|
مـــن القـــــائــــل؟
من لا كسب كفو ونعم في شبابه=يحرم عليه الطيب لاصار شايب
|
رد: مـــن القـــــائــــل؟
فكــــــــــــــره المــــــــــوضــــــــــــــوع رائــــــــــــــعه
اتمنى التفــــــــــــــــاعل من الاعضــــــــــاء يعطيك العافيــــــــــــــــــــــــــــه |
رد: مـــن القـــــائــــل؟
|
رد: مـــن القـــــائــــل؟
يعطيك العااافيه وان شاء الله تلقى مين يقولك عن البيت ........
|
رد: مـــن القـــــائــــل؟
اقول يابو مطر هذا البيت قد مرني بس وين ناسي لكن ابشر لبحث عنه تحيتي لك |
رد: مـــن القـــــائــــل؟
|
رد: مـــن القـــــائــــل؟
الذيب من صلبه يجيب الذيابه ....ولا الثعالب مابعد جابت فهود
والسيف تحمي سلته من نصابه...والطيب ماياتي بلافعل وجهود ومن ماكسب قولة كفو في شبابه...والله فلا تنقال له لاغدا عود لم أجد إلا هذه الأبيات والبحث مستمر بارك الله فيك.. |
رد: مـــن القـــــائــــل؟
بيض الله وجهه مشرفنا محمد بن سالم وبيض الله وجهك يا خميس على المسارعه على أخراج هذا الموضوع إلى النور والذي سيفيد الكثير من الاعضاء خصوصا ً في معرفة اصحاب الابيات او اذا اراد اكمالها وسأكون ثاني من يسأل عن البيت الشهير
السيح دونه لابة ٍ عيوا عليه = بمصقلات ٍ ضربها يشظى العظام ِ
وقد قيل في هية السيح بين آل عمار و آل مره ولكن هل شاعرها هو العمهوج وما بقيت الابيات اخوك / ابو زيــد |
رد: مـــن القـــــائــــل؟
هذا البيت للشاعر لابن عمهوج العمار رحمه الله يالله يا والي ولا يولى عليه .................. يعلم دبيب النمل في ليل الظلام ويقال بن السيح با يمشى عليه .................. ونقول كذب ما يطريه الأمام السيح دونه لابة عيوا عليه .................. بمصقلات ضربها يشظا العظام ويا غرس ياللي في الفضا يفجر عليه .................... يشرب غدير يطرد مثل الجهام ويا راكب اللي ما بعد كرب عليه ................... ومن الشمم عدت بدايده السلام من جيت من ربعي فسلمني عليه .................... وداعتك يالقرم مردود السلام |
رد: مـــن القـــــائــــل؟
اقتباس:
لو سمحتوا .. ممنوع الإستعانه بـ قوقل بس تقدرون ترجعون لكبار السن |
رد: مـــن القـــــائــــل؟
اقتباس:
ارررررررررررررررررحب تراحيب الحيا سـ كون الليل لاهنت يالقرم وجعل يمنااك مايجيها العطب على اكمال الابيات ولا خلا ولا عدم أخوك / ابو زيد |
رد: مـــن القـــــائــــل؟
مبدعين والله يايو مطر وابو سالم على الافكار الجميله والمفيده وبيض الله وجيهكم وكل المشاركين الله يعطيكم العافيه لاهنتوا |
رد: مـــن القـــــائــــل؟
اقتباس:
المهلي مايولي ولاهنت على هالترحيب الرائع وتسلم على هالدعوة الطيبة ودٌّ بــلا حدْ |
رد: مـــن القـــــائــــل؟
السلام عليكم ورحمة الله وبركاته: الله يعطيك العافية يابو مطر وصراحة موضوع ممتاز ويستحق التثبيت . وانا عندي ثلاثة ابيات اتمنى أن أعرف قائلها وتكملتها إن كان لها تكملة:
بعض المجالس دخوله مايشرفني = مجلس رخوم لجمع الهرج ملتمة واللي بعدها يابو نايف محسفني = تلقا ولد عم يشذب في ولد عمه يقطع حياة فابن عمي تعيفني = تردني عنه لامشي بالقدم يمه |
رد: مـــن القـــــائــــل؟
اشكر صاحب هذه الفكره الجميله واتمنا التوفيق للجميع
|
رد: مـــن القـــــائــــل؟
اقتباس:
وعليكم السلام ورحمة الله وبركاته قصيدة الوشاية للشاعر سعد العتيبي البارح الفكر والتفكير مصلفني والنوم يخطيه موق العين ويخمه انا معرب كل الناس تعرفني مانيب خبل حياته عند صحن امه اعسف ظروف الدهر قدام تعسفني وابني بيوت الشعر وابدي بها القمه مادور الشعر عند احد يسلفني ارد بحوره علن واشرب من الجمه واشوف في المجتمع حاجات تؤسفني منها الظليمه ومنها الكذب والنمه بعض المجالس دخوله مايشرفني مجلس رخوم لجمع الحكي ملتمه اهل الهروج الدقاقه ماتكيفني ياليت رجالهم يخجل على دمه واللي بعدها يابونايف محسفني تلقى ولد عم يشذب في ولد عمه تلعن حياة في ابن عمي تعيفني وتردني عنه لاامشي بالقدم يمه ودٌّ بـــلا حدْ |
رد: مـــن القـــــائــــل؟
اقتباس:
ماشاء الله ، الله يعطيك العافية ياسكون الليل والله لي مدة ادور راعي هالقصيدة وتكملتها وبحثت عنها في قوقل بس ماصار لي حظ لاهنتي ،،،، |
رد: مـــن القـــــائــــل؟
فيه قصيدة أوردها الباحث فايز البدراني في كتابه قصائد قديمة تنشر لأول مرة منها هذه الأبيات
دواسر ما دنقوا للبراطل=ولا ذكر عميلهم بايقينه على النقا ذباحة للمغاليل=وعلى الصخا جزارة للسمينة وقائلها غير معروف سوى أن اسمه مقيبل من هو مقيبل ؟ |
رد: مـــن القـــــائــــل؟
ارررررررحب ثم اررررحب يابومطر
بيض وجهك انت وابوسالم على هذي الفكره واختيار موفق لهذا الموضوع ويعطيكم العافيه ,,,والله لايهينكم ودمتم بحفظ الرحمن |
رد: مـــن القـــــائــــل؟
اقتباس:
|
رد: مـــن القـــــائــــل؟
|
رد: مـــن القـــــائــــل؟
فكره طيب من عضو اطيب منها :) يعطييك العافيه ولاإ هنت وانا عندي يا الربع بيت ابي من يجيب القصيده وسالفة القصيده غرس يالي كنك التين مايل بالحثر بين يام ولقحاطين كل( ن ) هايبه |
رد: مـــن القـــــائــــل؟
اقتباس:
( وسم ) وهي كما نشرت :-
لولا الحيا عفيت بكري عن الشيل = وفرّيت وحدي من نواحي المدينه مافوقها الا جرم خرجي من الميل = و خماسي ٍ تشفي الغلايل ضمينه واحثّها ، وادلج نهاري مع الليل = باغ ٍ أقرّب وصل عيني لعينه وأفوز وأهلّي بزين التعاليل= كما يهلّي والد ٍ في جنينه شبّيتني بين الملا تقل قنديل=وعلّقتني يم الثريا بسينه وسمّيت حالي ياسموت الخلاخيل=واطلقت في قلبي شراع السفينه والله لولا خوفة القال والقيل = وادرى على المجمول من شي يشينه لاجيه بعيال ٍ غواة ٍ مداليل= بأيمانهم حدب السيوف السنينه واشيل من جا دون ضافي البها شيل=واحرق ابي من حال بيني وبينه من غير حقران ٍ لعيد المراميل = السابقي ورباعة ٍ تابعينه دواســر ٍ مادنّقوا للبراطيل = ولا ذكر عميلهم بايقينه على النقا ذبّاحة ٍ للرياجيل = وعلى الصخا جزّارة ٍ للسمينه |
رد: مـــن القـــــائــــل؟
اقتباس:
وجزاك الله خير |
رد: مـــن القـــــائــــل؟
السلام عليكم ورحمة الله وبركاته:
باسأل عن البيت القائل : أحب البداوة حب الجزاير للاستقلال = ومن لامني في ذمتي ماعلي منّه انا سمعت إنه للقرقاح ولست متأكد ، ياليت من يقدر يفيدنا وهل للبيت تكملة !!!!! وللجميع ودي وتقديري ،،،، |
رد: مـــن القـــــائــــل؟
والله لولا ضيقة الصدر ياعبيد = ما اجيك من بين العشاوين ساري
هل قائلها ابن عويد الغييثات و ماهي باقي الابيات |
رد: مـــن القـــــائــــل؟
اقتباس:
وعلييييكم الســلاااااااام ورحمه الله وبركااتــــــــه الأبياات لـــ\الشاعر / فلاح القرقاح القحطاني بشـارتك منـــي يا ابلج الوجه فرحة بــال=بشـرتني والله يبــشرك بالجـنه جـعل الوسمي اللي ذكر له في الجنوب خيال=رعـوده مـــن القبله ترازم لهـا حنه وبـراقه بشير اهل المقانيص واهل المال=وشعاف الحزين مضري الصدر بالونه وذكـره تساوقه النشـامى مع الفنـجال=بـقـلوب تـقـول الفـضل لله والمــنه عسى نصوبه ليا جات كنها خشوم جبال=مـن الارض تمحى جرة القيظ والكـنه ويسـيل مطرها وادي مبطي ما سال=ويحيي عرق عود غصنه ايبس من الشنه اليــن العشوب تزوف لا محــزم الرجال=يجي للمسير والرعي والقنص بنـه وعطايـا الله تربع بروض لها مدهـال=بادر نبتـته من وطية اقدامك تحنـه وتـارد عدوود جمها اصفى من الشـلال=مورد حـيام الطرش يلقى بها ظـنه ومتـعهد طعـام الماشيه يطرد العمـال=لا شــاف الزبائن كلهم ما دروا عنـه تبـطي وقفته لاجـاه شاوي ولا جمال=ويعود بحمل السـكس في ساقه الدنه بضاعتك ترجع ما حد سامها بريـال=بفضل الكـريم مفضل انسه على جنه وتبـقى بدو شبه الجزيره على افضل حال=افقرهم للضـيف يثولث النجر ويدنــه بيت الشعر في ايساره الهاتف الجوال=وفي ايمينه كتاب مكمل الفرض بالسنه يسمّع لصغير عياله التوبه والأنفال=ويوضح له الإخفاء والإدغام بالغنه في كل دار لارجـــعت من بعد الامحـال=يعـجز رسمها الفنان مهما بلغ فنه احـب الـبدو حب الجزائر للاستقلال=ومن لامني في ذمتي ما علي منـه تقـــــــديـــــــــــــــري |
رد: مـــن القـــــائــــل؟
لاهنت يابو مطر على الفكره الطيبه عندي بيت ابي من يجيب القصيده ومن قائل الابيات الله كريم مانوى بتهاليك.....ولانوى بفراق جال الثنيه |
رد: مـــن القـــــائــــل؟
اقتباس:
محمد بن سعد ابن معجب الخييلات . رجال اشتهر بالـــكرم والسخاء وكان محله منصا للضيفان والطرقيه . ولــه العديد من القصص في كــرمه . وكان نازل قبله ( غرب ) من الافلاج بالقرب من الحمر . وكان بينه وبين الشيخ هذال ابو وقيان الشكره - كريم سبلاء - رفقه وصحبه حتى انه يوم شــد ابن معجب قال هذال : كثروا على الضيفان يوم شـد الخييلي . في يوم من الايام كان ناصى ابن معجب قريه الجنينه ويوم جاها لقا اسوارها مغلقه وهو جايها في ليل. وكان مع اهل حموله . وينوخون ركايبهم خارج سور القريه . وهم جالسين قال واحد من الرجال: ليتني مضيفً على قحطان .. وقال الاخر : الا ليتني والله مضيف على سبيع. وقال الاخر : ليتني مضيفً على ابن معجب الخييلي . وهو كان يسمعهم .. وهم لايدرون انه ابن معجب . ويقوم على ذلوله وينحرها . ويــصوت : جزور جزور . ويجمعهم وحتى اهل الجنينه بعضهم اطلعوا ويعشيهم ويضيفهم. قال فيها قصيده ولكن لاتحضرني . وقد قال محمد بن منصور العمور قصيده بمناسبه وقعه للخييلات وذكر فيها هالسالفه ويقول : يوم الخييلي في الجنينه ضايف .... يبي يضيف وضافته خطارها رهنه لسلاحه في يوم من الايام جاه ضيوف وكان وقتها معــسر لاعنده لاحلال ولامال ويقوم ويأخذ ســلاحه ويرهنه عشان يشتري لهم مايكرمهم ويضيفهم. وقال فيها . يابو هميم العـازه اللـى توافـي اخير لي من عازه عند الادنيـن لو قلت هافي قلت زيـن ووافـي وان قال شينٍ قلت انا عندنا زين تفرح بنا هجنً داميات الخفافـي انقلط لها الترحاب والجانب الزين لاعاد ولد الاش ماهـو يشافـي لاكرم دور السنـه حـط مديـن يذل على مالـه يجيلـه خلافـي حساب ربحه جعلـه الله للبيـن وايضاً . يوم كان نازلً بالقرب من الــلحمر كان محله مزبن للقومانيه فكان من يجني بجنايه من اهل ذيك المنطقه في وقت الامام ابن سعود يزبن شعب الخييلي . ومن زبنه ماعاد يقدرون عليه. فــكثرت الشكاوي على ابن معجب فأرسل الامام ابن سعود سريه لمنصوبه بالافلاج وأمر بأنه يهجم بالسريه على ابن معجب ويشحم نخله ويأتي به . وكان واحد من اخويا منصوب الافلاج خويً لابن معجب فأنذره فقام ابن معجب فستعد لها فلما جاته السريه نطحها هو وال هذال الشكره - كان بينه وبينهم قرابه - فكســـروا السريه فعودوا مهزوين شر هزيمه . وقال فيــها قصيده رائعه ولكن للأسف لم استطع الحصول الا على كم بيت منها . ويقول : المسلم اللى داز لنـا بالنـذاره يقول بي سريه عليكـم فواريـع يرسخ بنا غرسً يقطع مـراره كسبً لنا والا فلا اضحى ولاابيع من ذل دون الغرس تصلاه ناره يعدا من الدسمه ويعطا الكراميع من خرطم يحده ليـاح الفقـاره ويحده من الميعاز ... الى الريع * خرطم:جبل بارز بين وادي الهدار ووادي الحمر *الميعاز: اسفل وادي الحمر منقوووووول للأفااااده تقديـــــــــــــــــ:)ــــــــري |
رد: مـــن القـــــائــــل؟
أرجو من لديه معلومات عن هذة القصيدة يادقيق الماعنق يازمانن طويل |
رد: مـــن القـــــائــــل؟
إذا المراجل لبسة شماغ وعقال = قل للعذارى يلبسنّ العمايم ما عاد يفرق زول حرمه ورجال = دام الفعايل تشبه البعض دايم المرجله ما هيب كلمه وتنقال = وتروح ما راحت هبوب النسايم وإلا خشونة صوت أو رفع الأثقال = أو رزة صدور وفعل الزلايم ولا هي بعد مفتاح موتر وجوال =وإلا ردى لسانن حديثه شتايم المرجله شيمه عن القيل والقال =رفيع نفس (ن ) حر بالجو حايم المرجله عقلٍ وزن وزنه جبال = ودون العقل وش فرقنا والبهايم يا مسندي لو مايل الوقت بي مال = يا ولد أبويه يا عظيم العزايم يا معرب الجدين من العم والخال = يا نخوة المفزوع وقت الهزايم المرجله يا خوي هي طولة البال = هي العزم هي الصبر فالظلايم فيها الكرم عزه دله وفنجال =فيها الكرامه عن ردى الطبع شايم والدين لامنه خذا القلب منزل= مشى طريق الحق وابليس نايم ومن لا عرف ربه في طيب الحال = لابد وقت الضيق بالهم هايم حتى صلاتك مع جماعات ورجال = في خيرها يا خوي نعم الغنايم ولامن نصف ليلك قم صفي البال = يا عظم أجرك بين ساجد وقايم ولا من رفع ربي له كل الأعمال = حسن الذكر لا قالو فلان صايم وخلك شريف القصد يا طيب الفال = سوء المقاصد فالبيوت الهدايم واحذر تبيع النفس في درب الأنذال = وتتبع خوي إبليس راع النمايم النفس خيل لك إذا كنت خيّال =ومن لا قوى نفسه قوته الهزايم ولا صرت ما تدري لو يش أنت رجال = والله خسارة فيك ذبح التمايم |
رد: مـــن القـــــائــــل؟
ابو مبخووووت القصيده اعلاءللشاعرة نوف العتيبي
وهذي مجاراتها من الشاعر حمدان الحافي نوف العتيبيه تغنت بالامثال جزل البيوت المرهفات الحشايم ابيات صاغتها كما عقد سلسال لعيون وافين الخصال العظايم اغلى من الياقوت واغلى من المال ويصعب ثمنها بين بايع وسايم ليت العذاري لو على رؤوسهن شال مثلك يانوف يحرمن الهلايم سود الوجيه مخيبة كل الآمال اللي مكانتها مكانة قمايم انذال ما تسوى لها قرش وريال من فعلها ما شافت الا الندايم الكل منهم خاب لو قال ما قال ولاهوب محسوب على اهل القدايم خايب رجاء لو يلبس بشوت الابطال واخير يلبس له عباه ولثايم ما هو كفو يامر على بيت وعيال الله يشيله مع جميع الخمايم واللي مثل عزوتك للحمل شيال عريب جد ولا تجيه الضوايم يذكر بفعل الطيب في كل الافعال ومع النشامى نال خير القسايم يرعى حقوق الله ولاهوب محتال ابيض وجه ما يلحقه لوم لايم المرجله يبدي على رجمها العال حراً شهر عن بومها والحمايم وحاش المراجل كلها دق واجلال وفي بحرها سابح وغاطس وعايم في مجلسه يجمع له رجال ودلال والعود الازرق وامهات القوايم عزاً لربعه دايم الدوم لازال حظه مع اهل الطيب والجود قايم والمرجله لو هي صعيبه لها طال يا جعل عمره ما تجيه الثلايم هذاك تضرب فيه يابنت الامثال راع الوفا والمرجله والولايم والله يديم اهل الوفا سنين وليال اللي تشيم لبسها للعمايم ويابنت دايم وابل الخير همال تبقى الرجال ولاتموت العزايم تم الكلام وكلمة الحق تنقال حنا الرجال مطوعة كل هايم وفالشجره الخضراء لنا في وظلال وبالعقل نفرق عن جميع البهايم |
رد: مـــن القـــــائــــل؟
بياااااااض الوجه يابوسالم على الأفاده وسرعة التجاوب
جعلك ذخر يالسنافي والله يعطيك العافية تقبل تحيااتي اخوك ابومبخوت |
رد: مـــن القـــــائــــل؟
المراجل كايده هينه حلوه مرار = من تكاود مررها ماحاش اسعودها
|
رد: مـــن القـــــائــــل؟
. . • مبدعينُ مبدعينُ بمعنىُ الكلمهٌ ولآهنتمٌ وانِ شآءُ اللهٌ بعود لكمُ .. ولاهنتٌ وبيضُ وجهكٌ يابومطرٌ علىٌ الفكرهُ الطيبهٌ .. وتقبلٌ موروريُ |
رد: مـــن القـــــائــــل؟
يعطيك العافيه على الفكره الطيبه وبيض الله وجيهكم
من الــــــــــقايل قالوا هبيل وجايز لي هبالي هبال طيب ولا صحاية رخامه *********************************** ولكم كل الـــــــــــــــــــود |
رد: مـــن القـــــائــــل؟
اقتباس:
البيت قالوا لابو اثنين السبيعي و قالوا لضيدان و ان شاء الله يجي اللي يفيدنا |
رد: مـــن القـــــائــــل؟
اقتباس:
حي مهبول صامل مايبالي=والا صاحي وقت الشدايد هلامه
|
رد: مـــن القـــــائــــل؟
أبوزيد الغييثي أبو مطر الغييثي
يعطيكم اعافيه على المشاركه ولكم كل الــــــود |
رد: مـــن القـــــائــــل؟
|
الساعة الآن 04:09 AM
 |
Powered by vBulletin® Copyright ©2000 - 2024, Jelsoft Enterprises Ltd.
---