|
راكان بن حثلين وغيره ( وقرابتهم بالدواسر )
السلام عليكم ورحمة الله وبركاته
اريد ان اتحدث اليو م عن موضوع طالما اعتبرناه صحيحا ولاكن طلع عكس ذلك ! وهو من خوال راكان بن حثلين ولماذا اكثرية قبائل الدواسر يصرون على ان خواله دواسر ومعا ان شيخ قبيلة العجمان اكد ان اخوال راكان بن حثلين انهم عجمان وممكن ان يكون خوال والد الشيخ راكان بن حثلين انهم دواسر والدليل انا اسم (راكان يعود للدواسر) مع انه هذا الأسم متداول في بعض قبائل شبه الجزيره العربية 0 ولماذا نصر نحن على قرابتنا من الشيخ راكان او غيره من الفرسان ويوجد مواضيع كثر بهذا الخصوص , هل قبيلة الدواسر محتاجه ان تنسب بعض الفرسان اليها , اما بالقرابه او بالنسب مثل فخذ الخناتيش من عتيبة المعروفه بكثرة فرسانها وشجعانهم , ومع انه تم نسب هاؤلا الى الدواسر , ولقد تم نفي هذا النسب من الحانتيش انفسهم 0 ورد الآخر من قبيلة اعتيبه ومع الأسف بأن الدواسر يحاولون يلزون هذا الفخذ من قبيلة اعتيبه اليهم لتقارب الأسماء ولمعرفتهم بشجاعة هذه الفخيذه من عتيبه 0 وفي نهاية موضوعي لماذا لانجعل هاؤلا هم من يعترفو بنتسابهم او قرابتهم بالدواسر وليس نحن من نقول او نصر في بعض الأحيان على انتسابهم الينا 0 ومثال على ذلك فخيذة الغياثين من آل مره وبالذات الحرير منهم اللذين والى وقتنا هذا يفتخرون بنتسابهم لقبية الدواسر 0 |
رد: راكان بن حثلين وغيره ( وقرابتهم بالدواسر )
حياك الله
اولا المعروف عندنا واللي سمعناه من شيبانا ان خوال ابو راكان دواسر اما سالفت ان فيه من الدواسر يقول ان ام راكان دوسريه فهذا شي اول مره اسمعه ثم انت تقول الدواسر يحاولون يلزون انفسهم بالحناتيش...................ترى الفحر لهم مهب لنا وافعالنا تغطي على الحنايش وربعهم والتاريخ شاهد على ذلك وأنا اقسم بالله الذي خلقني انه عندنا شايب يصلي في مسجدنا من الحناتيش يقول بنفسه انهم يرجعون دواسر لان االفخر لهم مـــــــــــــــــــلوك الأزد ومـــــــــــــــــلوك تغلب |
رد: راكان بن حثلين وغيره ( وقرابتهم بالدواسر )
خوال الامير راكان بن حثلين ال سليمان من العجمان وامه دليل بنت فهيد صاحب ابا الخلا
ابو راكان الامير فلاح بن مانع خواله الدواسر |
رد: راكان بن حثلين وغيره ( وقرابتهم بالدواسر )
موضوع مهم طبعاً فنحن لا نحتاج الى الفخر الى غير الدواسر من باب الخؤوله لان طيب ذاك الفارس منا مهوب هو اللي يطيبنا اما بخصوص الفخر بالقبائل التي انفصلت فدعني اكون واقعيا ربعنا هنا يقولونها من باب المعاير للقبايل اللي راحولها يقولون ربعنا شاخو عليكم !! وانا اقول عندنا فعولنا مكفيتنا وزود حتى قمنا نتصدق بعض الفعايل على القبايل الثانيه ، وياخذون معاركنا وينسبونها لهم . |
رد: راكان بن حثلين وغيره ( وقرابتهم بالدواسر )
بصراحه موضوعك غريب يالخبير
خوال ابو راكان ال خليف وهو كفو ولا على الدواسر قصور علشان ينسبون احد لهم او يفتخرون بقرابته يكفي الدواسر وحده ان ديرتهم مافيه بلد يسمى بسم قبيلته سوى واددي الدواسر وحوطه بنو تميم الدواسر مثل البحر يحمل ولا يحمل نحن قبيله تنتسب لها القبائل ومعروف افعالنا وانسابنا ومن بيننا وبينهم مصاهره وقرابه ال محيا من وجها وامراء عتيبه الى يومك هذا يذكرون تاريخهم واصلهم الدوسري وانا سئلت واحد من المسؤلين الحكوميين في احد الدول حيث انه يمثل الحكومه هناك وعندما سئلني ممن تكون قلت دوسري قال ابن عمي قلت يسعدني قال انا من ال محيا عتيبه اصلا منكم حنا دواسر وشيختنا فعولنا الناس هم من ينتسب لنا وليس العكس والتاريخ هو الفيصل بيننا وبينهم |
رد: راكان بن حثلين وغيره ( وقرابتهم بالدواسر )
بسم الله الرحمن الرحيم
|
رد: راكان بن حثلين وغيره ( وقرابتهم بالدواسر )
اولا اشكر إخواني وبني عمي على الردود التي سوف انقلها بأذن الله على من اصرو ان خوال راكان بن حثلين دواسر وأريد ان اعقب على الفرحاني مشرف منتدى السليل وحاب ان اقوله ان امره هو العجيب والسبب ان من قالو ان خوال راكان الدواسر هم آآآآآآآآآآآآل حنيش من جماعته في السليل ومستعد ان اثبت ذلك , حتى يستغرب و يتعجب اكثر واكثر من الموضوع المطروح 0 وأخيرا ان الهدف من طرح الموضوع هو التأكد من القرابه او النسب قبل طرح المواضيع في المنتديات او المجالس حتى نكون صادقين مع انفسنا ومع الناس , وليس الا0
وشكرا |
رد: راكان بن حثلين وغيره ( وقرابتهم بالدواسر )
ياالربع راكان بن حثلين خوال ابوه دواسر وداعين
نعم نفتخر اننا اخوال والد الفارس الشاعر راكان بن حثلين فارس ملئ ذكره الارض وهم اخوال راكان خوال ابوه يعني جدته ام ابوه دوسريه كما يفتخر شيوخ العجمان الحاليين ان اخوال اجدادهم هم من الوداعين من قبيلة الدواسر ونفتخر ان قبيلة الدواسر هم اخوال مؤسس المملكه العربيه السعوديه الملك عبدالعزيز وابنائه الملوك والامراء حتى صقر العروبه الملك عبدالله الدواسر خواله خوال ابوه وجدته ام ابوه من قبيلة الدواسر ولاننسى ماقاله الامير سلمان حفظه الله لامراء قبيلة الدواسر في زيارته لمحافظة الخرج قبل اشهر وخاطبهم امام الحفل بحضور القبائل وقال يالدواسر انتم خوالي ولكم مكانه خاصه والملاحظ ان من حفروا اسمائهم في تاريخ جزيرة العرب وخلدة افعالهم اخوالهم هم قبيلة الدواسر (هنا السر وهنا الفخر وهنا المجد)(والولد وان طاب طيبه من خواله) |
رد: راكان بن حثلين وغيره ( وقرابتهم بالدواسر )
اقتباس:
اخي الكريم بحكم مجال عملي والذي في منطقة اغلب سكانها هم الحانتيش اهل ساجر لم اسمع من واحد منهم انة انكر ان اصلهم من الحانتيش الدواسر بل العكس يذركون ذلك ويفتخرون به حتى امام فخوذ عتيبة الاخرى فكيف تذكر انهم ينفون ذلك... اما بالنسبة للشيخ راكان اللي نسمعة ان خوال ابوة ال خليف الوداعين.... عموماّ الدواسر كبيرين بتاريخهم المشّرف والحافل بالامجاد والبطولات بغض النظرعن هذة الامور.. |
رد: راكان بن حثلين وغيره ( وقرابتهم بالدواسر )
بسم الله الرحمن الرحيم صلوا على محمد يالربع أنا متأكد من الناس اللي يقولون ان خواله آل سليمان ماخذينها من النت وأنا أقول أن العجمان في السنين الاخيره70% منهم يعترف ان راكان بن حثلين خواله آل خليف الوداعين و 30% يقول انهم خوال ابوه طبعاً العجمان مايبونه يطلع منهم ( مايلامون ) واغلبيه شيوخ العجمان يعترفون أن خواله الدواسر وقبل كم سنه تحادوا شكري وعرجاني وجو في الوادي وراحو للشيخ حسن بن خلف آل خليف الوداعين عمره الأن ( 109 سنه ) الله يطول بعمره ولقوا العلم كله عنده وترى قصة فلاح بن حثلين ونسبه مع آل خليف طويله وراكان له سوالف مع خواله اقرب سالفه يوم زاروه خواله وجو بالصيد الوضيحي لا صفقها كله في راس الوضيحي فقطع روسها وحطها قدام بيت الشعر وجمع العجمان وعشاهم وقال ( سموا على كرامه خوالي من صيدهم وشوفوا وقعهم قدامكم )هاذي سالفه والسالفه الثانيه يوم سيرو آل خليف عليه في وادي العجمان ومع العجمان هاجري ولاهوب جوير(ن) لاحد(ن) من العجمان سأل راكان ربعه ( الهاجري جوير(ن) عند أحد منكم ) قالوا لا يوم عشى راكان خواله قال لهم ( ياخوالي تبون هديتي ولا تاخذون هديتكم بيمانيكم ) قالو الا بناخذها بيمانينا قال ( هاذيك أبل الهاجري ولاهوب جوير(ن) لاحد(ن) من العجمان ) وخذوها آل خليف وجابوها دونهم . وأتمنا من الأخوان البحاثين عن التاريخ يذهبون لأمير قبيلة آل خليف أو للشيخ حسن بن خلف آل خليف وياخذون القصه كامله لأن فيها سوالف وقصيد والكلام ألأول والأخير أن العجمان مايبونه يطلع منهم والشيخ راكان بن فلاح والله ماهوب رافع الدواسر ولا منزلهم بس مانبي الا الحقيقه يكفي الدواسر فخر انهم خوال عبدالعزيز بن عبدالرحمن آل سعود طيب الله ثراه وخوال عياله تقبلو تحياتي ومروري الساطي |
رد: راكان بن حثلين وغيره ( وقرابتهم بالدواسر )
أنا أرى أن موضوع خوال راكان أخذ حيز أكثر من اللازم ولأختصار الموضوع هذا جواب الأمير : سلطان بن سلمان بن سلطان بن فلاح بن راكان بن حثلين( أمير قبيلة العجمان بالكويت وحفيد الشيخ راكان) حيث سأل..
س- يتردد الى مسامعنا ان خوال الشيخ راكان بن حثلين هم الدواسر وبالتحديد آل خليّف من الوداعين فما مدى صحة هذا القول ،وهل هم اخوال والده الشيخ فلاح بن مانع الحثلين.؟ ج- خوال راكان بن فلاح بن مانع ال حثلين هم ال ابا الخلا من ال حمرا فخذ ال سليمان العجمان,ام راكان بن فلاح دليل بنت فهيد ابا الخلا من ل حمرا من ال سليمان والدواسر جايز انهم يكونون خوال امه لأن اسم راكان حسب اعتقادي جاينا من الدواسر وفيه لا زال آل راكان من الوداعين موجودين حتى الآن فاحتمال كبير انهم خوال لهم. هذا هو الخبر اليقين والمقابلة كامله تجدونها في مجالس العجمان http://www.alajman.net/vb/showthread.php?t=10696 |
رد: راكان بن حثلين وغيره ( وقرابتهم بالدواسر )
أبو عبدالرحمن الودعاني مساك الله بالخير ياطويل العمر أخذ العلم اللي زبدته فيه أقسم بالله العظيم أني جالس مع شيخ من شيوخ العجمان وسالته عن الشيخ راكان بن فلاح بن حثلين ومن خواله وقالي ( الشيخ راكان بن حثلين خواله انتو يادواسر وخص آل خليف الوداعين وشيبان العجمان كلهم يعترفون بذلك بس فيه شله توها طالعه مايبون راكان يطلع من العجمان ) ويأخي سلمان بن عبدالعزيز قالها في مجلسه ولاحد رد عليه قدام شيوخ القبايل . وطلبتك يابو عبدالرحمن تروح الوادي وتنصا الشيخ حسن بن خلف الله يطول بعمره أكبر واحد في آل خليف وخابر السوالف كلها وتسوون معه لقاء وينزل في منتدى الدواسر الرسمي وينزل في مجالس العجمان والله مايردون عليها اللي يقولون ان راكان خواله آل سليمان تقبل تحياتي أخو الساطي |
رد: راكان بن حثلين وغيره ( وقرابتهم بالدواسر )
كـلـن فـيييه حقـه وأعتقـد رد أبو عبدالرحمن ووافي وكافي ،،
ولا يهونون الأخوان ،، والـدوواسـر غنيين بأفعالهم !! |
رد: راكان بن حثلين وغيره ( وقرابتهم بالدواسر )
بسم الله الرحمن الرحيم اخواني الاعزاءالشيخ راكان ابن حثلين أحد فرسان الجزيرة العربية وفروسيته واضحة مثل وضوح الشمس وموضوع منهم أخوال ركان بن حثلين موضوع يطول وقد ذكر الاخوان جميعاً مايعرفون عنه منهم الصائب ومنه المخطئي وذكرالبعض منهم ان نسب راكان لايرفع الدواسر ولاينزلهم أخواني كل رجل الطيب الصيت والسمعه يرفع رأس المنتسب اليه مثلأ نحن دائما نقول ونفتخر بأنه يكفينا نحن أن نكون خوال الملك عبدالعزيز وهوا المؤسس لهذا الكيان الشامخ وكذلك نفتخر بأبنائه كما ذكر الجميع ولاكن نحن قبائل الدواسر نفتخر بأن خوال الفارس ركان ابن حثلين في كثير من المناسبات في أشعارنا ومفاخر أنسابنا . لقد التقيت مع أكثر من شخي بارز من قبيلة العجمان وأفادوا بأن أخوال ركان ال خليف وهم جماعة الجبعة فايز بن خليف الوداعين والاكن أخونا الساطي عطا كلامً مقنعاً وهوا الرجوع والذهاب الى الشيخ / حسن ابن خلف ال خليف وهوكبير في السن وهو المصادر القوية نظراً لكبر سنة ونأمل عمل معه مقابلة ليس بأسؤال عن خوال ركان ولاكن الاستفادة ليكن من ضمن المراجع يستفادمنه ونأمل أن يكون بأسرع وقت ممكن وهو أكثر أهمية من بعض اللقأت التي ليس لها أهمية عذراً اخواني على الاطالة ولكن الموضع يستاهل أكبرا من هذا الكلام اخوكم نادر بن فهاد بن نادر |
رد: راكان بن حثلين وغيره ( وقرابتهم بالدواسر )
السلام عليكم ورحمة الله وبركاته
أنا أئيد بشده ماقاله أبو زيد الغييثي صحيح الولد من طيب خواله لاكن حتي لو خواله دواسر شنو يعني لازم يعني نمدحه ونمجده أهل قبيلته أولي فيه حنا ماعلينا ألا نمدح أجدودنا ونعم وسبعين نعم في راكان لاكن صاادق راعي الموضوع ليش يصرون عندنا اللي طير روس هل القبايل وفعولنا ثيره لاكن يبقا الفخر في بعض القبايل واجب وتقبلو التحيه مني الخــــــيــــيـــــلـــــــي |
رد: راكان بن حثلين وغيره ( وقرابتهم بالدواسر )
السلام عليكم ورحمة الله وبركاته
اشكر اخوي ابو عبد الرحمن الودعاني على الرد الوافي وبالأدله ومن غير اقصور في الي شاركو في الموضوع واريد ان اعقب على بقية المشاركات التي تصر ان راكان نحن الدواسر خواله , ياخواني عندما يأتي اليك رجل ويقولك خوالك آلا افلان وهو مخطئ ونت تعرف اصل جدك جيدا وتخبره بأن كلامه غير صحيح لاكن هذا الأخير اصر على ان خوال جدك آلا فلان , ماذا سيكون شعورك اتجاهه , لماااااذا نصر على اننا خوال راكان وحتى ان وجد شايب عمره فوق الميه هذا ان كان لديه الذاكره القويه طبعا بحكم سنه , ولماذا ينكر حفيد راكان بأننا خواله وفي نفس الشي اعترف اننا خوال والد الشيخ راكان , هل هاذا يدل منه على شي ؟. انا اعتقد انه لايتعمد اخفاء قرابة الدواسر الذي له الشرف بذلك0 لاكن انا اعتقد اننا يجب ان لانصر وفي بعض الأحيان بالقوه اننا خوال راكان بن حثلين , واكرر مثال آخر عندما يشتد الجدال بينك وبين شخص آخر حول نسب ما وأمامك خيارين للذهاب اليهم ولأستفسار حول هذا الموضوع من ستذهب اليه هل هو حفيد الشخص نفسه المتجادل حول نسبه ام شخص آخر ليس من قبيلته , ومن سوف يقنعك في النهاية!!!! 0 وهذا الموضوع ينطبق على حفيد راكان الذي انا شخصيا مقتنع بكلامه واي شخص في العالم يريد معرفة خوال راكان, وامامه دليلان للتأكد من ذلك الدليل الأول هو الذهاب لحفيد راكان والدليل الثاني من شخص خارج عائلة ال حثلين او خارج قبيلة العجمان , ماهو ضنك انه سوف يتبع اي دليل انا اعتقد بل اجزم بأقتناعه بكلام حفيد راكان بن حثلين وارجو من اخواني عدم الأصرار على ذلك حتى يأتي شخص من آل حثلين ويثبت ان حفيد راكان دواااااااااااسر |
رد: راكان بن حثلين وغيره ( وقرابتهم بالدواسر )
ما ادري ليش الشباب مو مقتنعين بكلام ابو عبد الرحمن الودعاني اللي جاب لهم كلام امير العجمان وش اكثر من هذا الدليل؟؟؟
خال الامير راكان بن حثلين جلمود ال فهيد السليماني العجمي http://alajman.ws/uploader/pic/slyrm.jpeg |
رد: راكان بن حثلين وغيره ( وقرابتهم بالدواسر )
اقتباس:
لاهنت اخي مبــارك الخييلي على تاييدك لي وهو شرف لي محبك ابو زيد الغييثي:18: |
رد: راكان بن حثلين وغيره ( وقرابتهم بالدواسر )
حبابي صويتوا من الحبه قبه حنا خواله ولا خوال ابوه وش يصير ؟؟
كما قال بعض الاخوان نحن لنا مأثرنا ومواقفنا ولسنا بحاجة لاحد وكل القبائل تناسب الدواسر لعلمهم الحقيقي بمكانة هذه القبيلة ولانهم يشترون النصب الطيب |
رد: راكان بن حثلين وغيره ( وقرابتهم بالدواسر )
عزى الله ان قليل من بسوي مثل الامير راكان بن حثلين.
وكل قبائل شبه الجزيرة والشام والعراق والاردن يسمون عيالهم على الامير راكان يبونهم يغدون مثله.
خواله ربعي العجمان لا جار الزمان الشين= يشوش لمدحهم راسي ويرفعني ويطربني يكفيهم ويكفيني نِبا راكان بن حثلين= لو انشد تركي من الاتراك جاوبني |
رد: راكان بن حثلين وغيره ( وقرابتهم بالدواسر )
اقتباس:
كفو بس ماعرفنا وش قصدك |
رد: راكان بن حثلين وغيره ( وقرابتهم بالدواسر )
تسلم اخوي ..... بس انت متأكد ان اسم راكان دوسري !! انا اول مره اسمع بهالشي ... ياليت تتاكد اخووي
وتالي ... احنا نشرف القبايل .. احنا معروف تاريخنا ... ومايحتاج نلزق نفسنا بـ آل فلان وآل فلان وليش الاصرار من البعض ان امه دوسريه !!!!! خلاص مثل ما ذكر صاحب الموضوع ان هم قالو ان خوله عجمان وهم ادرى بنفسهم ..... كل الشكر لكـ اخوي الخبير ولاهنت وانا معك بكل كلمه كتبتها |
رد: راكان بن حثلين وغيره ( وقرابتهم بالدواسر )
اقتباس:
انا فهمي بطيئ شتقصد اخووي بكلامك ذا ؟؟؟؟؟؟؟؟؟؟؟ (( من طال طوووله ... طولنا تعدى على طوووله )) |
رد: راكان بن حثلين وغيره ( وقرابتهم بالدواسر )
مشكور اخوي الساموراي على الرد والمشاركة الطيبة
|
رد: راكان بن حثلين وغيره ( وقرابتهم بالدواسر )
الموظوع بسيط برمته ولا ارى انه يجب ان يكون هناك جدل بسببه
فمالذي ينفع الدواسر سواء كانو اخوال راكان او غيره لاينفعهم الا افعالهم وعند الدواسر رجال لو وزونو بالذهاب لما وفو حقهم من امثال شيبان وابن بدران وابن نادر وابن وقيان وغيرهم الذين اعترفو القبائل بهذا واكثر . |
رد: راكان بن حثلين وغيره ( وقرابتهم بالدواسر )
اقتباس:
اتحد العجمان وآل مره وبعض القبائل الأخرى ضد بني هاجر وأرادوا القضاء عليهم نهائياً . فاستنجدت قبيلة بني هاجر بقبيلة قحطان على لسان الشاعر دغش بن سالم بن حامد الهاجري ، من فخذ الكدادات وأرسلوا القصيدة التالية بإيعاز من الأمير شافي بن سفر الشباعين بالقصيدة التالية لابن هادي شيخ قبائل قحطان . يا راكبٍ حمرا بلونها سحامه=ترعي الزهر لين الشحم فوقها زام عليها صبى ما تغير كلامه=يدي الخبر يم الرفاقه والاعلام منصاك شيخ بينات اعلامه=شيخٍ ورمحه في أهل الخيل ملحام منصاك ابن هادي كبير العمامه=مكدر الصافي بعجات الأيام حن درعه الضافي وقوة حزامه=وعدوة القاسي ندوسه بالأقدام وعده لبن شفلوت راعي الشهامه=شيخ الشيوخ متيهة كل مرزام صبيان قحطان عليهم ملامه=والها على صبيان جنبٍ تلملام حنا كما مايح ثمانين قامه=هيما وفي جيلانها تسعة اهيام ما يظهر المايح من أقصى الغمامه=الاجواذيبا وربعا وخدام وان كان جذابه تنافض اعظامه=خلي ابغله في قليبه ولاقام حنا شوي وشايلتنا القرامه=قطاعةٍ نذبح ولا كملوا يام رماحنا وسط المدينه علامه=مع الصحابه قاتلوا ذيك الأيام وعندما وصلت القصيدة إلى محمد بن هادي جمع قبائل قحطان وطلب منهم أن ينتقلوا من نجد إلى بني هاجر في اسفل الديرة ففعلوا . وقال هذه القصيدة : يا سابقي تستاهلين السلامه=الله يجيرك من بلا سو الأيام لي لابةٍ حدرتها من تهامه=وسلاحها صنع الفرنجي والأروام اعلوهم في الطور ثور كتامه=واسفلهم اللي كدر الماء على يام ياذا البهم والله أن تباري الجهامه=أيلين تنزل بين صفوى والأوجام حنا كما سيل يطم العدامه=حول على طاش البحر له تلطام ولابد من يوم يثور كتامه=أما على المطران وإلا على يام كله لعينا شافي في كلامه=يشكي علينا الضد قبل ذا العام ملاحظه : ( صفوى : هي مدينة صفوى الحالية في المنطقة الشرقيه وتقع شمال منطقة القطيف ) (الاوجام : هي ايضا قرية تقع غرب منطقة القطيف ) وعندما علم راكان بن حثلين شيخ العجمان بان قبيلة قحطان قد رحلت من نجد ، ابلغ العجمان أن يستعدوا للحرب ، ولكن الحرب مع قحطان شيء عسير المنال . وأرسل بن حثلين بعض الهدايا إلى محمد بن هادي أمير قحطان يطلب منه العودة وعدم الاشتراك في الحرب ، ولكن ابن هادي رفض هدايا راكان بن حثلين وقال : ( شورك مردود في زورك وهداياك معادة إليك ) . وذهب الشيخ راكان نفسه إلى الأمام فيصل بن تركي وطلب منه أن يعيد قبائل قحطان بقوله : ( يا طويل العمر إن بني هاجر وقحطان لو اجتمعوا معاً فسوف يشعلون النار فينا وفيكم معاً . فقال له الأمام فيصل بن تركي : ( اصلح مع بني هاجر أولاً فأعيد قحطان، وبدون ذلك فلا أستطيع ردهم ) وأرسل الشيخ راكان من فوره إلى الأمير شافي بن سفر أمير بني هاجر يطلب الصلح . وتمت المصالحة فعلاً بعد ذلك طلب الأمام من قحطان العودة إلى أرضهم في نجد : وقال الشيخ راكان هذه القصيدة ردا على قصيدة محمد ابن هادي بعد عودة قحطان إلى نجد : يا راكب حرٍ تذرب سنامه=نيه على نيه جديد من العام ملفاك شيخ بينات اعلامه=شيخٍ ورمحه في أهل الخيل مسلام وجاله كلام حي من هو كلامه=اللي لفى منه هروج وتوهام ويش الجزاء يا شوق زاهي زمامه=بالسابق اللي جات من صوب الأروام أهديت لك نور السلف والجهامه=وأبغيك ذخر في مقاديم الأيام غديت أنا وياك مثل النعامه=جاها بلاها من ثيقلات الأقدام وان كان تبغى سابقك للسلامه=فلا تحول بالجحادر على يام ولا تطاوع شافي في كلامه=بالك تطاوع شور فضاي الأنعام الشايب اللي ما تحلل إعظامه=عيت تبيّده الليالي والأيام لاشب له ضوء براس العدامه=قمنا نربط غالي القش بحزام يحرم عليك النوط فكة إبلامه=مادام فيها واحد من ضنا يام وصلاة ربي عد منشأ غمامه=على بني خصه الله بالإكرام وقام الأمام فيصل بن تركي بجمع الفارسين المتنازعين جمل بن لبده القحطاني والشيخ راكان بن حثلين وذلك بعد أن استتب السلام بينهما ، والعودة إلى نجد وطلب منهما أن يقولا كل منهما بيتاً من الشعر . فقال الفارس جمل ابن لبدة : والله لولا فيصل وأمر الشيوخ امطاع=أن قد انشد وننزل بين الحسا وانطاع وأجابه الشيخ راكان قائلاً : تراه يكذب يا فيصل ما هوب لك مطواع=نتافة لحية مرشد والشيخ الآخر ضاع أما مرشد والشيخ الآخر الذي ضاع كما جاء في الشطر الأخير من قصيدة الشيخ راكان فنحن نفضل أن نلتزم بالصمت بشأنهما حتى لا يضار أحد . وحتى لا يساء تأويلها .. ( حسب ما كتبه المؤلف ) انتهى ............ ومن يريد تنسيق القصائد فليفعل ذلك مشكورا ورد الفارس الكبير فراج بن ريفه القرقاح على راكان بن حثلين وعلى شاعر من العجمان وهو الواظح من القصيده من ال ظاعن وكان قد سب قبيلة عبيده من قحطان يا راكب حر(ن) يـلاوي اخطامـه==هياف قطاع الريـادي بالوجـام كنـه ظليـم يـوم حـق انهزامـه==لطار عنده يبرق الريش سهـام يلفي بنـا الشيـخ كبيـر العمامـه==واختص لي بالهرج راكان وحزام يذكر لنا انهـم محتسينـن كرامـه==عجل ابها ترى ربعي مواجيب وحيام فلولا الامـام اللـي تبنـا اخيامـه==اللي قرع ربعي بخط(ن) وبلـزام كـان يمدينـا كليـنـا الكـرامـه==احد كلا منها ومنا حد (ن) حـام والضاعني اللي ابتـدا فـي كلامـه==لافايدن ربعه ولا هـوب دسـام الضاعنـي اللـي يخوجـل كلامـه==يجعل يمينه في مكانه اليا قـام يكفونك ال معيض يـا ذا الهلامـه==خيالة ال حبيش لجـات لزحـام وانكان تطري منزلـي فـي تهامـه==فلانـي لاجـار ولانـي ابغـرام عبيـدي وسـط القبايـل عـلامـه==اصل وفصل ياالردي ماكر الهام وانكان تطرون الرثـى والحمامـه==فنحمـد الله ماكفرنـا بالانعـام وانكان تطرون الفـري والجرامـه==فنلبس فرنجي من سريعات الاولام ارماحنـا عنـد المدينـه عـلامـه==مركـزه قبـل نمـرود وهشـام والشريـف العبدلـي ابـو عمامـه==الي يقلـط بالعساكـر والاروام في دقل ربعي هو وبـوه وعمامـه==خلي عشا للذيب والطير لاحـام حنـا كمـا سيـل يطـم العدامـه==حول على طاش البحر له تلطام سيله يغـزي مانحـا مـن علامـه==ورعودها منه المدايـن تفصـام وجنـب مفاتيـح البـلا والسلامـه==ماحن بمن فيه الروايات يا خمام كم شيـخ قـوم مطلقيـن احزامـه==من عقب لبس الجوخ قدوله الخام نـروي رقـاب النشامـى هيامـه==في هية يشبع بها الطيـر لحـام ترى حدنـا مـن ثرمـدا لتهامـه==واسفلنا اللي كدر الما على يـام وسلامتكم وهذه هي الحقيقه لوكان بعض الناس مهوب ودهم,,,, (((( ماكان ودي اكتب ذا الكلام بس انا ارد على كلامك )))) عزى الله ان قليل من بسوي مثل الامير راكان بن حثلين. وكل قبائل شبه الجزيرة والشام والعراق والاردن يسمون عيالهم على الامير راكان يبونهم يغدون مثله. ((( وسبع القبايل شاهدين علا ذا السالفه ماعدا العجمان ))) |
رد: راكان بن حثلين وغيره ( وقرابتهم بالدواسر )
تسلم عالمجهود الطيب وانا معك قلبا وقالبا
|
رد: راكان بن حثلين وغيره ( وقرابتهم بالدواسر )
أبو عبدالرحمن الودعاني
مساك الله بالخير ياطويل العمر أخذ العلم اللي زبدته فيه عندي مايثبت وقريبآ سوف أنزله في المواقع الشيخ راكان بن حثلين خواله الدواسر وخص آل خليف الوداعين أخوكم محمد الدوسري |
رد: راكان بن حثلين وغيره ( وقرابتهم بالدواسر )
[CENTER].... ياليت رسول الله( صلى الله عليه وسلم) منى يالدواسر كان هذا الفخر ولكن رضينا بقسمة الله...
الأمير راكان بن حثلين خوال أبوه الوداعين وخوال ابوه خواله عليه رحمة الله. وملوكنا الله يطول في عمارهم خوالهم البدارين من ال سالم... وهذا مكسب وفخر. وهذا مهوب تلزز ولكن نشري العلوم الطيبه وبعض القبايل نسبت هتلر النصراني لها ويقول شاعرهم حنا وهترا عوال رجال... الكيفران اللي ياتيكم خبرها[/CENTER] ...................................... مجاهيم |
رد: راكان بن حثلين وغيره ( وقرابتهم بالدواسر )
لا حول ولاقوة الا بالله .......... السابق تظهرها يدها ......
وحنا الدواسر ظاهرين بفعولنا وابن حثلين قالها وهو اقرب له منا ........ يعني الدعوى صارت بالغصب الا يصير حنا خواله ؟؟؟؟؟؟؟؟؟ |
رد: راكان بن حثلين وغيره ( وقرابتهم بالدواسر )
على العموم ما صار الا الخير والله يرحم الجميع الحى والميت
|
رد: راكان بن حثلين وغيره ( وقرابتهم بالدواسر )
سبحان الله وبحمده سبحان الله العظيم
|
رد: راكان بن حثلين وغيره ( وقرابتهم بالدواسر )
بصراحة جذبني الموضوع عن شيخ من شيوخ القبائل وفارس لطالما انتشر صيته بين القبائل. لكن أتمنى من الاخوة الباحثين الكرام أن يفيدوني بما لديهم من معلومات لسؤال حيرني كثيراً وهو حين قبض الأتراك على الشيخ ركان بن فلاح بن حثلين وأرسلوه الى اسطانبول ماهي ردة فعل قبيلة العجمان هل كان لهم معارك أو تمردات على الاتراك..؟ خالص تقديري للجميع |
الساعة الآن 02:54 AM
 |
Powered by vBulletin® Copyright ©2000 - 2024, Jelsoft Enterprises Ltd.
---