والقى بعدها الشاعر محمد محيجر الخرفاني قصيده ، قال فيها :

يالله يالمعبود ياعالي الشان= ياملجأي يوم الفعايل تبينا
يارافعن عرش السما دون عمدان= يامرسلن طاها بحق ٍ مبينا
إنك تقدرني على قول الإحسان = قدم الرجال بقول وافي رزينا
ياهاجسي عطنا من الكيف قيفان = قاف ٍ عجيبٍ يطرب السامعينا
واللي هذا مايقدر بالاثمان = ليلٍ عساه يعود يالغانمينا
ربعي هل الطالات ذربين الايمان= خطلان الايدي مرويين السنينا
ربعي الدواسر مروية شبوة الزان = وقت الجهل في ماضيات السنينا
هل سربة يوم الملاقات شجعان = يوم الملاقي للعدا كاسرينا
كل ابلجن يطمر ليا ثار دخان = على مهارٍ يردع المعتدينا
ربعي لهم في ساحة العز عنوان= وعلى سنام المرجلة معتلينا
نفوسهم تشوم عن كل نقصان = عن كل نقصانٍ وطي ٍ طمينا
كسابة للطيب من قدم الازمان = كسابة للطيب قدم وحينا
ابن مطرف وابن حثلين راكان = في كسبنا للطايلة شاهدينا
دخيلنا محمي معزز وبامان = ناسم عصاه وكلنا له يمينا
فوجيهنا وامن ولاخاف عدوان = ولاضاقت الدنيا له معاضدينا
والضيف نذبح له سمين من الضان = وفنجال بن وعودٍ ازرق ثمينا
مايسمع إلا مرحبا هيل يافلان = ما تسمع اذنه كود هرجٍ سمينا
هذي عوايد لابتي ورث جدان = الطايلة دايم لها كاسبينا
ومن يوم ماجانا معزي كحيلان = والكل عايش بين دنيا ودينا
عشنا بدار الخير في امن وايمان = عشنا بعز وكلنا وامنينا
ومن بعد ماكل الوطن كان فقران = اليوم شعبك ياوطن مغتنينا
والختم تسليمٍ معطر بريحان = تسليم مني جعلكم سالمينا
وصلاة ربي عد ماهل ودان = على شفيع الخلق طه نبينا

http://www.alduwaser.org/meeting3/Pi...ullazizM30.jpg
الشاعر تريحيب المسعري

ثم القى الشاعر تريحيب المسعري قصيده بهذه المناسبة ، يقول فيها :

لمبتداء باسم ربي خير ما ابدابه=الواحد اللي سجدنا مصلينا
اطلبه وارجيه وخشى منه واهابه=ومن موقف الهون ياربي تنجينا
من بعدها الشعر ما ارهيبه ولا اشقابه=الا على حاجتين وبس تكفينا
مدحه ميح ليا جاء الضيف هلابه=ورزض خضر مكتسي كن به تلاوينا
واليوم جينا نبارك حقله اللابه=تاج الفخر والكرم ماضي وهالحينا
درعي وساسي وحد السيف ونصابه=سيف ومن به دخيل جاء ف أراضيناا
وسمه عصاء الجار ماهي حبر وكتااابه=سلم لنا ثابت قبل المغنينا
يامن من الخزف لو خصمه على بابه=ضمانته في عصااه اوثق مضامينا
فعلا سوات الجدي من ضاع يقدابه=وموثقا فالصحايف والدواوينا
واليازبنا المجلا خاب طلاااابه=نبيع الارواح من دون المجلينا
وقاااايع صفحه التاريخ تزهابه=فالشرق والغرب تلقاء من يطرينا
واليوم في ضل من حكمه ومنابه=في حكم عبدالعزيز امجدد الدينا
اموحد المملكه والسيف وطابه=رؤوس العداء لين خروا له مطيعينا
بدد ظلام الجهل بالعلم وادابه=دستوره الشرع والقران واللينا
مرحوم يامن رقينا المجد باسبابه=ويعيش عبدالله الانسان حامينا
حامي حمى الدار ستر البيت وحجابه=له حنكه تذهل عقول السلاطينا
وله موقف ماحدن قبله تهقوى به=سور على الدينا في وجه المعادينا
ويحفظ ولي العهد سلطان لاحبابه=حبه تعداء المواطن للمقيمنا
عضد الملك سيف ابو متعب ومخلابه=غيث الضعوف الهلاكا والمساكينا
والنايب الثاني امن الدار يرسابه=اشرس من الشرس في وجه المعادينا
نايف مشرد هل الارهاب بارهااابه=مابين قتلي ومابين المساجينا
صار اسم نايف على اهل الزيغ يدعابه=حتى توارو من ارض الدين مقفينا
والخاتمه بارك الله حفله اللابه=الله يديم الفرح من حين لاحينا

http://www.alduwaser.org/meeting3/Pi...ullazizM31.jpg
الشيخ محمد بن مران ابن قويد وهو يلقي كلمته بهذه المناسبة

بعد ذلك وبعد ان قال الشعر كلمة في هذه الإحتفالية , القى الشيخ محمد بن مران ابن قويد كلمة في هذه المناسبة قال فيها بمناسبة ذكرى البيعة وتزامنها بحفلنا هذا يسعدني ويشرفني باسم كافة قبيلة الدواسر أن نتقدم بأصدق أيات التهاني والتبريكات إلى مقام خادم الحرمين الشريفين الملك عبدالله بن عبدالعزيز آل سعود وإلى صاحب السمو الملكي الأمير سلطان بن عبدالعزيز ولي العهد نائب رئيس مجلس الوزراء وزير الدفاع والطيران والمفتش العام وإلى صاحب السمو الملكي الأمير نايف بن عبدالعزيز ال سعود النائب الثاني لرئيس مجلس الوزراء وزير الداخلية وإلى الأسرة المالكة والشعب السعودي الكريم . داعين المولى عز وجل أن يديم على مملكتنا الحبيبة الأمن والرخاء .

ارحب بضيوفنا الكرام من شيوخ وزملاء وأصدقاء وابناء عم والذين استجابو لدعوتنا وشاركونا فرحتنا بتخرج ابنائنا من كلية الملك عبدالعزيز الحربية ، وانه من أسعد اللحظات عندما ينطلق اللسان بالتعبير بما يكن القلب من الفرح والسرور تجاه أبناء لنا نشاركهم فرحة تخرجهم بل كلي فخر واعتزاز بانضمامهم في صفوف قواتنا المسلحة لخدمة دينهم ومليكهم ووطنهم، ويشرفني أن اتقدم للخريجين بالتهنئة الخاصة بإسم والد الجميع الامير مران بن قويد حفظه الله وتهنئة عامة بإسم كافة أبناء القبيلة وللمزيد من التقدم والسمو في العلم والريادة في ظل حكومتنا الرشيدة سائلين المولى أن يجعلها عوناً لكم على طاعة وخدمة عباده.

وأحب أن أوضح الهدف من إقامة مثل هذه المناسبات والتي تخص القبيلة ليس من باب التفاخر أو التعصب إنما هو للم الشمل والتعارف والتآخي وصلة الرحم ففي اجتماعنا معزة وفي فرقتنا مذلة، وفي الختام اكرر الشكر لضيوفنا الأعزاء وجميع من حضر من أبناء القبيلة وكذلك شكر خاص للمشاركين في إعداد هذا الحفل وكذلك لا يفوتني أن اشكر إدارة الموقع الرسمي للقبيلة على الجهود التي يبذلونها في خدمة قبيلتهم وكذلك اشكر قناة الصحراء الفضائية متمثلة في إدارة وموظفيها برعايتها وتغطيتها حفلنا هذا.

والسلام عليكم ورحمة الله وبركاته،،،

بعد ذلك جاء دور تكريم الخريجين حيث سلّم الشيخ محمد بن مران الدروع التكريمية للخريجين ، كذلك اشعراء المشاركين بالحفل والطاقم الإداري والإشرافي والإعلامي بالموقع :

http://www.alduwaser.org/meeting3/Pi...ullazizM32.jpg

http://www.alduwaser.org/meeting3/Pi...ullazizM33.jpg

http://www.alduwaser.org/meeting3/Pi...ullazizM34.jpg

http://www.alduwaser.org/meeting3/Pi...ullazizM35.jpg

http://www.alduwaser.org/meeting3/Pi...ullazizM36.jpg

http://www.alduwaser.org/meeting3/Pi...ullazizM37.jpg

http://www.alduwaser.org/meeting3/Pi...ullazizM38.jpg

http://www.alduwaser.org/meeting3/Pi...ullazizM39.jpg

http://www.alduwaser.org/meeting3/Pi...ullazizM40.jpg

http://www.alduwaser.org/meeting3/Pi...ullazizM41.jpg

http://www.alduwaser.org/meeting3/Pi...ullazizM42.jpg
الشيخ محمد بن مران يسلم الشاعر عبدالله العصيمي الدرع التكريمي له بمشاركته الشعرية بالحفل

http://www.alduwaser.org/meeting3/Pi...ullazizM43.jpg
الشاعر راكان بن بدن السبيعي يستلم درعه التكريمي

http://www.alduwaser.org/meeting3/Pi...ullazizM44.jpg
الشيخ محمد بن مران يسلم الاستاذ عبدالعزيز الجعيدي درع تكريمي

ثم بعد ذلك جاء دور تكريم منتدى الدواسر الرسمي على رعايته الحفل وتغطيته وتنظيمه أيضاً وعلى جهوده المستمره في مناسبات الدواسر العامة :

http://www.alduwaser.org/meeting3/Pi...ullazizM45.jpg
عضو مجلس إدارة الموقع الأستاذ فهد هادي الغريري يستلم الدرع التكريمي .

http://www.alduwaser.org/meeting3/Pi...ullazizM46.jpg
عضو مجلس إدارة الموقع الأستاذ راشد المسعري يستلم الدرع التكريمي .

http://www.alduwaser.org/meeting3/Pi...ullazizM47.jpg
عضو مجلس إدارة الموقع الأستاذ نايف الخييلي يستلم الدرع التكريمي .

http://www.alduwaser.org/meeting3/Pi...ullazizM48.jpg
تكريم المراقب العام بالموقع الأستاذ خميس مطر الغييثي حيث استلمه نيابةً عنه أخوه سلطان الغييثي .

http://www.alduwaser.org/meeting3/Pi...ullazizM49.jpg
عضو مجلس إدارة الموقع الأستاذ فهد بن هادي الغريري يستلم درع المقدم لـ المشرف الإعلامي بالموقع الحميدي بن محمد الغريري نيابةً عنه .

http://www.alduwaser.org/meeting3/Pi...ullazizM50.jpg
تكريم الاعلامي ومراقب الموقع الأستاذ حنيان بن مبارك الدوسري .

http://www.alduwaser.org/meeting3/Pi...ullazizM51.jpg
وهنا الشيخ محمد بن مران وهو يوجه كلمة شكر وإمتنان لإدارة موقع الدواسر الرسمي

http://www.alduwaser.org/meeting3/Pi...ullazizM52.jpg
صوره لطاقم إدارة الموقع حيث من يظهر من اليمين فهد هادي الغريري ونايف فهاد الخييلي وعضو الموقع عقاب ال بريك والمشرف بالموقع عبدالرحمن ال بريك وبأقصى اليسار راشد محسن المسعري .

ثم بعد انتهاء فقرات الحفل أُحييت العرضة النجدية بهذه المناسبة السعيده

http://www.alduwaser.org/meeting3/Pi...ullazizM53.jpg

http://www.alduwaser.org/meeting3/Pi...ullazizM54.jpg

... صور تذكارية للخريجين ...

http://www.alduwaser.org/meeting3/Pi...ullazizM55.jpg

http://www.alduwaser.org/meeting3/Pi...ullazizM56.jpg

http://www.alduwaser.org/meeting3/Pi...ullazizM57.jpg

http://www.alduwaser.org/meeting3/Pi...ullazizM58.jpg

وفي الختام ، فإننا ليسرنا أن نهنئ الخرجين من كلية الملك عبدالعزيز الحربيّة سائلين المولى عزّ وجلّ أن يوفقهم ويسدد على طريق الحقّ خطاهم . مثمنين بذات الوقت لـ اللجنة العليا للحفل دعوة الموقع الرسمي للقبيلة لتنظيم الحفل ورعايته وتغطيته كناقل حصريّ . شاكرين الشيخ محمد بن مرّان بن قويد على كلماته التي وجهها للموقع ونصائحه التي يقدمها تكراراً للموقع .

(صوت قبيلة الدواسر)
منتدى قبيلة الدواسر الرسمي
www.alduwasser.org/vb