اللةاكبرلااله الا اللة=خالق جميع الكاينات ورقيبها
والحمد للة مبتدأخطبه النبي=أخير وأفضل كلمه ابتدي بها
صلواعلى خير البرايا محمد=المصطفى الي سنته نقتديبها
فااذاذكرتوا فالق الحب والنواء=تسمعوا لبيات شعر بجيبها
ابيات من عذب المثايل نقيتها=ونزهتها من كل نقداًيعيبها
اهديبها مني سلام وتحيتي=لمعرب الانساب لاصل عريبها
اطيب من الريحان وأصل من العسل=والذمن درالخلايا حليبها
تهدا إلى ابن قويد شيخ آل زايد=مران ياشيخ الدواسر حبيبها
بعد السلام انخاك من شان حاجتي=صعبت علي لاعلك لنا تجيبها
انا بن راجح وآل عاطف قبيلتي=ومن قحطان عز من يستمي بها
وانا بدار قاصرات حقوقها=من كل الاشياء مالحقها نصيبها
شرق الحصاتين وشمال من الركا=هجره برودان المسمى شعيبها
من المدارس حقنا ماحصل لنا=وعيالنا ضلم الجهل بيغديبها
والعلم نور والجهل ضلمة الدجاء=غدراًيضي حياتها من مشيبها
ومريضنا نكويه بالنارطبنا=نزيدله من حر حامي لهيبها
والماء هماج شربة الماء تضرنا=ياغلي مشراها وياصعب المجي بها
والطرق تمهدها الحكومة لغيرنا=ودروبنا تصعب على من مشي بها
هذي مطالبنا ونحتاج غيرها=حقوقنا صعبت علينا نجيبها
وياما تقدمت وتعبت اطلب العطى=من بيت راس المال وخطي نصيبها
اثنا عشر عام وانا اروح وانثني=ارجع برقم الطلب وانثني بها
دون المعازيب وقفولي مراجعي=ماعاد خلوا حجة بدعيبها
اشكي الى آل سعودواعود وانثني=للاطلاع والافاده واجيبها
قالوا النظام يقول مايستحقها=وبعض القراء مثلي وجاها نصيبها
بعض القراء مثلي ونالت مرامها=والواسطه سيف لمن يعتزيبها
وحنا فقدنا شيخنا وأي شيخنا=ناصر إذا كادت علينا يجيبها
وقت الرخاء يقضي نوايب قبايله =ون جا البلاءفالكايده مايهيبها
خيال مايسند إذاصادم العداء=لاماتشعثرعزمها مع سبيبها
لاعل له في جنة الخلد منزله=آمين يارب العباد ورقيبها
وياخذ بقاه اللي نهج مثل منهجه=ويصبرعلى عسر الامور وتعيبها
وزرنا عيال الشيخ نبغي مواقفه=لاعل منهم خيراًيستميبها
ونخيت فيهم نخوة تنثر الغضب=تكاضمت منها الرجال بغضيبها
نخوة حماس ارعجت سامعينها=ورفعت صوتي لين كلاًدريبها
وردو يمانيهم ولزمواسبالهم=كلاًيقول انا لها انا طليبها
انكانهافي الارض ولافي السماء=فأبشر بها واللة العظيم ان نجيبها
وعودت مسروراًوربعي تباشروا=كلاًيقول اخوان جازا تجيبها
هاذي عوايد ناصر لا أنس الزهم=يشوش ويدوس الخطر مايهيبها
وقعدت اطالع للبشايرتجي لنا=وابطت علينا مالفانا نسيبها
ست اسنوات فات والسابع ابتداء=مافاض حجراًتلعة مع شعيبها
وانا إذاجيت الموضف يقول لي=دعواك فشلت حلهاوش تبيبها
خاب الامل فيهم ولاشٍ حصل لنا=ماتاخذ الطماعه الا نصيبها
ماكل من يرمي الهدف يطرح الهدف=وماكل من يغزي المطامع يجيبها
وماكل من يشكى له الحال يحتسب=للمرجله والا الى اجريصيبها
وماكل من ركب الفلا ينطح البلا=وماكل عزوة معتزي وفيبها
مانيب اقول النقص فيهم ولا الرداء=اقول ضاعت هقوةٍاهتقيبها
وخوان جازا تلطم الشره في البلا=خزن الشجاعه والحميه وطيبها
لكن مخذوا بالهم من مطالبي=سمعوا نمام اهل الحسد في قريبها
ونسيومقالتهم ونسيو مقامهم=مامثلهم هرج النميمه رضيبها
من يستمع في هرج الانذال يلحقه=اللوم لو الهينه مارضيبها
وخليتهم ناصيك ياللي شوايعك=معروفةٍكل الرجال تحكي بها
انخاك عجزاً كل الاسباب قصرت=ومثلي إذاكادت يجيك وتجيبها
انت الذي عسرالمشاكل تحلها=وانت الذي ترمي هدفك وتصيبها
كلمتك تفتحلك طريقٍ مع الوعر=وعزمك يقص لك في الصفاءمن صليبها
ولك هيبةٍعظما وحشمتك مثلها=وجاه عزيزاًطيب ينبدي بها
عسى بجاهك تكتمل لي مطالبي=قل تم يانمر السبايا وذيبها
قل تم تمت لك من اللة مطالبك=وبخل الرجال بجاههاساس عيبها
جينا نبي جاهك على مكسب الشرف=وتكرم عن ادروب الدنس ماتجيبها
في امرمن آل سعوديجي بلادنا=تفتح مدارسها وينزل طبيبها
وقومتك ياأبن قويد في ذي ومثلها=وفاصعب ولا كادت تقاس صعيبها
بعض العرب بيقول دعوى هوينه=ومن لا تحمل همها مادريبها
والهم حملاًيجرع المر صاحبه=وناراًكفا اللة شرهامن لهيبها
ونا احتملت الهم والهم ضامني=في امور ماغيري احدٍ يشتقيبها
الا إله الكون نرجي فضايله=ثم الرجال الطيبين التجي بها
وعلمني الي ماضياتٍ تجاربه=وقد ذاق من مر الليالي وطيبها
يقول لاكادت عليك وتصعبت=فأنص الرجال الطيبين وتجي بها
وخترتكم من طيبكم قبل غيركم=يافز عة المضيوم لا اشتدريبها
لاكلحت الانياب من شده الغضب=في موقفٍ عسر المواقف رهيبها
لاطار ستر البيض تنخا رجالها=تنخا المزين كل عذراً خطيبها
والخيل تحمس والقنا يقرع القنا=وهذا عليها اقفا والاخر يجيبها
وانتم هل العليا وكسابة الثنا=وانتم مزبنة المجناغريبها
كم لاجي جاكم شكى ظيم جانبه=يامن بهيبة من اعداها تهيبها
وانتوحماةالجاروسامة العصا=مجروركم يرتع بداراًيجي بها
وانتوهل صحونٍ على اللين والقسا=يعتادها ظيف الخلاويهقيبها
كم عامر للظيف قدم فقارها=وكم حايلاًغطاظهرها عصيبها
وانتوإذا ثقلت حملتوثقيلها=يوم ان ضعيفين العزوم تعتيبها
ثقال الحمول الها جمال تشيلها=تصبر على ثقل الحمول وتعيبها
عندك خبر ماينقل الحمل اليا ثقل=الا فحل حم المذاري وشيبها
يعجز لساني في تفاصيل مدحكم=والكامل اللة عالم اسرار غيبها
وانتو وانا يطبق بنا مضرب المثل=مثايل الي قبلنا نقتديبها
الاجواد فيهم كا الجبال الشمخ=من خاف من شر الدهريلتوي بها
تكفى يبو زابن ترى النقص لحقنا=كدر علي صفو الدهر مهتنيبها
وخلاني اجزع من محلي وموطني=وانصا الرجال اللي تجافي حريبها
وتكفى يبو زابن ترى اللوم لحقني=من المواطن والبعيد وقريبها
وتكفى يبو زابن تعبت وزبنتكم=بحقوقنا اللي عجز فيها طليبها
وتكفى يبو زابن نصيناك فحتسب=للمرجله وخذ من الاريا مصيبها
والمرجلة عزم وراي وهمه= ترقا بصاحبها العلا يعتليبها
والمرجله غندورة في شبابها=حسنا تدور في النشاما خطيبها
ام الجمال ام الطرب غاية العجب=ولك انت ياعشاقها ياصحيبها
نمدحك يوم المدح كسبك ومارثك=وحق الاباء لعيالها في مشيبها
وننخاك يوم انك شجاع وترتكي=للكايدات وفي العرب من يهيبها
ومن يبذل المجهود يظهر من الملا=بالعذر الاصبح والمراجل وفيبها
اليوم جيت انخاك من شد حاجتي=والصبح بوضح خطا ء بتخطيبها
بيقال هات العلم ياصاحب الخبر=وعلومي اللي جبتها باحكي بها
بقول قام الشيخ ثم ارتكالها=والمعطي اللة والعرب من نصيبها
وللة واكبرلاإله الا اللة=خالق جميع الكاينات ورقيبها
تمت وصلا اللة على سيد الملا=ذكر الإله ابدي بها وانتهيبها

وانتـم هـل العليـا وكسابـة الثـنـا=وانـتـم مـزبـنـة المجناغريـبـهـا
كم لاجي جاكـم شكـى ظيـم جانبـه=يامـن بهيبـة مـن اعداهـا تهيبـهـا
وانتوحماةالجـاروسـامـة الـعـصـا=مجروركـم يرتـع بداراًيجـي بـهـا
وانتوهل صحونٍ على الليـن والقسـا=يعتـادهـا ظـيـف الخلاويهقيـبـهـا
كـم عامـر للظيـف قـدم فقـارهـا=وكـم حايلاًغطاظهـرهـا عصيبـهـا
وانـتـوإذا ثقـلـت حملتوثقيـلـهـا=يـوم ان ضعيفيـن العـزوم تعتيبـهـا
ثقـال الحمـول الهـا جمـال تشيلهـا=تصبر علـى ثقـل الحمـول وتعيبهـا
عندك خبر ماينقل الحمـل اليـا ثقـل=الا فحـل حـم الـمـذاري وشيبـهـا
يعجز لسانـي فـي تفاصيـل مدحكـم=والكامل اللـة عالـم اسـرار غيبهـا
وانتو وانا يطبق بنـا مضـرب المثـل=مثـايـل الــي قبلـنـا نقتديـبـهـا
الاجـواد فيهـم كـا الجبـال الشمـخ=من خاف من شـر الدهريلتـوي بهـا

المشاركة الأصلية كتبت بواسطة راعي الصفراء لاهنت ياابو زابن على النقل وعلى الاحتفاظ بالقصيده والله يطول في عمر اميرنا مران بن قويد

المشاركة الأصلية كتبت بواسطة فهاد الغييثي صح لسان الشاعر العاطفي ويستاهل الامير مران اللة يطول عمره وهذه القصيده مدح في الدواسر كلهم اللة يوفقك يا بو زابن على هذا المجهود الطيب وبيض اللة وجهك

المشاركة الأصلية كتبت بواسطة ابن محمد الودعاني صح السان الشاعر العاطفي واطال الله بعمر الامير مران وهو ذخر لمن يشكي الضيم والباس ويستاهل الخير والله لايهينك يابو زابن على مااوردت من كريم الجزلات والتميز

المشاركة الأصلية كتبت بواسطة مـنـيـر آل راكـان صح الله لسان الشاعر القحطاني ويستاهل الأمير مران بن قويد كل ماقيل فيه وان شاء الله انه ماقصر مع القحطاني وجماعته ، والله يطول بعمر بوزابن ويعطيه الصحة والعافيه ولاهنت يالقرم ننتطر جديدك يالغالي أبـــــو فـــــــارس

المشاركة الأصلية كتبت بواسطة قايد الريم صح لسان العاطفي ويستاهل الامير مران بن قويد وبيضاالله وجهك

المشاركة الأصلية كتبت بواسطة المسعري2 بوزابن لالالاهنت بيض الله وجك قصيدة جزلة يستاهل مران ننتضر منك كل مميز شكراااا تقبل تحيااات المسعري2

المشاركة الأصلية كتبت بواسطة الموحد (المشاركة 150241) ابو زابن ماقصرت جعل يفدونك الرديان يستاهل ابو زابن ماقيل فيه وهو اهل له صح الله لسان القحطاني

المشاركة الأصلية كتبت بواسطة ابوسلطان (المشاركة 151020) صح لسان القحطاني ومران بن قويد هو شيخنا ويستاهل المدح وأزود منه

المشاركة الأصلية كتبت بواسطة فرد حمزة (المشاركة 356320) يحق لنا ان نفتخر فيك يامران جعل ايامك سنين

المشاركة الأصلية كتبت بواسطة السفاح {المسعري} (المشاركة 357047) تهدا إلى ابـن قويـد شيـخ آل زايـد مـران ياشيـخ الـدواسـر حبيبـهـا بعد السلام انخاك مـن شـان حاجتـي صعبـت علـي لاعلـك لنـا تجيبهـا يستااااهل في ذمتي الأمير مران أمير بالفعل ياجعل راسه يبطي حي يارب العالمين .. وصح لسان الشاعر وانا اشهد انه ارتكى على جبل مانصا الا مران يومه خابر فعله ...

المشاركة الأصلية كتبت بواسطة مقدي السلف (المشاركة 361707) سلمت يدين الناقل ... والامير مران يستاهل كل علمً غانم .. شيخً موارث شيخه ماهو من اللي شيخته يعتارها ... ومثل ماقال الشاعر سحمي بن هتيل ..: أحببت فيك المدح ياترثت الجود ,,,,, يا أمير كل الدوسري من طويله ..